Wb/nia/Halöŵö Zinenge/9/isusugi Dabita

From Wikimedia Incubator
< Wb‎ | nia‎ | Halöŵö Zinenge‎ | 9
Wb > nia > Halöŵö Zinenge > 9 > isusugi Dabita
FAZA 9

36 III. Ba so ba Yofe nifahaö, ira alawe, Tabita döinia, Doreka (nago), na laʼali, si no fahöna bua-bua si sökhi, ba oya ibeʼe ameʼela ba zi numana. [1]

37 Ba tobali, me luo daʼö, ba mofökhö ia ba mate. Ba lafemondri ia, ba labeʼe ba mbateʼe ba zi sagötö.

38 Ba me no ahatö ba Yofe Lida andrö, ba me no larongo ira nifahaö, so ba daʼö Wetero, ba lafatenge khönia niha, darua, sangandrö khönia: Böi aragö weʼamöi khöma.

39 Ba maoso Wetero, möi ia awöra. Ba me irugi, ba laʼohe ia ba zi sagötö, ba laʼondrasi ia fefu lakha mbanua, mege-ege ira, ba laʼoromaʼö khönia nukha andrö, awo lembe, nifazökhi Doreka andrö, me so ia khöra.

40 Ba ifofanö ira baero fefu Fetero, ibalöduhini tou zalo, mangandrö; ba ibaliʼö ia ba mboto zi mate andrö, imane: Faoso, Tabita! Ba ifehaga ia, ba me iʼila Wetero, ba mudadao ia. [2]

41 Ba iʼoroʼö khönia danga, ifazizio. Ba humede ia ba niʼamoniʼö ba ba lakha mbanua andrö, ba iʼoromaʼö khöra, no auri.

42 Ba terongo ba mbanua Yofe, fefu, ba ato zamati khö Zoʼaya. [3]

43 Ba ara Wetero ba Yofe, tome Zimoni tuka guli zaŵi.


(Halöŵö Zinenge 9:36-43)


Famotokhi ba gahe[edit | edit source]

  1. (F. 10, 2)
  2. (Mar. 5, 40. 41. Sal. I. 17, 19 b. t.)
  3. (Yoh. 10, 42)


Faza 9: Famalalini era-era Zaulo (1-31) | Ifadöhö wökhö Fetero, ba (32-35) | isusugi Dabita (36-43)


Fabaliŵa lala[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö