Jump to content

Wn/shn/ၸွမ်ၽွင်းလူင်တႅၼ်းမၢၵ်ႈ ဢၼ်ထုၵ်ႇႁဵတ်းႁၢႆႉၼၼ်ႉ တိုၵ်ႉလိုဝ်ႈၵၢၼ်ဝႆႉ

Add links
From Wikimedia Incubator
< Wn‎ | shn
Wn > shn > ၸွမ်ၽွင်းလူင်တႅၼ်းမၢၵ်ႈ ဢၼ်ထုၵ်ႇႁဵတ်းႁၢႆႉၼၼ်ႉ တိုၵ်ႉလိုဝ်ႈၵၢၼ်ဝႆႉ

ဝၼ်းဢႃးတိတ်ႉ၊ ၸုၼ်ႇ 9၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ဢွင်ႈတီႈ မိူင်းတႅၼ်းမၢၵ်ႈ
ႁူမ်ႈသၢင်ႈ!
Wn/shn/တႅၼ်းမၢၵ်ႈ
Wn/shn/တႅၼ်းမၢၵ်ႈ
ၸွမ်ၽွင်းလူင် တႅၼ်းမၢၵ်ႈ Mette Frederiksen

လုမ်းၸွမ်ၽွင်းလူင် ပိုၼ်ၽၢဝ်ႇဝႃႈ ၸွမ်ၽွင်းလူင် Mette Frederiksen လႆႈၺႃးထုၵ်ႇႁဵတ်းႁၢႆႉသေ ယၢမ်းလဵဝ် တိုၵ်ႉလိုဝ်ႈဝႆႉယူႇ ဝႃႈၼႆယဝ်ႉ။ မိူဝ်ႈဝၼ်းသုၵ်းၼၼ်ႉ ၸွမ်ၽွင်းလူင် Frederiksen ၼႆႉ မၼ်းၼၢင်းၵႂႃႇတီႈ ပၢင်ႇဝဵင်းၵဝ်ႇ ၵဵဝ်ႇလူၺ်ႈၼႃႈၵၢၼ်သေ လႆႈထုၵ်ႇဢဝ်တၢင်း ၶွၼ်ႉလဵတ်းသေ ယိုၼ်းတွႆႇသႂ်ႇယဝ်ႉ။ လုမ်းၸွမ်ၽွင်းလူင်လၢတ်ႈဝႃႈ လႆႈတၢင်းၸဵပ်းမၢတ်ႇၵႂႃႇဢိတ်းဢွတ်းသေ ယၢမ်းလဵဝ်တႄႉ တိုၵ်ႉလိုဝ်ႈဝႆႉယူႇ ဝႃႈၼႆယဝ်ႉ။

ယွၼ်ႉလွင်ႈႁဵတ်းႁၢႆႉဢၼ်ၼႆႉသေ ၸွမ်ၽွင်းလူင် လႆႈတူၵ်းၸႂ်ၵႂႃႇသေ လႆႈယႃႉပႅတ်ႈ ၸိူဝ်းပဵၼ် လၢႆးၵၢၼ် တႃႇဝၼ်းသဝ်ၼၼ်ႉယဝ်ႉဝႃႈၼႆ။ ၵဵဝ်ႇလူၺ်ႈ လွင်ႈႁဵတ်းႁၢႆႉဢၼ်ၼႆႉသေ ပလိၵ်ႈၶဝ် လႆႈတိၺွပ်းၵူၼ်းၸၢႆးၵေႃႉၼိုင်ႈ ဢၼ်ဢႃႇယု မီး 39 ပီၼၼ်ႉယဝ်ႉ။ ၽူႈမီးပုၼ်ႈၽွၼ်း လူင်ပွင်ၸိုင်ႈၶဝ်လၢတ်ႈဝႃႈ မိူဝ်ႈပႆႇၵူတ်ႇထတ်းလိူင်ႈမၼ်းၼၼ်ႉ ၸွင်ႇထုၵ်ႇလီပၼ် ရမၢၼ်ႇ ဢမ်ႇထုၵ်ႇလီပၼ် ဢၼ်ဝႃႈၼၼ်ႉတႄႉ တေငိၼ်းထွမ်ႇ တီႈ လုမ်းတတ်းသိၼ် ဝႃႈၼႆယဝ်ႉ။

ၸွမ်းလူၺ်ႈ ၵူၼ်းထူပ်းတႃႁၢၼ်မွၵ်ႇလၢတ်ႈဝႃႈ ၵူၼ်းၸၢႆးဢၼ်ႁဵတ်းႁၢႆႉၼၼ်ႉ မၼ်းပႆမႃးတေႃႇ တီႈ ၸွမ်ၽွင်းလူင် Frederiksen မီးဝႆႉၼၼ်ႉသေ ႁဵတ်းႁၢႆႉမႃးဝႃႈၼႆယဝ်ႉ။ ၽူႈတူဝ်ထူပ်းတႃႁၼ်ထႅင်ႈၵေႃႉၼိုင်ႈ လၢတ်ႈဝႃႈ ၵူၼ်းၸၢႆးၵေႃႉၼၼ်ႉၼႆႉ လႆႈၼုင်ႈၶူဝ်းဝႆႉ လီလီငၢမ်းငၢမ်း ပေႃးထၢင်ႇဝႃႈ ပဵၼ်ၵူၼ်းၸုမ်းႁူမ်ႇလူမ်ႈၸွမ်ၽွင်းလူင် ၵေႃႉၼိုင်ႈယဝ်ႉ ဝႃႈၼႆ။

ပလိၵ်ႈၶဝ် တိၺွပ်းလႆႈ ၵူၼ်းၸၢႆးၵေႃႉၼၼ်ႉ ၵမ်းလဵဝ် ဝႃႈၼႆယဝ်ႉ။ ၸိူဝ်းပဵၼ် မိူင်းႁိမ်းႁွမ်း တီႈ ယူးရူပ်ႉပွတ်းႁွင်ႇ မိူင်း Scandinavian ၸိူဝ်းၼႆႉလႄႈ ၽူႈဢွၼ်ႁူဝ် ၵၢၼ်မိူင်း တၢင်ႇၸိူဝ်းၵေႃႈ ဢွၼ်ၵၼ်သႄႉသွမ်းၼိူဝ် လွင်ႈႁဵတ်းႁၢႆႉဢၼ်ၼႆႉယဝ်ႉ။ ၼႆႉ မၼ်းတိုၵ်ႉပဵၼ်ၽွင်း ႁဵတ်းပၢင်လိူၵ်ႈတင်ႈ တီႈမိူင်းၸုမ်းၽွမ်ႉႁူမ်ႈယူးရူပ်ႉယူႇလႄႈ တီႈမိူင်းတႅၼ်းမၢၵ်ႈၵေႃႈ ထႅင်ႈသွင်ဝၼ်းမႃး တေမီး ပၢင်လိူၵ်ႈတင်ႈဢီးယူႇသေ ၸွမ်းၽွင်းလူင် လႆႈၺႃးထုၵ်ႇႁဵတ်းႁၢႆႉၼင်ႇၼႆယဝ်ႉ။


ငိူၼ်ႈငဝ်ႈတိုၼ်း[edit | edit source]

Retrieved from "https://incubator.wikimedia.org/w/index.php?title=Wn/shn/ၸွမ်ၽွင်းလူင်တႅၼ်းမၢၵ်ႈ_ဢၼ်ထုၵ်ႇႁဵတ်းႁၢႆႉၼၼ်ႉ_တိုၵ်ႉလိုဝ်ႈၵၢၼ်ဝႆႉ&oldid=6302000"