Jump to content

Wb/nia/Halöŵö Zinenge/18/Fe'aso Waulo ba Gorindro

From Wikimedia Incubator
< Wb‎ | nia‎ | Halöŵö Zinenge‎ | 18
Wb > nia > Halöŵö Zinenge > 18 > Fe'aso Waulo ba Gorindro
FAZA 18

1 I. Aefa daʼö iröi Natena Faulo, möi ia ba Gorindro.

2 Ba falukha ia niha Yehuda, Akila döi, banua Wondro mböröta; bohou na me iʼotarai Gitalia, awö woʼomonia, Ferikila döi, me no ibeʼe goroisa kaizaro Kalaudio, laheta ira ba Roma niha Yehuda fefu; ba möi ia khöra. [1]

3 Ba me no faoma halöŵöra, ba iʼiagö khöra, ba mohalöhalöŵö ira; sanoso oloso nose ira. [2]

4 Ba fahuhuo ia ba zekola, ero na luo sabato, ifaduhuʼö dödö niha Yehuda, awö dödö Ndrawa Heleni.

5 Ba me so Zila ba Timoteo, si otarai Makedonia, ba lö aefa Waulo ba wamahaö, wamaduhuʼö ba niha Yehuda, wa Keriso Yesu. [3]

6 Ba me mamadaö ira ba me manandraŵa, ba iʼanotogö nukhania, imane khöra: yamöi ba hulumi ndromi! Aefado; iʼotarai daʼe, ba möido ba niha baero. [4]

7 Ba mofanö ia ba daʼö, isaŵa nomo niha, sotöi Titio yuso, sangataʼufi Lowalangi, si no fasinga ba nomo zekola nomonia.

8 Ba mamati khö Zoʼaya Gerifo, satua zekola, awö zoroiyomonia fefu; ba ato mbanua Gorindro, samondrongo, mamati ba lafabayagöʼö idanö ira.

9 Ba imane Soʼaya ba zi bongi, ba gangilata, khö Waulo: Böi ataʼufi! hede manö ba böi bato,

10 me faofao ndraʼo khöu, ba lö sombambaya yaʼugö, ba wamakao yaʼugö, me no ato khögu niha ba mbanua daʼe. [5]

11 Ba döfi a matonga iʼiagö daʼö, wamahaö yaʼira ba daroma li Lowalangi. 12Ba me kumandru ba Nakhaya Galio, ba maoso niha Yehuda, ba khö Waulo, ha sara dödö, laʼohe ia ba gödo,

13 lamane: Lö iʼoʼö goroisa daʼe wondrönisi niha ba wangataʼufi Lowalangi.

14 Ba me muhede enaʼö Waulo, ba imane Galio ba niha Yehuda: Na so hadia ia zi lö atulö, ba ma hadia ia horö, yaʼami, niha Yehuda, ba lö zi lö ufondrondrongo khömi. [6]

15 Ba na fasosota ba wamahaö ba ba döi niha ba ba goroisa andrö khömi, ba yaʼami zamaigi; lö edönado uhuhuoʼö zi manö. [7]

16 Ba ifofanö ira ba gödo.

17 Ba dozi laraʼu Zotene, satua zekola, ba labago ia ba gödo; ba löʼö manö ihalö khönia Galio.


(Halöŵö Zinenge 18:1-17)

Famotokhi ba gahe

[edit | edit source]
  1. (Rom. 16, 3)
  2. (F. 20, 34. Kor. I. 4, 12)
  3. (F. 17, 14. 15)
  4. (F. 13, 15; 20, 26)
  5. (Yer. 1, 18. Hos. 2, 23. Yoh. 10, 16)
  6. (F. 25, 18. 19)
  7. (Yoh. 18, 31)


Faza 18: [[Wb/nia/../Fe'aso Waulo ba Gorindro/|../Fe'aso Waulo ba Gorindro/]] (1-17) | [[Wb/nia/../Mofanö ia isaŵa Nefeso ba Andriokhia/|../Mofanö ia isaŵa Nefeso ba Andriokhia/]] (18-23) | [[Wb/nia/../Möi Afolo ba Nefeso/|../Möi Afolo ba Nefeso/]] (24-28)


Fabaliŵa lala

[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö