Wb/nia/Luka/6/Famadöhö wökhö danga si no ariri
II. 6 Ba me luo sabato bö'ö, [1] ba möi ia ba zekola, mamahaö. Ba so niha ba da'ö, si no ariri tanga, kambölö. 7 Ba ladaro-darogõ ia sangila amakhoita, awö warizaio, na ifadöhö wökhö, ba luo sabato, ena'ö lasöndra wangadugö ya'ia. [2]
8 Ba i'ila gera-erara; ba imane ba niha andrö, si so tanga si no ariri andrö: Faoso, ae ba da'e; ba maoso ia, möi ia.[3] 9 Ba imane khöra Yesu: Usofu khömi, hadia, tola lalau zi sökhi, na luo sabato, ba ma si lö sökhi lalau, hadia, la'orifi niha, ma lafakiko? [4] 10 Ba ifakhölö ia, inehegö ira fefu, ba imane khönia: Oro'ö dangau. Ba i'o'ö, ba te'azökhi dangania.
11 Ba oi so wa'afökhö dödöra, ba fahuhuo ira, he lawisa khö Yesu andrö. [5]
Famotokhi ba gahe[edit | edit source]
- ↑ Ayati 6-11: Mat 12:9-14; Mar 3:1-6
- ↑ Faigi 14:3 b.t.
- ↑ Faigi 5:22; Mat 9:4; 12:25)
- ↑ Faigi göi yaŵa wamotokhi ba gahe Luk 6:1. Si lötolalö'ö mufo'eluaha Goroisa Lowalangi molo'ö ohitö dödö Lowalangi, tenga molo'ö ila-ila zura. Tatörö dödöda da'a na ta'ila so niha sabe'e sibai wamatörö goroisa irege lö ahakhö dödönia niha. Lowalangi andrö Lowalangi sahakhötödö ba somasi mangorifi niha.
- ↑ Yoh 11:47
Fabaliŵa lala[edit | edit source]
Faza 6: Lateu lai wakhe ira nifahaö (1-5) | Famadöhö wökhö danga si no ariri (6-11) | Fanuyu ndra sinenge (12-16) | Huhuo Yesu (17-49)
Faza 7: Famadöhö wökhö zawuyu gumandra (1-10)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö