Wn/scn/Crònaca

From Wikimedia Incubator
< Wn‎ | scnWn > scn > Crònaca
Jump to: navigation, search

Pàggina principali | Cultura | Pulìtica nterna | Pulìtica furastera | Sport | Scienzi | Spittàculu | Ticnoluggìa | Ecunumìa | Sàtira

Crònaca

La Calàbbria è spaccata a mità[edit]

29 di jinnaru dû 2009, jovidìa

  • Calàbbria: Pô malu tempu e pi tutta l'acqua di celu c'hà cascatu ntâ Calàbbria, ammeri è quattru di sta notti, nu pezzu dâ muntagna ca c'è supra a Trupea sciddicau nzinu ô mari. Pi furtuna non ci foru morti, ma quarchi 60 chilòmitri di l'autustrata foru chiuruti ê màchini. N'àutra frana, succiduta duminicadìa passata, sempri ntâ Calàbbria, agghiri ô svìnculu di l'autustrata Roglianu-Grimàudu, fici dui morti e tri firiti.

Tirrimotu nta l'Italia[edit]

Val padana

23 di dicèmmiru 2008, martidìa


Scontri 'n Grecia[edit]

18 di dicèmmiru 2008, jovidìa

  • Grecia: Ntô pumiriggiu d'aoggi, ntô centru di Ateni, unni s'avìanu arricugghiutu quarchi 3.000 studenti e prufissuri, ci foru àutri scontri ntra la polizzìa e li manifistanti. Di la parti dê manifistanti si ittaru bummi molotov e petri contr'â polizzìa e chista arrispunnìu chê lacrimòggini.

Straggi di Erba[edit]

26 di nuvèmmiru 2008, mercuridìa

  • Comu: La corti d'Assisi di Comu, pri la "straggi di Erba", a Olindu Romanu e sò muggheri Rosa Bazzi, ci detti la pena di l'ergastru e, pri tri anni, l'isulamentu duranti lu jornu.

Attaccaru a Giuseppi Nitta[edit]

25 di nuvèmmiru 2008, martidìa

Lu patruni è 'n vacanza e lu jattu mori di fami[edit]

21 di nuvèmmiru 2008, venniridìa

Gatos de Galicia.gif
  • Roma: N'omu ca lassau mòriri di fami e siti lu sò jattu, vinni cunnannatu dû tribbunali a tri misi di càrciri. Pi irasinni 'n vacazza, avìa abbannunatu lu jattu d'intra la casa e, quannu li vicini lu rintracciaru ô tilèfunu picchì sintìanu lu pòviru armali ca si lamintava, ss'omu arispunnìu ca iddu era 'n vacanza e non putìa turnari a Roma p'occupàrisi dû jattu. Ntâ cunnanna ca èppi, hà pajari macari a l'assuciazzioni Lega antivivisizzioni (Lav) cu si custituìu ntô prucessu parti civili.

20 cristiani mòrunu nti nu suttamarinu russu[edit]

Nu suttamarinu russu.

10 di nuvèmmiru 2008, lunidìa

  • Russia: Nu suttamarinu nucliari russu stazziunatu ntô Pacìficu, appi n'incidenti unni mòrsiru 20 pirsuni. Lu suttamarinu era supraccaricatu : c'èranu chiossai di 200 pirsuni pi stu viaggiu di prova, ma li posta a disposizzioni èranu sulu na uttantina. Assai dî pirsuni mbarcati èranu civili, chi prubabbirmenti nun si sàppiru mèttiri li màschiri antigas quannu l'allarmi sunau.

(Pi n'apprufunnimentu munci ccà)



9 di nuvèmmiru, duminicadìa

  • Roma: A sta matina, a Virmicinu, vicinu a Roma, di sdirrubbau na casa di dui piani. Mòrsiru dui cristiani, maritu e muggheri, attruvati dâ squatra dû succorsu ancora curcati ntô lettu. Parissi ca non ci sunnu àutri morti.

8 di nuvèmmiru, sabbatudìa

  • Catania: La sedi dâ facultà di Farmacìa di l'universitati di Catania vinni siquistrata dâ maggistratura pô malu smartimentu di spirimenti midicinali. Lu GIP dispunìu lu pruvvidimentu iputizzannu li riati di disastru culposu e gistioni di discarica. Li ndàggini fìciru vidiri ca, pi curpa di spirimenti medicinali ittati ntê lavandini dê labburatori, dê vaschi di raccorta dî rifiuti lìquidi misi suttaterra, niscèvanu fora vapuri piriculusi pâ saluti. Sunnu ndagati 9 pirsuni e tra chissi l'ex ritturi Latteri.