Wn/shn/ယွၼ်ႉဢိင်ႇသၼ်ႇ ပွတ်းၵၢင်ၵျႃႇပၢၼ်ႇလႄႈ ၵူၼ်းလႆႈလူႉတၢႆ ဢမ်ႇယွမ်း 48 ၵေႃႉ
ဝၼ်းဢင်းၵၢၼ်း၊ ၸၼ်ႇဝႃႇရီႇ 2၊ 2024
.svg)
ယွၼ်ႉပိူဝ်ႈ ဢိင်ႇသၼ်ႇလူင် လႆႈၶွၼ်းဝႆမႃႈတီႈ ၵျႃႇပၢၼ်ႇပွတ်းလႄႈ တီႈဢေႇသုတ်းမၼ်း ၵူၼ်းလႆႈလူႉတၢႆၵႂႃႇ 48 ၵေႃႉၼႆ လႆႈယိုၼ်ယၼ် မိူဝ်ႈဝၼ်းဢင်းၵၢၼ်း ပွတ်းၸဝ်ႉၼၼ်ႉယဝ်ႉ။ လိူဝ်သေၼၼ်ႉဢမ်ႇၵႃး ဢၼ်ပဵၼ် ႁွၼ်ၼမ်ႉ ဢၼ်မီးတၢင်းသုင် ၼိုင်ႈမီႇတႃႇၼၼ်ႉၵေႃႈ လႆႈၽင်ႇၽၢပ်ႈမႃးလႄႈ ႁိူၼ်းၸိူဝ်းၼႆႉၵေႃး လူႉလႅဝ် ၽႆးၵေႃႈမႆႈမႃး ၼႆယဝ်ႉ။
ၽူႈမီးပုၼ်ႈၽွၼ်းၶဝ် တီႈ တွၼ်ႈဢီႇသျီႇၵႃးဝႃး လႆႈယိုၼ်ယၼ်ဝႃႈ မီးလွင်ႈပိူင်ပဵၼ်ဢၼ်ၵူၼ်းလႆႈလူႉတၢႆ ဝႃႈၼႆယဝ်ႉ။ သဵၼ်ႈတၢင်း ၸိူဝ်းၼႆႉၵေႃႈ လႆႈတႅၵ်ႇဢႃႈၵႂႃႇသေ သဵၼ်ႈတၢင်း ႁိူဝ်းမိၼ်လဵၼ်ႈ ၶွင် တႃႈႁိူဝ်းမိၼ် ပိုၼ်ႉတီႈ တီႈဢေႇသုတ်းမၼ်း ဢၼ်ၼိုင်ႈၼႆႉ လႆႈလူႉလႅဝ်ၵႂႃႇ၊ ၼၼ်ႉ မၼ်းပဵၼ် တၢင်းယၢပ်ႇၽိုတ်ႇ တွၼ်ႈတႃႇ ၸဝ်ႈၼႃႈတီႈ ၽၢႆႇၽူတ်ႇၸွႆႈ လွင်ႈၶိုၵ်ႉၶၵ်ႉၶဝ် ႁႂ်ႈႁွတ်ႈထိုင် တီႈ လွင်ႈပဵၼ်တၢင်းလူႉလႅဝ်ၼၼ်ႉယဝ်ႉ။ လႆႈဢဝ်ဢဵၼ်ႁႅင်းတပ်ႉသိုၵ်းၵႅတ်ႇၶႄတူဝ်ၵဝ်ႇၵျႃႇပၢၼ်ႇ တႃႇ 1,000 ၵေႃႉ လႆႈပွႆႇၸူး တီႈ ၼႃႈလိၼ် ၸိူဝ်းထူပ်းၽေးၼၼ်ႉယူႇ။ ႁူဝ်ႁိူၼ်းတႃႇ 40,0000 တီႈ ဢီႇသျီႇၵႃးဝႃး ၼၼ်ႉ လႆႈႁၢမ်းၸႂ်ႉၾႆးၾႃႉဝႆႉယူႇ။
ယူဝ်ႇသျီႇမႃႇသႃႇ ႁႃႇယႃႇသျီႇ ၵေႃႉဢၼ်ပဵၼ် ၽူႈမီးသုၼ်ႇလၢတ်ႈလူင်ပွင်ၸိုင်ႈဝႃႈ ၶဝ်လႆႈၶၢဝ်ႇဝႃး ၵူၼ်း 6 ၵေႃႉ ၶမ်ဝႆႉယူႇ တႂ်ႈတိူၵ်ႈလူႉလႅဝ်ၸိူဝ်းၵူၼ်ႇပင်းၵႂႃႇၼၼ်ႉ ဝႃႈၼႆသေတႃႉ ႁူဝ်ယွႆႈမၼ်းတႄႉ ဢမ်ႇပႆႇလႆႈႁူႉသင်ၼင်ႇၵဝ်ႇ။ မိူဝ်ႈဝၼ်းၸၼ် 4 မူင်း ယၢမ်းၼႂ်ၼၼ်ႉ ဢိင်ႇသၼ်ႇ ဢၼ်မီးႁႅင်း 7.6 လႆႈသၼ်ႇၵႂႃႇတီႈ တွၼ်ႈဢီႇသျီႇၵႃးဝႃး တီႈ ၽၢႆႇၼွင်ႈပၢင်ႇလၢႆၵျႃႇပၢၼ်ႇ တီႈ ၵုၼ်မႄႈလူင်ႁုၼ်ႇသျူႇ ၼၼ်ႉလႄႈ ႁွၼ်ၼမ်ႉဢၼ်မီးတၢင်းသုင် 4 ထတ်းၼၼ်ႉ လႆးမႃးလေႃႇတွင်ႈသႂ်ႇတီႈ တႃႈဝႃႇၵျီးမႃးၼၼ်ႉသေ ၸိူဝ်းပဵဵၼ်ႁွၼ်ၼမ်ႉဢွၼ်ႇၸိူဝ်းၼႆႉၵေႃႈ ႁွတ်ႈၽႅဝ်ထိုင် ၵုၼ်ႁွၵ်ႇၵၢႆးတူဝ်း Hokkaido ဢၼ်မီးတီႈ ပွတ်းႁွင်ႇၼၼ်ႉယူႇ။
တိူၵ်ႈႁိူၼ်း ၸိူဝ်းမီးယူႇတီႈ တူဝ်ႇၵျူဝ်ႇ ဢၼ်ယၢၼ် 190 လၵ်းၼၼ်ႉၵေႃႈ လႆႈဝႆၶွၼ်းမႃးယူႇယဝ်ႉ။ လူင်ပွင်ၸိုင်ႈ လၢတ်ႈဝႃႈတႄႉ ၶဝ်တိုၵ်ႉၵူတ်ႇထတ်းသၢင်တူၺ်း လွင်ႈလူႉတၢင်းၵွႆယူႇ ဝႃႈၼႆယဝ်ႉ။ တီႈလၢႆးၵၢၼ် ငဝ်းႁၢင်ႈသဵင်ႈ မိူဝ်ႈဝႃႈၼၼ်ႉၵေႃႈ ဢၼ်ပဵၼ် ၸွမ်ၽွင်းလူင် ၽူႇမီႇဢူဝ်ႇ ၵီႇတႃႇသျီႇ (Fumio Kishida) လႆႈပိုၼ်ၽၢဝ်ႇတိုၵ်းသူၼ်း ၵူၼ်းမိူင်း ႁႂ်ႈဢွၼ်ၵၼ် ၶၢႆႉယူႇတီႈ ၼႃႈလိၼ်သုင် ၼႆယူႇယဝ်ႉ။
ငိူၼ်ႈငဝ်ႈတိုၼ်း
- VOA News. "At Least 48 Dead from Powerful Japanese Earthquake" — VOA News, January 2, 2024
- VOA News. "ဂျပန်အလယ်ပိုင်းငလျင် လူ ၄ ဦးထက်မနည်း သေဆုံး" — VOA News, January 2, 2024
