Jump to content

Wb/nia/Yohane III/1

Add links
From Wikimedia Incubator

Fangowai Yohane Gayo andrö

[edit | edit source]

I. 1 Satua andrö zanura da'e, khö, Gayo ni'omasi'ö somasi ndra'o, si ndruhu-ndruhu.[1] 2 He ya'ugö ni'omasi'ö! Fefu hadia ia khöu, ba omasido, na ohahau dödöu, ba na lö fökhöu, si mane fa'ohahau dödöu ba nosou.

Fa'omuso dödönia me itörö lala si sökhi Gayo

[edit | edit source]

II. 3 No omuso sibai dödögu, me so dalifusö andrö, samaduhu'ö si duhu andrö, khöu, wa ötörö lala zi duhu.[2] 4 Fondrege wa'omuso dödögu da'ö, na urongo, latörö lala zi duhu iraono khögu. 5 He ya'ugö ni'omasi'ö! Satulö nilaumö ba dalifusö andrö, mendrua manö, me no niha bö'ö ira, 6 samaduhu'ö fa'omasiu, ba zi so banua, ba sökhi, na ötolo ira, ba wofanö, si nangea ba khö Lowalangi. 7 Börö sa döi andrö, wa mofanö ira, ba lö lahalö hadia ia ba niha baero.[3] 8 Andrö mo'ömö ita, tatolo zi mane ya'ira andrö, ena'ö sanolo ba halöŵö ita, ba zi duhu andrö.[4]

Mangarö-ngarö ia ba khö Dioterefe andrö, ba isuno Demeterio

[edit | edit source]

III. 9 So zi no usura ba mbanua; ba lö itemaga Dioterefe andrö, somasi na sebuara ia. 10 Andrö ufasugi ba dödönia mbua-buania, na sodo, nilaunia, wamatou ya'aga, fehede si lö sökhi; ba ambö na da'ö, lö'ö göi ifa'amöi khöra dalifusö andrö, ba itenaŵa zedöna mama'amöi ya'ira mena'ö, i'efa'ö ira banua. 11 He ya'ugö ni'omasi'ö! Böi o'ö zi lö sökhi, si sökhi o'ö. Moroi ba Lowalangi zolau si sökhi; solau si lö sökhi, ba lö irai i'ila Lowalangi.[5] 12 Dozi lafaduhu'ö Demeterio andrö, ba ifaduhu'ö göi ia si duhu; ba ya'aga göi, ba mafaduhu'ö ia, ba no ö'ila, wa no si duhu wamaduhu'öma.[6]

Fango'ozui sura

[edit | edit source]

IV. 13 Oya nisuragu khöu ena'ö, ba lö edönado ufake daŵa ba fanura, ba wanura ya'ia khöu;[7] 14 udöna-döna, alio falukha ita, ba fahuhuo ita dania. 15 Ya'ohahau dödöu! La'owai ndra'ugö si fahuwu andrö. Owai zi fahuwu, ötötöi döira.[8]

Famotokhi ba gahe

[edit | edit source]
  1. ↑ YohII 1:1; Rom 16:23
  2. ↑ YohII 1:4
  3. ↑ Mat 10:8; KorI 9:12 b.t.
  4. ↑ Mat 10:40; Rom 16:2
  5. ↑ FetI 3:11,13; YohI 2:29
  6. ↑ Yoh 21:24
  7. ↑ YohII 1:12
  8. ↑ FetI 5:14

Fabaliŵa lala

[edit source]

Olayama Zura Yohane III: 1

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Yohane_III/1&oldid=6229882"