Wb/nia/Mataio/13/Tanömö roti

FAZA 13

33 IV. Amaedola tánö böʼö iŵaʼö khöra, imane: No fakhili-khili ira mbanua zorugo andrö danömö roti, nihalö ndra alawe, nifarukania ba zi tölu yöu hamo, irege aisö maʼafefu.

34 Daʼo fefu niŵaʼö Yesu ba niha sato, amaedola, lö böʼönia, huhuonia khöra, ha sambalö amaedola.

35 Enaʼö itörö niŵaʼö zamaʼeleʼö andrö, me imane:

”Damuhededo, ulau gamaedola, ubokai zi no tobini, iʼotarai mböröta danö.”

^[1]

36 Aefa daʼö, ba ifofanö niha sato ba möi ia yomo. Ba möi khönia nifahaönia, lamane: Ombakhaʼö khöma geluaha gamaedola andrö, duʼu ba nowi.

37 Ba itema lira, imane: Samazaewe tanömö zinanö si sökhi andrö, ba yaʼia Nono Niha,

38 ba nowi andrö, ba yaʼia niha ba guli danö; ba tanömö si sökhi andrö, ba ono mbanua andrö; ba duʼu, ba ono Gafökha.^[2]

39 Ba si fatiu tödö andrö, samazaewe yaʼia, ba yaʼia Gafökha andrö. Ba famasi, ba amozua götö danö andre; ba samasi, ba malaʼika andrö.^[3]

40 Ba hulö si mane na laʼozaragö ndruʼu, nitunu ba galitö, si manö göi dania ba gamozua götö danö andre.

41 Ifatenge dania malaʼikania Ono Niha, ba laʼozaragö fefu wangala ba mbanuania andrö, awö zamazökhi si lö atulö,^[4],

42 ba latiboʼö ba mbaho galitö andrö, ba fegeʼege dania ba daʼö ba fatangisa mboha.^[5]

43 Ba humaga dania zatulö andrö, hulö luo, ba mbanua Namara andrö. Ha niha zi so tögi dalinga, ba yamufondrondrongo!^[6]

(Mataio 13:33-43)

Famotokhi ba gahe[edit | edit source]

↑ (Sin. 78, 2. Kor. I. 2, 7)
↑ (Yoh. 8, 44; Yoh. I. 3, 8)
↑ (Fam. 14, 15)
↑ (F. 24, 31)
↑ (Sin. 50. Fam. 19, 20)
↑ (Dan. 12, 3. Kor. I. 15, 40 b. t.)

Halöŵö si fakhai: Wikikamus | Wikipedia | Wikiyunior

[1] (Sin. 78, 2. Kor. I. 2, 7)

[2] (Yoh. 8, 44; Yoh. I. 3, 8)

[3] (Fam. 14, 15)

[4] (F. 24, 31)

[5] (Sin. 50. Fam. 19, 20)

[6] (Dan. 12, 3. Kor. I. 15, 40 b. t.)

[1]

[2]

[3]

[4]

[5]

[6]