Wb/nia/Halöŵö Zinenge/4/Laʼohe ba rafe sebua ndra Fetero Yohane

From Wikimedia Incubator
< Wb‎ | nia‎ | Halöŵö Zinenge‎ | 4
Wb > nia > Halöŵö Zinenge > 4 > Laʼohe ba rafe sebua ndra Fetero Yohane
FAZA 4

1 I. Ba me laŵaʼö daʼö ba niha sato, ba maoso khöra gere andrö, awö gumandra ba gosali, awö zadukaio,

2 afökhö khöra, me lafahaö niha, me laʼombakhaʼö, khö Yesu so wemaoso zi mate. [1]

3 Ba laraʼu ira ba lakuru, irugi mahemulu ö; noa sa arakha bongi.

4 Ba ato zamati, samondrongo li andrö, ba tobali lima ngahönö waʼato ndra matua. [2]

5 Ba mahemolu ö, ba falukha zalaŵara ba satuara ba sangila amakhöita khöra,

6 ba Yeruzalema, ba Hanasi, ere sebua andrö, ba Kayafa ba Yohane ba Alesandro ba si fatalifusö khö ndra ere sebua, fefu. [3]

7 Ba lafaʼaso ira ba gotaluara ba lasofu: Ha niha zanehe khömi ba ha töi khömi, wolau daʼö? [4]

8 Ba imane khöra Fetero, si no fahöna Eheha niʼamoniʼö: He yaʼami, salaŵa mbanua andre ba yaʼami, satua! [5]

9 Na tesekhegö ndraʼaga maʼökhṍ andre, ba wanoloma andrö, ba niha sofökhö andrö, hadia wangabeʼenia,

10 ba yaʼaboto ba dödömi fefu ba ba dödö Ndraono Gizeraëli fefu: ba döi Yesu, banua Nazareta, niforöfami, nisusugi Lowalangi, moroi ba ngai zi mate, ba döi daʼö abeʼe daʼe, fönami, [6]

11 Daʼö gowe andrö, niʼositengagömi, yaʼami sotomo, gowe si no tobali toyo ba watalinga. [7]

12 Ba lö fangorifi ba dánö böʼö, ba löʼö sa göi töi böʼö nibeʼe ba niha, ba guli danö, ba wangorifi yaʼita. [8]

13 Ba me laʼila wa lö aiwö ndra Fetero Yohane, ba me no larongo, niha si lö mufahaö ira, ono mbanua, ba ahöli-höli dödöra, ba laʼila ira, wa no awö Yesu ira föna.

14 Ba me laʼila, awöra niha andrö nifadöhö fökhö, ba tebai labuʼa.

15 Ba laŵaʼö khöra, mofanö ira, laheta ira ba rafe sebua: mamagölö ira, lamane:

16 He tawisa ba niha andrö, noa sa oroma ba zi so ba Yeruzalema fefu, wa no lafazökhi dandra sanehe niha, ba tebai taʼosilöʼögö, [9]

17 ba fa böi tedou terongo ba niha, ba tafetaʼu ira, böi saʼae itörö lira döi andrö, gofu ha khö.

18 Ba humede ira khöra, laŵaʼö khöra, böi manö saʼae muhede ira ba böi namahaö, wangombakha töi Yesu. [10]

19 Ba latema lira ira Fetero Yohane, lamane khöra: Miʼeraʼera tödömi, na afulö khö Lowalangi, na laʼoʼö khömi, moroi ba woloʼö khö Lowalangi; [11]

20 tebai sa khöma, lö maŵaʼö niʼilama, nirongo dögi dalingama. [12]

21 Ba me no lafetaʼu ira na, ba laʼefaʼö, me lö lasöndra, he lawisa, wangotuʼö yaʼira, ba niha sato, me no oi dozi lasuno Lowalangi ba daʼö no mege; [13]

22 noa sa töra öfa wulu fakhe niha andrö nifazökhi tandra andrö, famadöhö fökhö.


(Halöŵö Zinenge 4:1-22)


Famotokhi ba gahe[edit | edit source]

  1. (F. 23, 8)
  2. (F. 2, 41. 47; 5, 14)
  3. (Yoh. 18, 13)
  4. (Mat. 21, 23)
  5. (Luk. 12, 11. 12)
  6. (F. 3, 6. 16; 5, 30)
  7. (Mat. 21, 42. Sin. 118, 22)
  8. (F. 2, 21; 10, 43)
  9. (F. 3, 8—10. Yoh. 11, 47)
  10. (F. 5, 28. 40)
  11. (F. 5, 29)
  12. (Yoh. I. 1, 1 b. t.)
  13. (F. 5, 26)


Faza 4: Laʼohe ba rafe sebua ndra Fetero Yohane (1-22) | Fangandrö niha Keriso si föföna andrö (23-31) | Faʼawösara, hulö zi fatalifusö (32-37)


Fabaliŵa lala[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö