Wb/nia/Halöŵö Zinenge/3/Niha sombuyu-mbuyu, niʼabeʼeʼö Wetero
1 I. Möi miyaŵa ndra Fetero Yohane ba gosali, me inötö wangandrö, me labözi tölu. [1]
2 Ba hiza niha, sombuyu-mbuyu moroi ba dalu ninania, niluʼi. Ero maʼṍkhö lafedadao ia ba zinga mbawandruhö gosali, nifotöi si sökhi, ba wangandrö böli gö ba zi möi ba gosali. [2]
3 Ba me iʼila ndra Fetero Yohane, si möi ba gosali, ba mangandrö böli gö ia khöra.
4 Ba inehegö ia Fetero, awö Yohane imane: Faigi ndraʼaga.
5 Ba ifaigi ira, iwai so zinemania khöra.
6 Ba imane Fetero: Lö khögu firö ba lö anaʼa, ba hadia zi so khögu, ba ba ubeʼe khöu: Ba döi Yesu Keriso, banua Nazareta, owaö-waö, [3]
7 Ba iraʼu dangania kambölö, ifazizio. Ba iʼanemaʼö abeʼe gahenia, awö mbuʼu gawononia,
8 ifaröga ia ba muzizio ba mowaö-waö; ba möi ia ba gosali, fao ia khöra, mowaö-waö ia ba mamaröga ba isuno Lowalangi. [4]
9 Ba laʼila niha sato fefu, mowaö-waö ia ba manuno Lowalangi ia,
10 Ba laʼila ia, wa yaʼia daʼö, sidaodao ba mbawandruhö gosali si sökhi ba wangandrö böli gö; ba aʼoi so waʼahöli-höli dödöra ba faʼatobali dödöra, ba zi no falukha ia. [5]
11 Ba me lö iröi ndra Fetero Yohane, ba owulo khöra niha sato fefu ba newali, nifotöi ewali Zelomo, (ewali nifolose) no tobali dödöra. [6]
Famotokhi ba gahe[edit | edit source]
- ↑ (F. 10, 3. Luk. 1, 10)
- ↑ (F. 14, 8)
- ↑ (Mat. 10, 9. Mar. 16, 17 b. t.)
- ↑ (Yes. 35, 6. Luk. 5, 25; 17, 15)
- ↑ (Luk. 5, 26)
- ↑ (Yoh. 10, 23)
Faza 2: Niha sombuyu-mbuyu, niʼabeʼeʼö Wetero (1-11) | Huhuo Wetero ba niha sato (12-26)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö