Wb/nia/Luka/5/Hana wa lö mamoni ndra nifahaö
V. 33 Ba lamane khönia:[1] Nifahaö Yohane andrö, ba asese mamoni ba gö ba mangandrö, ba si manö göi nifahaö warizaio andrö; ba khömö andrö, ba manga-manga ba mamadu-madu hadia ia.
34 Ba imane khöra Yesu: Hadia, mi'ila mifamoni nawö zangowalu, fatua awöra zangowalu andrö? 35 Ba so sa mbaŵa dania — ba na aheta khöra zangowalu, awena dania mamoni ira, na baŵa da'ö.
36 Ba iŵa'ö khöra gamaedola göi, imane: Lö itika mbalo-balo niha ba nukha si bohou, ba itagu ba mbaru satua, ba na imanö, ba atika zi bohou ibe'e ba lö'ö sa atö faböbö ba zatua mbalo-balo nihalö ba zi bohou. 37 Ba lö solau agu si bohou ba nahia satua, ba na so zolau da'ö, ba ire'a nahia andrö agu si bohou andrö, ba ya'ia, ba aduwa, ba nahia, ba tekiko. 38 Ba nahia si bohou lalau nagu si bohou. 39 Ba ha niha fefu, zi no mamadu-madu si no ara, ba lö omasi ia zi bohou, imane sa: Sökhi zi no ara andrö.[2]
Famotokhi ba gahe[edit | edit source]
- ↑ Ayati 33-39: Mat 9:14-17; Mar 2:18-22
- ↑ Agu si no ara: famo'eluaha andre ambö fagöna. Sindruhunia latötöi ia agu satua (li Yunani παλαιὸν). Simanö göi tenga agu si bohou, bahiza agu sawuyu. Itugu atua nidanö nagu itugu sökhi ia, andrö wa itugu ebua göi mbölinia. Lö ebua mböli nagu sawuyu, eluahania sawena mufera'ö ba mufa'anö ba mube ba mboto-boto. Agu satua, simane nifa'anö me 30 fakhe si lalö (1990) töra ebua mbölinia moroi ba agu sawuyu nifazökhi me döfi si lalö (2021).
Fabaliŵa lala[edit | edit source]
Faza 5: Mangai i'a Wetero (1-11) | Famadöhö wökhö zobou auri (12-16) | Famadöhö wökhö zi mate dambai (17-26) | Fogaoni Lewi (27-32) | Hana wa lö mamoni ndra nifahaö (33-39)
Faza 6: Lateu lai wakhe ira nifahaö (1-5)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö