Wn/cdo/Dièu-siēng páh-sáung 5 nguŏk guŏng-biê hŏk-sé̤ṳ-ngiêng-diòng

Add links
From Wikimedia Incubator
< Wn‎ | cdo
Wn > cdo > Dièu-siēng páh-sáung 5 nguŏk guŏng-biê hŏk-sé̤ṳ-ngiêng-diòng
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。

2018 n. 4 ng. 29 h. séng

Hàng-guók guăng-uòng gōng, Dièu-siēng páh-sáung găk gĭng-nièng 5 nguŏk guŏng-biê báe̤k-buô gì hŏk-sé̤ṳ-ngiêng-diòng, dùng-sì â̤ ciŏng guŏng-biê gì gê̤ṳ-tā̤ tiàng-sê̤ṳ diēng-hiêng ké̤ṳk Mī-guók gâe̤ng Hàng-guók gì hŏk-ciŏng-gă gâe̤ng sĭng-ùng gé-ciā káng.

Hàng-guók Cūng-tūng-hū huák-ngiòng-ìng Ṳ̄ng Īng-cáng (尹永燦) gĭng-dáng (4 nguŏk 29 hô̤) gōng, Dièu-siēng liāng-dô̤-ìng Gĭng Céng-ŏng (金正恩) bái-ngô gâe̤ng Hàng-guók Cūng-tūng Ùng Câi-ìng (文在寅) huôi-méng gì sì-hâiu có̤ lāu ī-siông gì biēu-sŭk.

Ṳ̄ng Īng-cáng gó gōng, Gĭng Céng-ŏng iâ biēu-sê, Mī-guók Cūng-tūng Trump â̤ lāu-gāi gáu ĭ ng-sê siŏh ciáh â̤ dó̤i Mī-guók huák-siâ dō̤-dàng gì nè̤ng. Ê̤ṳ-gé siŏh gā nguŏk-nĭk cĭ-hâiu, Trump gâe̤ng Gĭng Céng-ŏng â̤ giéng-méng.

Siĕu-sék lài-nguòng[edit | edit source]

Cī piĕng sĭng-ùng bó̤-dô̤ gì cuòng-buô hĕ̤k-ciā buô-hông nô̤i-ṳ̀ng, lài-cê̤ṳ Mī-guók Lièng-băng Céng-hū gì guăng-huŏng guōng-bó̤ gĭ-gáiu Mī-guók cĭ Ĭng gì sĭng-ùng „平壤拟5月关闭核试验场 美国：弃核应完全彻底与不可逆转“, ô-guăng sĭng-ùng sṳ̆k-ṳ̆ gŭng-iēu līng-mĭk.
Kī-dâe̤ng cé̤ṳ-é : VOA â̤ diōng-cāi lài-cê̤ṳ Mī-lièng-siâ, Huák-sĭng-siâ dēng-dēng dê-huŏng gì sĭng-ùng sióng-piéng, ô-guăng sĭng-ùng gì diōng-cāi siōng-piéng mâ̤ sáung gŭng-iū līng-mĭk.
Retrieved from "https://incubator.wikimedia.org/w/index.php?title=Wn/cdo/Dièu-siēng_páh-sáung_5_nguŏk_guŏng-biê_hŏk-sé̤ṳ-ngiêng-diòng&oldid=5625298"