Milanu: Murìu a sta sira, ntâ sò casa di Milanu, Minu Reitanu, c'avìa ancora 64 anni. Lu cantanti, d'urìggini calabbrisi di Sciumara 'i Muru, era malatu di quarchi tempu.
Rubbertu Alagna, (1963) è nu cantanti lìricu francisi di urìggini siciliana. Tinuri tra li cchiù apprizzati a liveddu ntirnazziunali, cantau già nti diversi tiatra pristiggiusi. Â Scala di Milanu ntô 2006 fu prutagunista di na pulèmica chî luggiunisti, rifiutànnusi di cantari lu restu d'Aida ntô rolu di Radames. Alagna è attuarmenti prutagunsita di nu finòminu musicali assai urigginali. Pubbricau nu CD, Sicilien, di canzuni 'n sicilianu chi agghicau ô secunnu postu dâ classìfica dî disca cchiù vinnuti n Francia.
U tagghiamu stu palluni? - Prèmiu spiciali pô mpegnu civili
Milanu: (ANSA) Pâ 10/ma annata dû "Prèmiu vìdiuclip talianu" (Premio videoclip Italiano), vincìu lu "Prèmiu spiciali pô mpegnu civili" lu vìdiuclip dê rap palermitani "Combostamastas" titulatu "U tagghiamu stu palluni? ". Robbertu Saviano Stu prèmiu vinni datu pô missàggiu di lotta dâ sutta-cultura mafiusa. Lu tìtulu dâ canzuna di unni appoi vinni fattu lu vìdiuclip, aripigghia la minazza ca fannu l'abbitanti dê quarteri ê carusi ca jòcanu ô palluni e ca ci vòlunu livari la libbirtati e lu dirittu dû jocu; â stissa manera la mafia, chê minazzi, leva a ognidunu dirittu e libbirtati dô sò campari.
Nàpuli: La pillìcula "gomorra", ca ntê canali ufficiali ancora hà nèsciri a lu 3 di dicèmmiru, ntâ Campania c'è già na virsioni "taruccata", vinnuta ntê giurnalara e ntê bancarelli. Macari ca vulìssiru livàrisi d'avanti ammazzànnulu a Rubbertu Saviano, ca scrivìu lu libbru-nchiesta "Gomorra", quannu si parra di sordi, li camurristi non talìanu a nuddu ntâ facci e addimùstranu d'èssiri prufissiunisti sèrii e ca l'affari sunnu affari.
