Jump to content

Wn/shn/ၵၢၼ်ႇဢဝ်လိူင်ႈ ၸုမ်းဢိတ်ႇသရေး ၸိူဝ်းယႃႉၵဝ်းႁႄႉႁၢမ်ႈ လွင်ႈၸွႆႈထႅမ်ၷႃႇꩡႃႇ

Add links
From Wikimedia Incubator
< Wn‎ | shn
Wn > shn > ၵၢၼ်ႇဢဝ်လိူင်ႈ ၸုမ်းဢိတ်ႇသရေး ၸိူဝ်းယႃႉၵဝ်းႁႄႉႁၢမ်ႈ လွင်ႈၸွႆႈထႅမ်ၷႃႇꩡႃႇ

ဝၼ်းဢႃးတိတ်ႉ၊ ၸုၼ်ႇ 16၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
မိၵ်ႈမၢႆ လွင်ႈငမ်းယဵၼ် ၼႂ်းၵႄႈ ဢိတ်ႇသရေး လႄႈ ပႃးလဵတ်ႈသတၢႆး
ႁူမ်ႈသၢင်ႈ!
လုမ်းထၢၼ်ၽွင်းလူင် ၵၢၼ်ၼွၵ်ႈမိူင်း ဢမႄႇရိၵၢၼ်ႇ

မိူဝ်ႈဝၼ်းသုၵ်းၼၼ်ႉ ထၢၼ်ၽွင်းလူင်ၵၢၼ်ၼွၵ်ႈမိူင်း ဢမႄႇရိၵၢၼ်ႇ လႆႈဢဝ်လိူင်ႈ ၽူႈၶဝ်ႈၸုမ်း ဢိတ်ႇသရေးꩡၾ်ႉ (Tzav 9) ဢၼ်ႁႄႉႁၢမ်ႈ လွင်ႈၸွႆႈထႅမ်လမ်ႇလွင်ႈ တႃႇသၢႆၸႂ် ၵူၼ်းပိုၼ်ႉတီႈ ၷႃႇꩡႃႇၶဝ်ၼၼ်ႉ ဝႃႈၼႆယဝ်ႉ။

ထၢၼ်ၽွင်းလူင် ၵၢၼ်ၼွၵ်ႈမိူင်း ဢမႄႇရိၵၢၼ်ႇ လၢတ်ႈဝႃႈ ၽူႈၶဝ်ႈၸုမ်းၸိူဝ်းၼႆႉ လႆႈႁႄႉႁၢမ်ႈ သဵၼ်ႈတၢင်း ဢၼ်လုၵ်ႉတီႈ ၵျေႃႇတၼ်ႇ ဢၼ်သူင်ႇတၢင်းၸွႆႈထႅမ် ၸူး ၷႃႇꩡႃႇသေ ႁဵတ်းယႃႇႁႂ်ႈ သူင်ႇၶူဝ်းၶွင်လႆႈ၊ ယွၼ်ႉပိူဝ်ႈၶဝ်သေ ရူတ်ႉထရၢၵ်ႉၸိူဝ်းၼႆႉၵေႃႈ လႆႈလုလႅဝ်သေ ဢမ်ႇၵႃး ၶဝ်ဢဝ်ၶူဝ်းၸွႆႈထႅမ်ၸိူဝ်းၼႆႉ ဝူတ်ႉပႅတ်ႈတီႈၼိူဝ်တၢင်း ဝႃႈၼႆယဝ်ႉ။

ၽူႈမီးသုၼ်ႇလၢတ်ႈ ထၢၼ်ၽွင်းလူင် ၵၢၼ်ၼွၵ်ႈမိူင်း Matthew Miller လၢတ်ႈဝႃႈ လွင်ႈၸွႆႈထႅမ်ၸိူဝ်းၼႆႉ မၼ်းပဵၼ် ဢၼ်လမ်ႇလွင်ႈ တွၼ်ႈတႃႇ ၵႅတ်ႇၵင်ႈ လွင်ႈဢိုပ်းယၢၵ်ႈ တီႈၷႃႇၸႃႇ လႄႈ တွၼ်ႈတႃႇ ၵႅတ်ႇၵင်ႈ တႃႇႁႂ်ႈ တီႈ သၢႆငၢႆ ၷႃႇꩡႃႇ ယႃႇႁႂ်ႈတိူဝ်းႁၢႆႉၸႃႉၵႂႃႇ ဝႃႈၼႆယဝ်ႉ။

လွင်ႈဢဝ်လိူင်ႈၼႆႉ မၼ်းႁဵတ်းၸွမ်း သုၼ်ႇဢဝ်လိူင်ႈလႆႈ ၼိူဝ် ၵူၼ်းဝၢင်းတိၼ် ဢိတ်ႇသရေး ၸိူဝ်းမီးလွင်ႈပႅၼ်ပႄႈ ဢၼ်မီးလွင်ႈလွၵ်ႇငိူတ်ႈၼိူဝ် လွင်ႈၼိမ်မၼ်ႈငမ်းယဵၼ် ထုင်ႉလႅၼ်ၼမ်ႉပွတ်းတူၵ်း ဢၼ် ၸဝ်ႈၸွမ်ၸိုင်ႈ ပၢႆႇတႅၼ်ႇ လူင်းလၢႆးမိုဝ်းမႃး မိူဝ်ႈ လိူၼ်ၾႅပ်ႇဝႃႇရီႇၼၼ်ႉယဝ်ႉ။

Miller လၢတ်ႈဝႃႈ မိူဝ်ႈ မေႇ 13 ၼၼ်ႉ ၽူႈၶဝ်ႈၸုမ်း Tzav 9 ၶဝ်ၼႆႉ လႆႈႁိမ်ဢဝ် ရူတ်ႉထရၢၵ်ႉသွင်လမ်း ဢၼ်ၵႂႃႇၸူး ၷႃႇꩡႃႇယူႇၼၼ်ႉသေ ၸုတ်ႇၽႆးပႅတ်ႈ ဝႃႈၼႆယဝ်ႉ။ ၵဵဝ်ႇၵပ်းလူၺ်ႈ လွင်ႈဝႆႉယိူင်းမၢႆၼိူဝ် ၵၢၼ်ၸွႆႈထႅမ်ၵူၼ်းသေ ႁဵတ်းလွင်ႈၵၢၼ်ႁၢႆႉၼင်ႇၼႆၼႆႉ ဢမႄႇရိၵၢၼ်ႇ တေဢမ်ႇယဵၼ်ႉၵၼ်ႈပၼ်လႆႈသေ တေသိုပ်ႇဢဝ်လိူင်ႈၼိူဝ် ၵူၼ်းၸိူဝ်းဢၼ်ႁဵတ်း ယႃႇႁႂ်ႈတၢင်းၸွႆႈထႅမ် ႁွတ်ႈထိုင်လႆႈတီႈၷႃႇꩡႃႇၼၼ်ႉသေ လႆႈတိုၵ်းသူၼ်းပႃး လူင်ပွင်ၸိုင်ႈ ဢိတ်ႇသရေး ႁႂ်ႈႁဵတ်းသၢင်ႈမိူၼ်ၼင်ႇၼင် ဝႃႈၼႆယဝ်ႉ။


ငိူၼ်ႈငဝ်ႈတိုၼ်း[edit | edit source]

Retrieved from "https://incubator.wikimedia.org/w/index.php?title=Wn/shn/ၵၢၼ်ႇဢဝ်လိူင်ႈ_ၸုမ်းဢိတ်ႇသရေး_ၸိူဝ်းယႃႉၵဝ်းႁႄႉႁၢမ်ႈ_လွင်ႈၸွႆႈထႅမ်ၷႃႇꩡႃႇ&oldid=6306175"