Wb/nia/Mataio/13/Amaedola/Samazaewe tanömö zinanö

From Wikimedia Incubator
< Wb‎ | nia‎ | Mataio
FAZA 13

(A. 13, 1—23: Mar. 4, 1—20: Luk. 8, 4—15)

1 I. Me luo daʼö möi baero Yesu, mudadao ia ba zinga mbaŵa andrö.

2 Ba ato zowulo khönia niha, ba möi ia baowo ba mudadao, ba baene so niha sato fefu.

3 Ba oya huhuonia khöra, amaedola, imane: Hiza, möi ba nowi zamazaewe tanömö, ba wamazaewe tanömö zinanö.

4 Ba ba wamazaewenia, ba so zi göna ba lala, ba so wofo, ba laʼā.

5 Ba so zi göna ba zokara, ba zi lö aweʼeweʼe tanö khönia, ba iʼanemaʼö motalinga, me lö aweʼeweʼe danö khönia.

6 Ba me tumbu luo, ba angongo ba mate, me no ambö ŵaʼania.

7 Ba so zi göna barö ndroi, ba ebua ndroi ba mate zinanö ibeʼe.

8 Ba so zi göna ba danö si sökhi, ba mowua, so zowua si dua wulu, so zi felendrua ba so zi önö, zamba yöu.

9 Si so tögi dalinga, ba yamufondrondrongo! [1]

10 Ba laʼondrasi ia nifahaönia, lamane khönia: Hana wa amaedola niŵaʼöu khöra?

11 Ba itema li, imane: khömi no mubeʼe waʼaboto ba dödö zi no tobini andrö, ba mbanua zorugo andrö, ba khörá, ba lö mubeʼe.[2]

12 Ba zi ho so sa, ba tebeʼe na, lahöna khönia, ba ba zi löʼö, ba laheta göi zi no so khönia.[3]

13 Daʼö mbörö wa amaedola huhuogu khöra, me lö mangila ira, he ŵaʼae no teboka höröra, ba me lö mamondrongo, he ŵaʼae larongo, ba me lö aboto ba dödöra.

14 Ba itörö ba khöra nifaʼeleʼö Yesaya, me imane: ”Mirongo dania ia tögi dalingami, ba löʼö manö aboto ba dödömi; anehe hörömi, ba lö miʼila.

15 Noa sa muʼabeʼeʼö dödö niha andre ba no afisofiso ira, ba no lafakifu hörö, enaʼö lö laʼila höröra ba enaʼö lö larongo tögi dalingara ba enaʼö lö aboto ba dödöra, fa lö lafuli ira, enaʼö uʼorifi ira.”

16 Ba yaʼahowu hörömi, me laʼila, ba tögi dalingami, me larongo.[4]

17 Si ndruhu niŵaʼögu khömi: No ato zamaʼeleʼö ba no ato zatulö somasi mangila niʼilami andrö, ba lö niʼilara, ba somasi mamondrongo nirongomi andrö, ba lö nirongora.[5]

18 Ba mifondrondrongo geluaha gamaedola andrö, samazaewe tanömö zinanö:

19 Na so zamondrongo turia mbanua andrö, ha niha ia, ba na lö aboto ba dödönia, ba so Gafökha, iʼoloiʼö nifazaewe ba dödönia; daʼö nifazaewe tanömö si göna ba lala andrö.

20 Ba nifazaewe ba zokara, ba daʼö ia: Irongo daroma li andrö, ba iʼanemaʼö itema, omuso dödönia.

21 Ba lö moŵaʼa ba dödönia, löʼö sa anaunau gölö; ba na tesao wamakao, ba ma folohi, na börö daroma li andrö, ba iʼanemaʼö mangawuli furi.

22 Ba nifazaewe barö ndroi, ba daʼö ia: Irongo daroma li andrö, ba so waʼabu dödö ba guli danö andre, awö wamaelungu andrö, ba ganaʼa, ba ibunu daroma li, ba tobali lö mowua.[6]

23 Ba nifazaewe ba danö si sokhi, ba daʼö ia: Irongo daroma li, ba aboto ba dödönia, ba yaʼia zowua, so zowua si dua wulu, so zi felendrua ba so zi önö, zamba yöu.


(Mataio 13:1-23)


Famotokhi ba gahe[edit | edit source]

  1. (F. 11, 15)
  2. (F. 11, 25; 16, 17. Kor. I. 2, 7—10)
  3. (F. 25, 29. Mar. 4, 25. Luk. 8, 18; 19. 26)
  4. (Luk. 10, 23, b. t.)
  5. (Fet. I. 1, 10. Heb. 11, 13)
  6. (F. 19, 23. Tim. I. 6, 9)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior