Wn/shn/ပၢင်ၵုမ်လူင် NATO တေဢဝ်ၸႂ်သႂ်ႇ လွင်ႈၸွႆႈထႅမ် မိူင်းယူႇၶရဵၼ်း
ဝၼ်းသုၵ်း၊ ၸူႇလၢႆႇ 12၊ 2024
တီႈပၢင်ၵုမ်လူင် ၸုမ်းဢူၺ်းလီ ၼေႇတူဝ်း ပွၵ်ႈၵမ်း 75 တီႈဝဵင်းဝႃႇသျိၼ်ႇတၢၼ်ႇ မိူဝ်ႈဝၼ်းၽတ်းၼၼ်ႉ ၽူႈၶဝ်ႈၸုမ်းၶဝ် ဢုပ်ႇၵၼ် တႃႇတေၵမ်ႉထႅမ် မိူင်းယူႇၶရဵၼ်း ၼမ်လိူဝ်ၵဝ်ႇသေ ၽွင်းၼၼ်ႉ ၸၢဝ်းၶိူဝ်းဝၼ်းတူၵ်း ၵမ်ႈၽွင်ႈ ႁၢင်ႈႁႅၼ်းတႃႇတေ ႁူပ်ႉထူပ်း လွင်ႈၶဵင်ႇတႃႉ ဢၼ်တေမႃးထႅင်ႈ ဢၼ်ပဵၼ် လွင်ႈၶႄႉၶဵင်ႇ ၵွင်ႈၵၢင်ႇ ဢိၵ်ႇပႃး လွင်ႈသုၵ်ႉယုင်ႈ လုမ်ႈၾႃႉ ဢၼ်ပဵၼ်မႃး ယွၼ်ႉ ရတ်ႈသျႃး ၶဝ်ႈတိုၵ်းၼၼ်ႉယဝ်ႉ။
လႆႈလၢမ်းၶၢတ်ႈဝႃႈ တႃႇတေလႆႈလွင်ႈငမ်းယဵၼ် တီႈမိူင်းယူႇၶရဵၼ်း ဢၼ်ရတ်ႈသျႃး တိုၵ်းယိုဝ်းယူႇတႃႇသေႇၼၼ်ႉ ၶဝ်တေဢမ်ႇၸၢင်ႈလႆႈ ၶိူင်ႈၵွင်ႈၵၢင်ႇ လႄႈ လွၵ်းပိူင် ႁႂ်ႈတဵမ်ထူၼ်ႈၼႆသေ ၶဝ်ၸီႉၼႄဝႃႈ ၸုမ်းၼေႇတူဝ်း တေလႆႈႁၢင်ႈႁႅၼ်း ႁႂ်ႈတဵမ်ထူၼ်ႈ တႃႇတေၵႅတ်ႇၶႄ ဢူၺ်းလီမႂ်ႇ ယူႇၶရဵၼ်း တီႈသိုၵ်းရတ်ႈသျႃးၼႆယဝ်ႉ။
လိူဝ်သေ မိူင်းရတ်ႈသျႃးယဝ်ႉ မိူင်းၶႄႇ ၽူႈမီးပုၼ်ႈၽွၼ်း ၸုမ်းၼေႇတူဝ်ႇ ၵေႃႉ႞ ဢၼ်ဢမ်ႇၶႂ်ႈဢွၵ်ႇၸိုဝ်ႈ လၢတ်ႈတီႈၽူႈတွႆႇႁွၵ်ႈဝႃႈ တႃႇတေ ႁူမ်ႈမိုဝ်းၵၼ် ၽၢႆႇၵႅတ်ႇၶႄ ၼႂ်းၵႄႈ ၵူဝ်းရီးယႃးႁွင်ႇ လႄႈ ဢီႇရၢၼ်ႇ ၼမ်လိူဝ်မႃးၼၼ်ႉ လႆႈဢုပ်ႇၵၼ် တီႈပၢင်ၵုမ်ၼၼ်ႉသေ ၶၢဝ်းယၢမ်းၼႆႉ ဢမ်ႇၸၢင်ႊလူႉလႅဝ်ၵႂႃႇ ၼႆယဝ်ႉ။ လိူဝ်ၼၼ်ႉ မၼ်းၸဝ်ႈလၢတ်ႈဝႃႈ ပိူင်လူင်မၼ်း ပုၼ်ႈတႃႇ ၸိုင်ႈမိူင်းဢူၺ်းလီၵူႈမိူင်းမိူင်းၼႆႉ ဢမ်ႇၸႂ်ႈဝႃႈ ပိူဝ်ႈတႃႇတိူဝ်းၵႃႈၸႂ်ႉၸၢႆႇ တႃႇၸွႆႈထႅမ်ၵူၺ်း၊
ၽူႈမီးပုၼ်ႈၽွၼ်း ၸုမ်းၼေႇတူဝ်ႇ ၵေႃႉ႞ ဢၼ်ဢမ်ႇၶႂ်ႈဢွၵ်ႇၸိုဝ်ႈ လၢတ်ႈတီႈ ဝီႇဢူဝ်ႇဢေႇဝႃႈ လိူဝ်သေလွင်ႈမိူင်းရတ်ႈသျႃးယဝ်ႉ ဢၼ်ပဵၼ်လွင်ႈ ၶႄႇ၊ ၵၢဝ်းလီႁွင်ႇ လႄႈ ဢီႇရၢၼ်း ၶဝ် တိူဝ်းႁူမ်ႈႁွမ်းႁဵတ်းသၢင်ႈမႃးၼၼ်ႉၵေႃႈ လႆႈဢဝ်ဢုပ်ႇဢူဝ်းၵၼ်တီႈ ပၢင်ၵုမ်မႃးသေ ၸၼ်ၶဝ်ယၢမ်းဢမ်ႇလႆႈယဝ်ႉ ဝႃႈၼႆ။ လိူဝ်ၼၼ်ႉ မၼ်းၸဝ်ႈလၢတ်ႈဝႃႈ ပိူင်လူင်မၼ်း ပုၼ်ႈတႃႇ ၸိုင်ႈမိူင်းဢူၺ်းလီၵူႈမိူင်းမိူင်း ဢၼ်လူဝ်ႇလႆႈဝူၼ်ႉသွၼ်ႇပိူင်လူင်ၼႆႉ ဢမ်ႇၸႂ်းဝႃႈ တႃႇတေ တိူဝ်းထႅင်ႈႁႅင်းငိုၼ်းၵူၺ်းသေ လူဝ်ႇလႆႈ ႁဵတ်းပၼ် ႁႂ်ႈၼမ်ႉၵတ်ႉၶဝ် တိူဝ်းၶိုၼ်ႈယႂ်ႇမႃး ဝႃႈၼႆယဝ်ႉ။
ၶႄႇ ၵႆႉၵႆႉထုၵ်ႇၼႄးဝႃႈ ၶဝ်ပဵၼ် ၵေႃႉဢၼ်ပၼ်ၶူဝ်းၶွင်ၵိုၵ်းမိူင်း ဢၼ်တေႁဵတ်းႁႂ်ႈ ၶိူင်ႈၵွင်ႈၵၢင်ႇ လႄႈ လွၵ်းလၢႆးၶိူင်ႈၵွင်ႈၵၢင်ႇ ဢၼ်ၶိုတ်းၵၢပ်ႈၶိုတ်းပၢၼ် ၶွင်ရတ်ႈသျႃး ၶိုၼ်ႈယႂ်ႇမႂ်ႇသုင်မႃး တႃႇႁႂ်ႈ တပ်ႉသိုၵ်းရတ်ႈသျႃး ဢႃႇယုယၢဝ်းၶၢဝ်းႁိုင် ၼႆယဝ်ႉ။ ဢမႄႇရိၵၢၼ်ႇလႄႈ မိူင်းဢိင်းၵလဵတ်ႈ လႆႈတမ်းဝၢင်း ၶေႃႈတတ်းသိၼ်မႂ်ႇ ၼိူဝ်ၶွမ်ႇပၼီႇ ဢီႇရၢၼ်းလႄႈ ၽူႈမီးပုၼ်ႈၽွၼ်း ဢၼ်ၵဵဝ်ႇၶွင်ႈ ၵၢၼ်ႁဵတ်းဢွၵ်ႇ ႁိူဝ်းမိၼ် Drone တႃႇတပ်ႉသိုၵ်းရတ်ႈသျႃးၼၼ်ႉယူႇ။
ယဝ်ႉၵေႃႈ ၽွင်းမိူဝ်ႈ ၽူႈမီးပုၼ်ႈၽွၼ်း ၵၢဝ်းလီႁွင်ႇၶဝ် လၢတ်ႈဝႃႈ မိူဝ်ႈၸဝ်ႉပီၼႆႉ ၵၢဝ်းလီႁွင်ႇ သူင်ႇပၼ် ရတ်ႈသျႃး တီႈဢေႇသုတ်း ၶွၼ်ႇတဵင်ႇၼႃႇ 6,700 လုၵ်ႈ ဢၼ်ပႃးမၢၵ်ႇၵွင်ႈ 3 လၢၼ်ႉလိူဝ်ၼၼ်ႉၼႆသေ ၽၢႆႇၸွပ်ႇၶၢဝ်ႇ ဢမႄႇရိၵၢၼ်ႇၶဝ် ပိုၼ်ၽၢဝ်ႇဝႃႈ တပ်ႉသိုၵ်းရတ်ႈသျႃး ၸႂ်ႉတိုဝ်း မၢၵ်ႇၵွင်ႈ ၵၢဝ်းလီႁွင်ႇ ၼႆယဝ်ႉ။
ၽူႈမီးၸၼ်ႉၼေႇတူဝ်း လၢတ်ႈတီႈ ဝီႇဢူဝ်ႇဢေႇဝႃႈ ၸွမ်းလူၺ်ႈ ၶေႃႈၸွပ်ႇၶၢဝ်ႇ ၸုမ်းၼေႇတူဝ်းၶဝ် ၼႄဝႃႈ တပ်ႉသိုၵ်းရတ်ႈသျႃးၼႆႉ မၼ်းဢမ်ႇၶိုတ်းၵၢပ်ႈယဝ်ႉလႄႈ တႃႇတေၶိုၼ်းၵေႃႇသၢင်ႈ တပ်ႉသိုၵ်းမၼ်း ႁႂ်ႈမၼ်းၶိုတ်းၵၢပ်ႈၶိုတ်းပၢၼ်ၼၼ်ႉ တေလႆႈၸႂ်ႉၶၢဝ်းယၢမ်းလၢႆပီၼႆသေတႃႉ ယွၼ်ႉရသျႃး လႆႈလွင်ႈၵမ်ႉထႅမ် တီႈမိူင်းၶႄႇ၊ ဢီႇရၢၼ်ႇ လႄႈ ၵၢဝ်းလီႁွင်ႇလႄႈ လၢႆးသိုၵ်းရတ်ႈသျႃးၼႆႉ လႅၵ်ႈလၢႆႈၵႂႃႇ တင်းၼမ်ၼႆယဝ်ႉ။
ငိူၼ်ႈငဝ်ႈၶၢဝ်ႇ
[edit | edit source]- Michael Williams and Antoinette Radford,. "July 10, 2024, NATO’s 75th anniversary summit" — CNN, July 10, 2024
- Nato. "Washington Summit Declaration" — NATO, July 10, 2024
- Al Jazeera. "What has NATO promised Ukraine – and did Gaza figure in summit talks?" — Al Jazeera, July 11, 2024
- Carla Babb. "NATO, Ukrainian leaders meet Thursday at Washington summit" — VOA News, July 11, 2024
