Wn/shn/ဢီးယူႇ တၢင်ႇၶေႃႈတူၵ်းလူင်း တႃႇဢဝ်ငိုၼ်းၵုမ်းၵမ်ရတ်ႈသျႃး ၸႂ်ႉတီႈၸွႆႈထႅမ်ယူႇၶရဵၼ်း
ဝၼ်းပုတ်ႉ၊ မၢတ်ႉၶျ် 20၊ 2024
ၽူႈယႂ်ႇ ၽၢႆႇပေႃႇလသီႇၼွၵ်ႈမိူင်း ၵေႃႇမသျိၼ်ႇယူးရူပ်ႉ မွၵ်ႇလၢတ်ႈမိူဝ်ႈ ဝၼ်းဢင်းၵၢၼ်းၼၼ်ႉဝႃႈ ၶဝ်တေတၢင်ႇၶေႃႈတူၵ်းလူင်း တေဢဝ်ငိုၼ်း မွၵ်ႈ ယူႇရူဝ်ႇ 3 ႁဵင်လၢၼ်ႉ ဢၼ်လုၵ်ႉတီႈငိုၼ်း ၸိူဝ်းဢၼ်လႆႈမႃးတီႈ ဢၼ်ၶဝ် ယိုတ်းငိုၼ်းရတ်ႈသျႃးဝႆႉၼၼ်ႉသေ တေဢဝ်ၸႂ်ႉတီႈပၼ်တၢင်းၸွႆႈထႅမ် ၶိူင်ႈလၢၵ်ႈၼၢၵ်ႈ တွၼ်ႈတႃႇ ယူႇၶရဵၼ်း ဝႃႈၼႆယဝ်ႉ။
တွၼ်ႈတႃႇ လွင်ႈၵမ်ႉထႅမ်ယူႇၶရဵၼ်းၼၼ်ႉ တေတၢင်ႇလၢတ်ႈၼႄ တီႈ ဝၼ်းပုတ်ႉ ဢၼ်ပဵၼ် လူင်ႈၼႃးပၢင်ၵုမ်ထႅမ်ႈ ၽူႈဢွၼ်ႁူဝ်ၸုမ်းၽွမ်ႉႁူမ်ႈ ယူးရူပ်ႉ 27 ၵေႃႉ ၼၼ်ႉယဝ်ႉ။ ၽူႈယႂ်ႇၽၢႆႇပေႃႇလသီႇၵၢၼ်ၼွၵ်ႈမိူင်း ၵျူဝ်းသႅပ်ႉပူဝ်ႇယႄးလ် မွၵ်ႇလၢတ်ႈဝႃႈ ၼႂ်းၶေႃႈတူၵ်းလူင်းၼၼ်ႉ ပႃးဝႆႉဝႃႈ ႁူဝ်ပၢၵ်ႇ 90 ၶွင် ငိုၼ်းၼၼ်ႉ တေဢဝ်ၸႂ်ႉၵႂႃႇတီႈ ငိုၼ်းၵွင်ၵၢင် လၢၵ်ႈၼၢၵ်ႈတႃႇယူႇၶရဵၼ်းဝႃႈၼႆႉယဝ်ႉ။ တႃႇ ႁူဝ်ပၢၵ်ႇသိပ်း ၼၼ်ႉတႄႉ တေၵႂႃႇတီႈၼႂ်း ငိုၼ်းၸႂ်ႉၸၢႆႇၸုမ်းၽွမ်ႉႁူမ်ႈယူးရူပ်ႉသေ တေဢဝ်ငိုၼ်းၸိူဝ်းၼႆႉ ၸႂ်ႉၸၢႆႇၵႂႃႇတီႈ တႃႇႁႂ်ႈ ၼမ်ႉၵတ်ႉလွင်ႈၵႅတ်ႇၵင်ႈတူဝ် ယူႇၶရဵၼ်း တိူဝ်းလီၶိုၼ်ႈမႃး ဝႃႈၼႆယဝ်ႉ။
ၽွင်းမိူဝ်ႈ တီႈ သၽႃးဢမႄႇရိၵၢၼ်ႇ ပႆႇတႅပ်းတတ်းလႆႈ ၶေႃႈတူၵ်းလူင်း ဢၼ် ဢမႄႇရိၵၢၼ်ႇ တေၸွႆႈထႅမ် ယူႇၶရဵၼ်း တႃႇ တေႃႇလႃႇ 60 ႁဵင်လၢၼ်ႉၼၼ်ႉ လႆႈဢွၼ်ၵၼ် ႁႃသဵၼ်ႈတၢင်း တႃႇၸွႆႈထႅမ်ယူႇၶရဵၼ်းသေ ၸင်ႇလႆႈမီး ၶေႃႈတူၵ်းလူင်း ဢၼ်ၼႆႉမႃးယဝ်ႉ။ ဝၢႆးသေ ၶဝ်ႈတိုၵ်းယူႇၶရဵဵၼ်းယဝ်ႉ ဢၼ်ပဵၼ် ၸုမ်းၽွမ်ႉႁူမ်ႈ ယူးရူပ်ႉၶဝ် လႆႈၵုမ်းၵမ်ဝႆႉ ငိုၼ်းယူႇရူဝ်ႇ 200 ႁဵဵင်လၢၼ်ႉဢၼ်ပဵၼ် ၶွင် ငဝ်ႈငုၼ်းယေးငိုၼ်းရတ်ႈသျႃးၼၼ်ႉယဝ်ႉ။ ႁူဝ်ပၢၵ်ႇ 90 ငိုၼ်းၸိူဝ်းၼႆႉၼႆႉ ပဵၼ်ၸုမ်းႁပ်ႉငိုၼ်းလူင်ႈၼႃႈ ၵူႈမိူင်းမိူင်း ဢၼ်ပၵ်းဝႆႉတီႈ မိူင်းပႄႇၵျီႇယမ်ႇ ဢၼ်ပဵၼ်ၸုမ်း Euroclear ၼၼ်ႉ ၵေႃႉၸတ်းၵၢၼ်မၼ်းဝႆႉယဝ်ႉ။
ငိူၼ်ႈငဝ်ႈတိုၼ်း
- VOA News. "ရုရှားထိန်းချုပ်ငွေ ယူကရိန်းအကူအညီပေးရေးသုံးဖို့ အီးယူကော်မရှင်အဆိုပြု" — VOA News, March 20, 2024
- Andrew Gray. "EU plans to send Russian frozen asset revenues to Ukraine arms fund" — REUTERS, March 19, 2024
- Staff-Reuters. "EU may use 90% of frozen Russian assets revenues to buy arms for Ukraine" — Global News, March 19, 2024
