Jump to content

Wb/nia/Tesalonika I/5

Add links
From Wikimedia Incubator

Lö sangila inötö wa'aso Zo'aya

[edit | edit source]

I. 1 Ba ba mbaŵania, ba ba ginötönia andrö, ba lö moguna khömi lasura khömi hadia ia, ya'ami ira talifusö. 2 Ya'ami sa'ae zangila sibai hulö wa'aso zanagö, ba zi bongi, si manö wa'aso mbawa Zo'aya andrö dania.[1] 3 Na laŵa'ö'sa'ae dania: No atulö, no ahono; awena dania i'ozumagö ikhamö ira fa'atekiko, hulö si mane fa'afökhö hulu ba zanabina, ba tebai moloi ira.[2]

Böi mörö ba wombase'ö

[edit | edit source]

II. 4 Ba ya'ami, ira talifusö, ba tenga si so ba zogömi-gömi, fa ikhamö ami baŵa andrö hulö zanagö. 5 Ono haga sa ami fefu, ono zi ma'ökhö; tenga ba zi bongi so ita, ba tenga ba zogömi-gömi.[3] 6 Ba böi mörö-mörö ita, si mane tanö bö'ö andrö, ena'ö si no maoso ita, si lö mabu-mabu.[4] 7 Si mörö sa, ba ba zi bongi mörö, ba si mabu andrö, ba ba zi bongi mabu. 8 Ba ya'ita, me no ba zi ma'ökhö ita, ba böi mabu-mabu ita, ta'obaru göröba famati andrö, ba öröba fa'omasi, ba ta'otakula dakula andrö, fanötöna fangorifi.[5] 9 Tenga sa ba wamatörö fönu khöda ihonogöi ita Lowalangi, ha ba wanöndra fangorifi, ba khö Zo'aya ya'ita, Yesu Keriso, [6] 10 si no mate salahida, ena'ö auri ita, fao khönia, awönia, he si no maoso, ba he si mörö ita.[7] 11 Andrö faoma mifarou dödö nawömi, ba faoma mitolo nawömi, si mane folaumi sa'ae göi.[8]

Famarou tödö

[edit | edit source]

III. 12 Ba ma'andrö khömi, ya'ami ira talifusö, böi zi lö aboto ba dödömi zino erege tödö wohalöŵö ba khömi, ba fönami andrö, ba khö Zo'aya, samobawa lala khömi.[9] 13 ba böi zi lö mifosumange ira, ba mi'omasi'ö sibai ira, börö halöŵöra andrö. Böi mifagua-gua khö nawömi![10] 14 Ba mafarou dödömi, ya'ami ira talifusö, mitegu zi lö atulö folo'ö huku, mirara dödö zabu tödö; mitolo zambö fa'abölö, mibologö dödömi khöra fefu.[11] 15 Mifaigi, fa böi falukha zanulöni si lö sökhi awönia si lö sökhi; ba böi mifamalö-malö wangalui folau si sökhi, he khö nawömi, ba he ba niha bö'ö fefu.[12] 16 Böi mamalö-malö wa'omuso dödömi.[13] 17 Böi aetu-aetu wangandrömi.[14] 18 Fefu hadia ia, ba mi'andrö saoha gölö; da'ö sa zomasi Lowalangi, ba khö Keriso Yesu, ba khömi.[15] 19 Böi mibunu Geheha andrö.[16] 20 Böi mi'ositengagö wama'ele'ö andrö.[17] 21 Mitandra fefu, hadia ia, ba si sökhi, ba mihalö khömi.[18] 22 Si lö sökhi, fefu, hadia ia ngawalö, ba böi mibabaya.[19]

Fango'ozui zura

[edit | edit source]

IV. 23 Ba ya'ia, Lowalangi wa'ohahau dödö andrö, ba yamufaulugö wangehao ya'ami, ena'ö terorogö gehehami, awö nosomi, awö mbotomi, fa lö hadia ia, fa lö sinegu, irugi wa'aso Zo'aya ya'ita andrö, Yesu Keriso![20] 24 Lö faröi zogaoni ya'ami andrö, ya'ia göi zamalua dania.[21] 25 Mi'angandrö, salahima, ya'ami ira talifusö.[22] 26 Mi'owai dalifusö fefu fa'agosa bawa ni'amoni'ö andrö.[23] 27 Ube'e ba hölu ami, khö Zo'aya, fa mifabaso'ö zura andre, ba dalifusö fefu. 28 Yafalukha ami wa'ebua dödö Zo'aya ya'ita, Yesu Keriso.[24]

Famotokhi ba gahe

[edit | edit source]
  1. ↑ FetII 3:10; Mat 24:3,36,43 b.t.
  2. ↑ Yer 6:14; Luk 21:35
  3. ↑ Efes 5:8
  4. ↑ Rom 13:11 b.t.; FetI 5:8; 4:7
  5. ↑ Faigi 1:3; Efes 6:14-17
  6. ↑ TimI 2:4; TesII 2:14
  7. ↑ Rom 14:7-9
  8. ↑ Heb 10:24 b.t.
  9. ↑ TimI 5:17
  10. ↑ Heb 13:17
  11. ↑ TesII 3:6,11 b.t.; Gal 6:1,2
  12. ↑ Rom 12:9,17; FetI 3:9-11
  13. ↑ Fil 4:4
  14. ↑ Luk 18:1
  15. ↑ Efes 5:20
  16. ↑ KorI 14:39; TimI 4:14
  17. ↑ KorI 14:1 b.t.
  18. ↑ KorI 14:29; YohI 4:1
  19. ↑ Faigi 4:12
  20. ↑ Faigi 3:13; Heb 13:20 b.t.; KorI 1:8
  21. ↑ TesII 3:3; KorI 1:9
  22. ↑ TesII 3:1
  23. ↑ Rom 16:16
  24. ↑ Rom 16:20,24

Fabaliŵa lala

[edit source]

Olayama Zura Tesalonika I: 1 • 2 • 3 • 4 • 5

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Tesalonika_I/5&oldid=6229832"