Jump to content

Wn/shn/ယူႇၶရဵၼ်း လၢတ်ႈဝႃႈ ၶဝ်ဢဝ်ႁိူဝ်းလမ်ၼမ်ႉ ရတ်ႈသျႃး ၸူမ်ၵႂႃႇ

Add links
From Wikimedia Incubator
< Wn | shn
Wn > shn > ယူႇၶရဵၼ်း လၢတ်ႈဝႃႈ ၶဝ်ဢဝ်ႁိူဝ်းလမ်ၼမ်ႉ ရတ်ႈသျႃး ၸူမ်ၵႂႃႇ

ဝၼ်းဢႃးတိတ်ႉ၊ ဢေႃးၵၢတ်ႉ 4၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ၽႅၼ်ႇလိၼ် ဢၼ် ရတ်ႈသျႃးၶဝ် ၶဝ်ႈတိုၵ်း ယူႇၶရဵၼ်း
ႁူမ်ႈသၢင်ႈ!
Wn/shn/လွင်ႈရတ်ႈသျႃး ၶဝ်ႈတိုၵ်း ယူႇၶရဵၼ်း 2022
Wn/shn/လွင်ႈရတ်ႈသျႃး ၶဝ်ႈတိုၵ်း ယူႇၶရဵၼ်း 2022
ႁိူဝ်းသိုၵ်းရတ်ႈသျႃး Moskva

ၽၢႆႇသိုၵ်းယူႇၶရဵၼ်းၶဝ် ပိုၼ်ၽၢဝ်ႇဝႆႉ မိူဝ်ႈဝၼ်းဢႃးတိတ်ႉၼၼ်ႉဝႃႈ တီႈဝဵင်း Sevastopol ဢၼ်ရတ်ႈသျႃးၵုမ်းၵမ်ၼၼ်ႉ ႁိူဝ်းလမ်ၼမ်ႉ လမ်းၼိုင်ႈ လႆႈၸူမ်ၵႂႃႇ ဝႃႈၼႆယဝ်ႉ။။

လိူဝ်ၼၼ်ႉ ၽၢႆႇသိုၵ်းယူႇၶရဵင်းၶဝ်တႄႉ လၢတ်ႈဝႃႈ ၶဝ်ယိုဝ်းပႃး လႄႈ တႃႈႁိူဝ်းမိၼ် ရတ်ႈသျႃး တီႈပွတ်းႁွင်ႇ ဢိၵ်ႇပႃး တီႈၵဵပ်းသိမ်းၼမ်ႉမၼ်း၊ ၼမ်ႉမၼ်းၸၢၵ်ႈ လႄႈ ၼမ်ႉမၼ်းၶႆ ဢၼ်မီးတီႈ ၸႄႈမိူင်း ပႄႇလ်ၵူဝ်ႇရူတ်ႉ ၼၼ်ႉၼႆယဝ်ႉ။

ႁိူဝ်းလမ်ၼမ်ႉ ရတ်ႈသျႃး ဢၼ်မီးၸိုဝ်ႈဝႃႈ ႁိူဝ်းလမ်ၼမ်ႉ တိုၵ်း B-237 Rostov-on-Don ၼၼ်ႉ ႁွတ်ႈၽႅဝ်ၵႂႃႇ တီႈတႂ်ႈပၢင်ႇလၢႆႇလမ်ယဝ်ႉၼႆ ထၢၼ်ၽွင်းလူင် ၵၢၼ်ၵႅတ်ႇၵင်ႈ မိူင်းယူႇၶရဵၼ်း တႅမ်ႈဝႆႉ ၼိူဝ်သိုဝ်ႇတူင်ႇဝူင်းၵူၼ်း X ဝႆႉၼင်ႇၼႆ။

ၽွင်းမိူဝ်ႈ ယိုဝ်းသႂ်ႇ တႃႈႁိူဝ်း Sevastopol ၼၼ်ႉ ၶိူင်ႈပွႆႇမၢၵ်ႇၼူၾႆး ဢၼ်ပဵၼ် ၶိူင်ႈၵႅတ်ႇၵင်ႈ ႁိူဝ်းမိၼ် S-400 Triumf တႃႇ 4 လမ်းၼၼ်ႉ လႆႈလူႉလႅဝ်ၵႂႃႇ ႁၢဝ်ႈႁႅင်းၼႆ ၽူႈၵွၼ်းသိုၵ်း ယူႇၶရဵၼ်း လၢတ်ႈၼႄၼင်ႇၼႆ။

ၵပ်းၵၢႆႇလူၺ်ႈ လွင်ႈယိုဝ်း Sevastopol ၼၼ်ႉတႄႉ ရတ်ႈသျႃးၶဝ် ပႆႇလၢတ်ႈသင်မႃးၼင်ႇၵဝ်ႇ။

ၽၢႆႇသိုၵ်းယူႇၶရဵၼ်းၶဝ်ၵေႃႈ လၢတ်ႈပႃးဝႃႈ ၽွင်းမိူဝ်ႈ ယိုဝ်းၵၢင်ၶိုၼ်းၼၼ်ႉ တီႈတႃႈႁိူဝ်းမိၼ် Morozovsk ဢၼ်ပဵၼ်တီႈ ရတ်ႈသျႃးၶဝ် သိမ်းဝႆႉ ၶိူင်ႈၵွင်ႈၵၢင်ႇ လႄႈ ၼမ်ႉမၼ်းၸၢၵ်ႈၼၼ်ႉၵေႃႈ လႆႈထုၵ်ႇယိုဝ်းၼႆယဝ်ႉ။

တီႈလွင်ႈယိုဝ်းသႂ်ႇ တီႈဝႆႉ ၼမ်ႉမၼ်း ဢၼ်မီးတီႈ ပႄႇလ်ၵူဝ်ႇရူဝ်ႇ၊ ႁူင်းသိမ်းၼမ်ႉမၼ်း လႄႈ ၼမ်ႉမၼ်းၸၢၵ်ႈ ထုၵ်ႇဢဝ်ၾႆးၽဝ်ပႅတ်ႈ တီႈဢေႇသုတ်းမၼ်း သွင်တီႈ ၼႆယဝ်ႉ။ ၸဝ်ႈၼႃႈတီႈၼႂ်းပိုၼ်ႉတီႈ မိူင်းရတ်ႈသျႃးၶဝ်ၵေႃႈလၢတ်ႈဝႃႈ မီးလွင်ႈၽႆးမႆႈမႃး ဝႃႈၼႆယဝ်ႉ။


ငိူၼ်ႈငဝ်ႈၶၢဝ်ႇ

Retrieved from "https://incubator.wikimedia.org/w/index.php?title=Wn/shn/ယူႇၶရဵၼ်း_လၢတ်ႈဝႃႈ_ၶဝ်ဢဝ်ႁိူဝ်းလမ်ၼမ်ႉ_ရတ်ႈသျႃး_ၸူမ်ၵႂႃႇ&oldid=6339838"