Wb/nia/Halöŵö Zinenge/8/Simoni, sebua elemu
9 III. Ba no tohöna ba mbanua andrö niha, sebua elemu, Simoni döinia, ba tobali dödö Ndrawa Zamaria ibeʼe, sebua ia iŵaʼö. [1]
10 khönia lafaigi fefu, he iraono, ba he satua, lamane: Daʼö waʼabölö Lowalangi, niŵaʼö sebua ia.
11 Ba lafaigifaigi khönia, me no ara ahölihöli dödöra ibeʼe, ba wakelemusania andrö.
12 Ba me mamati ira khö Wilifo, sangombakha turia mbanua Lowalangi ba turia döi Yesu Keriso, somuso dödö, ba lafabayagöʼö idanö ira, ira matua ba ira alawe.
13 Ba Simoni andrö göi, ba mamati, ba me no tebayagö idanö ia, ba lö iröiröi Wilifo, ba iʼila dandra andrö, awö waʼabölö andrö, ba tobali dödönia.
14 Ba me larongo sinenge ba Yeruzalema, laʼoʼö li Lowalangi, ba Zamaria, ba lafatenge khöra Wetero ba Yohane.
15 Ba me larugi si tou, ba mangandrö ira, ba khöra andrö, enaʼö tebeʼe khöra Geheha niʼamoniʼö.
16 Löʼö manö na si möi ia khöra, samösa lö sanema, ha fa no tebayagö idanö ira, ba döi Yesu Soʼaya.
17 Awena latufa högöra tanga, ba latema Geheha niʼamoniʼö. [2]
18 Ba me iʼila Simoni, tebeʼe Geheha, na latufa ira tanga sinenge, ba iʼohe khöra ganaʼa,
19 imane: Mibeʼe khögu göi waʼabölö andrö, enaʼö na itema Geheha niʼamoniʼö nitufagu tanga.
20 Imane khönia Fetero: Yamöi ba waʼatekiko ganaʼau, awö ndraʼugö! me öwai anaʼa mböli mbuala Lowalangi andrö! [3]
21 Lö urakhau ba lö sinemau ba daroma li andrö; löʼö sa atulö dödöu föna Lowalangi. [4]
22 Andrö falalini geraʼerau, erogö golalöŵau andrö, ba andrö khö Zoʼaya, ma atṍ iʼefaʼö khöu geraʼera dödöu, si lö sökhi andrö.
23 Oroma sa khögu, wa no fahöna ba dödöu gawökhu safeto, ba no iböbö ndraʼugö si lö atulö. [5]
24 Ba itema linia Simoni, imane: Miʼandrö khö Zoʼaya, salahigu, enaʼö lö itörö ndraʼo niŵaʼömi andrö fefu. [6]
25 Ba yaʼira, me no lafaduhuʼö li Zoʼaya, me no laʼombakhaʼö, ba lafuli ira ba Yeruzalema, ba laʼoyaʼö banua Ndrawa Zamaria, wanuriagö turia somuso dödö.
(Halöŵö Zinenge 8:9-25)
Famotokhi ba gahe[edit | edit source]
- ↑ (F. 13, 6. 8)
- ↑ (F. 6, 6)
- ↑ (Mat. 10, 8)
- ↑ (Neh. 2, 20)
- ↑ (Moz. V. 29, 18)
- ↑ (Moz. II. 10, 17. Fam. I. 12, 19)
Faza 8: Igohi mbanua Yesu Saulo (1-3) | Möi ba Zamaria Wilifo (4-8) | Simoni, sebua elemu (9-25) | Enoni razo, moroi ba danö Ndrawa saitö (26-40)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö