Wb/nia/Halöŵö Zinenge/4/Fangandrö niha Keriso si föföna andrö
23 II. Ba me no aefa ira, ba möi ira ba nawöra, ba laʼombakhaʼö fefu niŵaʼö ndra ere sebua, ba satua, khöra.
24 Ba me no larongo, ba mangandrö ira khö Lowalangi, ha sara dödö, lamane: He Soʼaya, yaʼugö zamazökhi sorugo, awö danö, awö nasi, awö nösinia fefu, [1]
25 yaʼugö zangumaʼö niʼombakhaʼö duama Dawido enonimö andrö, moroi ba Geheha niʼamoniʼö: Hana wa mofönu niha baero, ba hana wa laʼalualui soi zi lö boto? [2]
26 Molaŵa zalaŵa ba guli danö ba samatörö andrö, ba mamagölö, ba khö Zoʼaya ba ba khö Keriso andrö khönia.”
27 Ba si ndruhu, noa sa falukha ira ba mbanua andre ba khö nonou andrö, niʼamoniʼö, nibayoiniu, Herode ba Fondrio Filato, awö niha baero, awö soi Ndraono Gizeraëli, [3]
28 ba wolau hadia nihönagö dangau, awö geraʼerau, wangohonogöi, salua dania. [4]
29 Ba iadaʼe, yaʼugö Soʼaya, ba nehegö wametaʼura andrö, ba tolo genonimö, enaʼö löʼö manö aiwö ira, wangombakha limö,
30 ba oroʼö dangau, ba wamadöhö fökhö, enaʼö so dandra, awö gilaʼila, börö döi nonou andrö, niʼamoniʼö, Yesu.
31 Ba me no mangandrö ira, ba humeuheu nomo andrö, sowulo ira, ba tehöna khöra fefu Geheha niʼamoniʼö, ba lö aiwö ira, wangombakha li Lowalangi. [5]
Famotokhi ba gahe[edit | edit source]
- ↑ (F. 14, 15. Moz. I. 1, 1. Neh. 9, 6)
- ↑ (Sin. 2, 1—2)
- ↑ (Luk. 23, 12)
- ↑ (F. 2, 23)
- ↑ (F. 2, 2; 13, 52)
Faza 4: Laʼohe ba rafe sebua ndra Fetero Yohane (1-22) | Fangandrö niha Keriso si föföna andrö (23-31) | Faʼawösara, hulö zi fatalifusö (32-37)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö