Jump to content

Wn/shn/တပ်ႉသိုၵ်းဢိတ်ႇသရေး ႁၼ်ၶိုၼ်း တူဝ်တၢႆ ၵူၼ်းထုၵ်ႇၺွပ်းၵႂႃႇ သၢမ်ၵေႃႉ

From Wikimedia Incubator
< Wn‎ | shn
Wn > shn > တပ်ႉသိုၵ်းဢိတ်ႇသရေး ႁၼ်ၶိုၼ်း တူဝ်တၢႆ ၵူၼ်းထုၵ်ႇၺွပ်းၵႂႃႇ သၢမ်ၵေႃႉ

ဝၼ်းသုၵ်း၊ မေႇ 24၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
မိၵ်ႈမၢႆ လွင်ႈငမ်းယဵၼ် ၼႂ်းၵႄႈ ဢိတ်ႇသရေး လႄႈ ပႃးလဵတ်ႈသတၢႆး
ႁူမ်ႈသၢင်ႈ!
ၵူၼ်းမိူင်းဢိတ်ႇသရေး ၸိူဝ်းထုၵ်ႇ ႁႃးမၢတ်ႉသ်ၶဝ် တိၺွပ်းၵႂႃႇ (ၶႅပ်းႁၢင်ႈၵဝ်ႇ)

တပ်ႉသိုၵ်းဢိတ်ႇသရေး လၢတ်ႈဝႃႈ ၶဝ်ႈသွၵ်ႈႁႃ ထူပ်းႁၼ် တူဝ်တၢႆၵူၼ်းသၢမ်ၵေႃႉ ၸိူဝ်းဢၼ်ထုၵ်ႇၶႃႈတၢႆ ပဵၼ်ၵူၼ်းၸိူဝ်းဢၼ် ၸုမ်းႁႃးမၢတ်ႉသ်ၶဝ် တိၺွပ်းၵႂႃႇ မိူဝ်ႈၶဝ် ၶဝ်ႈတိုၵ်း ဢိတ်ႇသရေး မိူဝ်ႈ ဢွၵ်ႇထူဝ်ႇပႃႇ 7 ၼၼ်ႉ ဝႃႈၼႆယဝ်ႉ။

ၽူႈမီးသုၼ်ႇလၢတ်ႈ တပ်ႉသိုၵ်းဢိတ်ႇသရေး ဢၼ်ပဵၼ် ၸွမ်သိုၵ်းလူင်တပ်ႉၼမ်ႉဢိတ်ႇသရေး Daniel Hagari မွၵ်ႇလၢတ်ႈၵႂႃႇဝႃႈ “မိူဝ်ႈဝႃႈၼႆႉ ၸိူဝ်းပဵၼ် တပ်ႉၸုမ်းၶိုၵ်ႉတွၼ်း ဢိတ်ႇသရေး ဢၼ်မီးတီႈၵႃႇၸႃႇ လႆႈသွၵ်ႈႁႃ ထူပ်းႁၼ် တူဝ်တၢႆၵူၼ်း သၢမ်ၵေႃႉ ပဵၼ်ၵူၼ်းၸိူဝ်းဢၼ် ထုၵ်ႇၺွပ်းၵႂႃႇၼၼ်ႉၼႆ ႁဝ်းၶႃႈ လႆႈတမ်ႇၼွႆႉမွင်ၸႂ်သေ ပွင်ႇလႅင်းပၼ်ယူႇ။ ၸိူဝ်းဢၼ်လႆႈတၢႆၵႂႃႇၼၼ်ႉတႄႉ ပဵၼ် Hanan Yablonka ၊ Michel Nisenbaum လႄႈ Orion Hernandez ၶဝ်ယဝ်ႉ“ ဝႃႈၼႆ။

ၽူႈမီးသုၼ်ႇလၢတ်ႈ တပ်ႉသိုၵ်းဢိတ်ႇသရေးဝႃႈ မိူဝ်ႈပူၼ်ႉမႃးလၢႆဝၼ်းၼၼ်ႉ တီႈဝဵင်း Jabaliya ပွတ်းႁွင်ႇ ၵႃႇၸႃႇၼၼ်ႉ လႆႈပဵၼ် ပၢင်တိုၵ်းမႃးႁၢဝ်ႈႁႅင်းသေ တီႈပၢင်တိုၵ်းၼၼ်ႉ တပ်ႉသိုၵ်းဢိတ်ႇသရေး လႄႈ ၶဝ်ႈပႃး ၸုမ်းတပ်ႉၽၢႆႇၸွပ်ႇသေ လႆႈႁၢင်ႈၵၢၼ်သိုၵ်းမႃးတင်းၶမ်ႈလႄႈ ၸင်ႇလႆႈသွၵ်ႈႁႃႁၼ်ၺႃး တူဝ်တၢႆၸိူဝ်းၼႆႉယဝ်ႉ။ ၽူႈမီးသုၼ်ႇလၢတ်ႈ တပ်ႉသိုၵ်းဢိတ်ႇသရေး ဢၼ်ပဵၼ် ၸွမ်သိုၵ်းလူင်တပ်ႉၼမ်ႉဢိတ်ႇသရေး Daniel Hagari လၢတ်ႈဝႃႈ ၵႃႈၵူၼ်းၸိူဝ်းဢၼ်ထုၵ်ႇ ၸုမ်းႁႃးမၢတ်ႉသ်ၶဝ် တိၺွပ်းၵႂႃႇၼၼ်ႉ ပႆႇလွတ်ႈဢွၵ်ႇမႃးၸိုင် တပ်ႉသိုၵ်းဢိတ်ႇသရေးၼႆႉ တေသိုပ်ႇတိုၵ်းတေႃးၵႂႃႇ ဝႃႈၼႆယဝ်ႉ။

လၢတ်ႈၵႂႃႇတီႈၼႂ်း ငဝ်းႁၢင်ႈသဵင် ၶေႃႈပိုၼ်ၽၢဝ်ႇ ဝႃႈ ပေႃးပဵၼ်မိူင်းဢၼ်မီးသလေႇ မိူင်းလႂ်သေဢမ်ႇဝႃႈ မၼ်းၵေႃႈ တေလႆႈတွပ်ႇတႅၼ်းၶိုၼ်းမိူၼ်ၼင်ႇၼႆၵူၺ်း။ လူင်ပွင်ၸိုင်ႈ ဢိတ်ႇသရေး လၢတ်ႈဝႆႉဝႃႈ ၽွင်းမိူဝ်ႈ ၸုမ်းႁႃးမၢတ်ႉသ်ၶဝ် ၶဝ်ႈတိုၵ်းၼႂ်းမိူင်းဢိတ်ႇသရေး မိူဝ်ႈ ဢွၵ်ႇထူဝ်ႇပႃႇ 7 ပူၼ်ႉမႃးၼၼ်ႉ လႆႈတိၺွပ်းၵႂႃႇ ၵူၼ်းသွင်ပၢၵ်ႇပၢႆသေ ၼႂ်းၵႃႈၼၼ်ႉ တႃႇ ပၢၵ်ႇသၢဝ်းပၢႆၼႆႉ တိုၵ်ႉသိုပ်ႇၺႃးၺွပ်းဝႆႉယူႇ ဝႃႈၼႆယဝ်ႉ။


ငိူၼ်ႈငဝ်ႈတိုၼ်း[edit | edit source]