Barack Obama parra a la tilivisioni àrabba[edit | edit source]
27 di jinnaru, martidìa
Mèrica: Barack Obama scigghìu la tilivisioni àrabba Al-Arabiya pri mannàricci a diri ê mussurmani ca "li miricani non sunnu li nimichi d'iddi"; dissi macari ca iddu stissu criscìu nti l'Indunesia, nu paisi fattu cchiossai di mussurmani; appoi cci aripitìu di mpignàrisi pri ggh'iri quantu prima nta na capitali di nu granni paisi mussurmanu. Nta tutta la ntirvista tilivisiva, Obama desi a capiri ca voli ripigghiari a parrari, ca voli abbissari quantu vinni spasciatu nta ott'anni d'amministrazzioni Bush.
Gaza veni allibirtata dê surdati d'Istraeli[edit | edit source]
19 di jinnaru, lunidìa
Gaza: Li surdati d'Israeli làssanu la Striscia di Gaza (intra dumani si nn'avìssiru a gh'iri cumpritamenti); ê spaddi si làssanu chiossai di 1.300 morti (400 di ss'ammazzati su' picciriddi) e 5.000 firiti. Li dui parti ca si fìciru la guerra dìciunu, ognidunu d'iddi, ca vinceru: cui ni chianci li cunsiquenzi è pirò la pupulazzioni, na massa di puvireddi ca vulìssiru campari macari iddi, comu è disidèriu di ogni cristianu, cu tranquillitati e dignitati.
Ginevra: (Ansa) Lu Cunsigghiu dî diritti umani di l'Onu appruva na risuluzzioni ca cunnanna cu forza l'uffinsiva militaru di Israeli a Gaza, ma ntantu la mattanza cuntinua.
Iraq: Nu sciìccu àrabbu saudita, Hassan Mohammed Makafah, riccu pussidenti, pri macari una sula di li scarpi ittati cuntr'a lu prisidenti miricanuBush duminicadìa passata, è dispunìbbili a pajari nzinu a deci miliuna di dòllari.
Iraq: Ô prisidenti miricanuGeorge W. Bush, ca avìa iutu a Bagdad pri dàricci un salutu ê surdati miricani, ntô mentri di na cunfirenza stampa fatta nzemi ô premier di l'Iraq, Nuri al Maliki, nu jrnalista irachenu ci lassau cùrriri li sò scarpi, ma senza arinèsciri a nzittàrilu picchì chiddu fu lestu a scanziàrili. Lu jurnalista, pri sùbbitu abbluccatu dî forzi di l'òrdini, era assittatu ntâ terza fila e mentri li dui òmini pulìtichi si stringèvanu li manu d'avanti a la telivisioni, si susìu e cci abbanniau: «chistu è lu tò vasuni d'addiu, cani» e ntô mentri, una appressu a l'àutra, cci tirau li scarpi ô prisidenti miricanu.
Grecia: Ancora aoggi, a tri jorna di l'ammazzatina di un carusu di 15 anni fatta dâ polizzìa, li rivorti ntâ Grecia non s'hann'a stimpiratu. Nti sta jurnata, unni ci sunnu li funirali dû carusu, lu scantu è chiddu ca ci ponnu èssiri àutri viulenzi.
India: Attintati di matrici islamica n vari punti di Bombay fìciru cchiossai di 100 morti.
Ncidenti nti nu suttamarinu nucliari russu[edit | edit source]
10 di nuvèmmiru, lunidìa
Russia: Nu suttamarinu nucliari russu stazziunatu ntô Pacìficu, appi n'incidenti unni morsiru 20 pirsuni. Lu suttamarinu era supraccaricatu : c'esranu chiossai di 200 pirsuni pi stu viaggiu di prova, ma li posta a disposizzioni eranu sulu na uttantina. Assai dî pirsuni mbarcdati èranu civili, chi prubabbirmenti nun si sàppiru mettiri li maschiri antigas quannu l'allarmi sunau.
Berlusconi e l'abbrunzatura di Barack Obama[edit | edit source]
6 di nuvèmmiru, jovidìa
Lu nostru prisidenti dû cunsigghiu, Silviu Berlusconi, arifirènnusi ô novu 44èsimu prisidenti miricanu ora ora eliggiutu, Barack Obama, dissi d'iddu ca è "beddu, giùvini e abbrunzatu": ssa palora "abbrunzatu" fici scatinari na granni pulèmica ntâ l'upposizzioni.
Belusconi, ca nta stu mumentu s'attrova a Mosca, a chiddi ca non capìsciunu bonu zoccu ogni vota vulissi dìciri stu cristianu, dici: «Si tràsunu 'n campu li mbicilli semu fricati. Pi daveru c'è quarchidunu ca penza ca chiddu ca dissi non è na carinirìa? E' nu grannu cumprimentu, mmeci!» Veltroni ci mannau a diri: «Li sprissioni culpìsciunu nta na manera assai gravi la mmàggini e la dignitati dû nostru Paisi 'n capu â scena ntirnazziunali. N'òmunu di Statu non pò cunzintìrisi, cu battuti di cabaret, sta mancanza di rispettu. Spiramu armenu ca ci facissi li scusi ufficiali.»
