Wn/shn/လုမ်းတတ်းသိၼ်လူင် ၵၢၼ်ႇ တႅပ်းတတ်း ႁႂ်ႈသႂ်ႇၸိုဝ်ႈ Trump တီႈပၢင်လိူၵ်ႈႁူဝ်ပိုင်း ၼႂ်းပႃႇတီႇ
ဝၼ်းဢင်းၵၢၼ်း၊ မၢတ်ႉၶျ် 5၊ 2024
လုမ်းတတ်းသိၼ် မိူင်းႁူမ်ႈတုမ် ဢမႄႇရိၵၢၼ်ႇ တႅပ်းတတ်းဝႃႈ တီႈပၢင်လိူၵ်ႈၼေႃႇၸွမ်ၸိုင်ႈႁူဝ်ပိုင်း တီႈၼႂ်းပႃႇတီႇ ဢၼ်တေ ၸတ်းႁဵတ်းၼႂ်း လိူၼ်မေႇ ဝၼ်းထိ 5 တီႈ ၸႄႈမိူင်း Colorado တီႈ မိူင်းႁူမ်ႈတုမ်ဢမႄႇရိၵၢၼ်ႇ ၼၼ်ႉ တေလႆႈသႂ်ႇၸိုဝ်ႈ ၸွမ်ၸိုင်ႈၵဝ်ႇ တေႃႇၼႄႇထရၢမ်ႉ ဝႃႈၼႆယဝ်ႉ။
ၸွမ်ၸိုင်ႈၵဝ်ႇ တေႃႇၼႄႇထရၢမ်ႉ လၢတ်ႈဝႃႈ "လွင်ႈတႅပ်းတတ်း လုမ်းတတ်းသိၼ်ၼႆႉ မၼ်းပဵၼ် ဝၼ်းလီဝၼ်းငၢမ်း တွၼ်ႈတႃႇ ဢမႄႇရိၵၢၼ်ႇသေ ဢမ်ႇၵႃး ပဵၼ်ယၢင်ႈတိၼ်လူင်ဢၼ်ၼိုင်ႈ တွၼ်ႈတႃႇ လွင်ႈၽွမ်ႉႁူမ်ႈၵၼ်" ဝႃႈၼႆယဝ်ႉ။ ဝၢႆးသေ ၶေႃႈတႅပ်းတတ်းၼႆႉ ဢွၵ်ႇမႃးပႆႇပေႃးႁိုင် ထရၢမ်ႉ လႆႈလုၵ်ႉတီႈ ႁိူၼ်းမၼ်း Mar-a-Lago ဢၼ်မီးတီႈ ၸႄႈမိူင်းၾရေႃႇရီႇတႃႇၼၼ်ႉသေ မွၵ်ႇလၢတ်ႈမႃး ၸိူင်ႉၼႆယဝ်ႉ။
ၵဵဝ်ႇလူၺ်ႈ လွင်ႈဢၼ်ၶဝ်ႈတဝ်တီႈၼႂ်း သၽႃး ဢၼ်ၶိုင်ၶတ်းၸႂ်လႅၵ်ႈလၢႆႈ ၽွၼ်းဢၼ်လႆႈသုမ်း ပၢင်လိူၵ်ႈတင်ႈ ပီ 2020 ၼၼ်ႉသေ တီႈၸႄႈမိူင်း Colorado ၊ Illinois လႄႈ Maine ၸိူဝ်းၼႆႉ ဢွၼ်ၵၼ် ႁႄႉႁၢမ်ႈ ၸွမ်ၸိုင်ႈၵဝ်ႇ ထရၢမ်ႉဝႃႈ တေဢမ်ႇမီးၶႂၢင်ႉ တႃႇၶဝ်ႈၶႄႉၶဵင်ႇတီႈ ပၢင်လိူၵ်ႈၼေႃႇၸွမ်ၸိုင်ႈ ႁူဝ်ပိုင်း တီႈၼႂ်းပႃႇတီႇ ဢၼ်ၸတ်းႁဵတ်း ၸွမ်းၸႄႈမိူင်း ဝႃႈၼႆဝႆႉယဝ်ႉ။ ယွၼ်ႉပိူဝ်ႈ လွင်ႈတႅပ်းတတ်း လုမ်းတတ်းသိၼ်ၼႆႉလႄႈ တီႈ ၸႄႈမိူင်းတၢင်ႇၸိူဝ်းၵေႃႈ တေဢမ်ႇၸၢင်ႈႁဵတ်း လွင်ႈႁႄႉႁၢမ်ႈၼင်ႇၼႆထႅင်ႈယဝ်ႉ။ မိူဝ်ႈပႆႇထိုင် Super Tuesday ဢၼ်ပဵဵဵဵဵဵဵၼ်ဝၼ်း ဝၼ်းတေႁဵတ်း ပၢင်လိူၵ်ႈတင်ႈ ၼေႃႇၸွမ်ၸိုင်ႈ ႁူဝ်ပိုင်း တီႈၼႂ်းပႃႇတီႈၼၼ်ႉ လူင်ႈၼႃႈဝၼ်းၼိုင်ႈၼၼ်ႉ လုမ်းတတ်းသိၼ် မိူင်းႁူမ်ႈတုမ် လႆႈတႅပ်းတတ်းမႃးၼင်ႇၼႆယဝ်ႉ။
ထရၢမ်ႉၼႆႉ ပဵၼ် ၸွမ်ၸိုင်ႈၵဝ်ႇ ယူႇဢႅတ်ႉသ် ၵေႃႉဢွၼ်တၢင်းသုတ်း ဢၼ်ထုၵ်ႇၺႃး ပိုတ်ႇလိူင်ႈ လွင်ႈၽိတ်းပၵ်းပိူင်ၼၼ်ႉယဝ်ႉ။ ဢၼ်ပဵၼ် ၶပ်ႉမၢႆတႃႇၶိုၼ်ႈလုမ်းတတ်းသိၼ် ဢွၼ်တၢင်းသုတ်းၼႆႉ ပဵၼ်တီႈ လုမ်းတတ်းသိၼ် ၸႄႈမိူင်းၼိဝ်းယွၵ်ႉသေ တေပဵၼ်ၼႂ်း ၶၢဝ်းတၢင်းသၢမ်ဝူင်ႈ၊ တီႈၼၼ်ႈၼႆႉ မၼ်းတေလႆႈၺႃး လိူင်ႈဢၼ်ၵဝ်းယုင်ႈ ပၢင်လိူၵ်ႈတင်ႈၼႆယဝ်ႉ။
မၼ်းထုၵ်ႇမၢပ်ႇၼႄးဝႃႈ မိူဝ်ႈၼႃႈ ပၢင်သူၼ်းတုမ် ပီ 2016 ဢၼ်မၼ်းဢွင်ႇမၢၼ်ၼၼ်ႉ မၼ်းလႆႈၶတ်းၸႂ် သိူင်ႇသိမ်း လွင်ႈမၼ်းႁႂ်ႈပၼ်ငိုၼ်း ၼၢင်းၸိူင်းၶၢႆတူဝ် Stormy Daniels ပဵၼ်တႃႇဢိုတ်းပၢၵ်ႇ လွင်ႈဢၼ်ၶဝ်လႆႈၵဝ်းၵၼ်မႃး တႃႇၼိုင်ႈၶမ်ႈ ၼၼ်ႉ ၼႆယဝ်ႉ။
ၽၢႆႇထရၢမ်ႉတႄႉ မၼ်းလႆႈ ထဵင်ႇဝႆႉၶိုၼ်း လိူင်ႈ 91 ဢၼ် ဢၼ်မၼ်းထုၵ်ႇမၢပ်ႇဝႆႉၼၼ်ႉယဝ်ႉ။
ငိူၼ်ႈငဝ်ႈတိုၼ်း[edit | edit source]
- Ken Bredemeier. "US Supreme Court Allows Trump to Remain on Colorado Election Ballot" — VOA News, March 4, 2024
- VOA News. "ပါတီတွင်းပဏာမရွေးချယ်ပွဲတွေမှာ Trump အမည်ထည့်သွင်းဖို့ ကန်တရားရုံးချုပ်ဆုံးဖြတ်" — VOA News, March 5, 2024
