Wn/shn/လိၼ်ၵူၼ်ႇပင်း တီႈမိူင်းဢိၼ်းတီးယႃး ပွတ်းၸၢၼ်း ၵူၼ်းတၢႆ 190 ၵေႃႉလိူဝ်
ဝၼ်းသုၵ်း၊ ဢေႃးၵၢတ်ႉ 2၊ 2024
.svg)
ဝၢႆးသေ ၾူၼ်တူၵ်းႁၢဝ်ႈႁႅင်း လၢႆဝၼ်း ႁဵတ်းႁႂ်ႈလိၼ်ၵူၼ်ႇပင်းယဝ်ႉ ၵူၼ်းတၢႆ ဢမ်ႇယွမ်း 194 ၵေႃႉသေ ၸုမ်းၸွႆႈထႅမ် တိုၵ်ႉၶတ်းၸႂ်ႁႃ ၵူၼ်းၸိူဝ်းဢၼ် ၶမ်ဝႆႉ ၼႂ်းၶူဝ်းၶွင် ဢၼ်ၵူၼ်ႇပင်း လႄႈ ၼႂ်းလိၼ် တီႈမိူင်းဢိၼ်းတီးယႃး ပွတ်းႁွင်ႇၼၼ်ႉယူႇ။ ၽူႈတၢင်လၢတ်ႈ လူင်ပွင်ၸိုင်ႈ ၸႄႈမိူင်းၵေႇရႃႇလႃႇ P.M Manoj လၢတ်ႈဝႃႈ ယွၼ်ႉၾူၼ်တူၵ်းယူႇတိၵ်းတိၵ်းလႄႈ တႃႇတေႁဵတ်းၵၢၼ်ၵူတ်ႇထတ်း တီႈလွႆသုင် ဢၼ်မီးထိူၼ်ႇပႃႇ ၵူၼ်ႇပင်းၼၼ်ႉ မၼ်းယၢပ်ႇၽိုတ်ႇဝႆႉယူႇ ဝႃႈၼႆယဝ်ႉ။
လႆႈႁၼ်တူဝ်တၢႆ 40 ပၢႆ လႆယူႇၼႂ်းမႄႈၼမ်ႉ ၶျႃႇလီႇယႃႇ ဢၼ်လႆလတ်း ၸႄႈဝဵင်းဝႃႇယႃႇၼတ်ႉ ဢၼ်လႆႈထူပ်းၽေးလိၼ်ၵူၼ်ႇပင်း တင်းၼမ်ၼၼ်ႉ လႆယူႇ 20 လၵ်းသေ လႆႈႁၼ် ပွတ်းတွၼ်ႈတူဝ်တၢႆ ၵူၼ်းၸိူဝ်းတၢႆၵႂႃႇ ၼႆယဝ်ႉ။
မိူဝ်ႈၸဝ်ႉၸဝ်ႉ ဝၼ်းဢႃးတိတ်ႉၼၼ်ႉ ဝၢၼ်ႈဢိၵ်ႇတင်း သူၼ်မၢၵ်ႇၽႃႈ ၸိူဝ်းယူႇတီႈလွႆသုင်ၼၼ်ႉ ၺႃးလိၼ်ၵူၼ်ႇပင်း၊ လိၼ်ၵူၼ်ႇတႄႇမိူဝ်ႈၼမ်ႉၶဝ်ႈမႃး။ ယွၼ်ႉႁိူၼ်းယေး ၵူၼ်ႇပင်း လႄႈ ၶူဝ်ၵေႃႈ ၵူၼ်ႇပင်းၵႂႃႇလႄႈ ၸုမ်းၸွႆႈထႅမ် လႆႈၶတ်းၸႂ် ၸၼ်ဢွၵ်ႇ ၵူၼ်းၸိူဝ်း ၶမ်ဝႆႉ ၼႂ်းလွင်ႈၵူၼ်ႇပင်း လႄႈ ၼႂ်းလိၼ် ၼႆယဝ်ႉ။
ငိူၼ်ႈငဝ်ႈၶၢဝ်ႇ
- The New Indian Express. "Wayanad landslides: Over 173 dead, more than 190 missing; Army rescues over 1,000 people" — The New Indian Express, August 1, 2024
- Ndtv. "295 Dead In Kerala Landslides, 40 Rescue Teams Resume Search Ops" — NDTV, August 2, 2024
- Ahmad Adil. "50 more missing after cloudbursts as search for over 190 people in Indian Kerala state continues" — Anadolu Agency, August 1, 2024
- Al Jazeera. "Rain hampers rescue work in India’s Kerala as landslides’ death toll rises" — Al Jazeera, August 1, 2024
- Munsif Vengattil, Jose Devasia and Chris Thomas. "Kerala's Wayanad landslide: New bridge to speed up rescue work" — Reuters, August 2, 2024
