Wb/nia/Halöŵö Zinenge/16/Foloʼö zanaro ba gurunga andrö.

From Wikimedia Incubator
< Wb‎ | nia‎ | Halöŵö Zinenge‎ | 16
Wb > nia > Halöŵö Zinenge > 16 > Foloʼö zanaro ba gurunga andrö.
FAZA 16

16 IV. Ba me möiga mangandrö ba falukhaga zawuyu ono alawe, si so bekhu waetasa, ebua lasöndra sokhö yaʼia ibeʼe, ba waetasania andrö. [1]

17 Ba iʼoʼöga, ira Faulo ndraʼaga, muʼao ia, imane: Enoni Lowalangi Fondrege zalaŵa niha andrö, sangombakha khömi lala wangorifi.

18 Ba ara si manömanö ia. Ba mofönu Waulo, ibaliʼö ia, imane ba mbekhu andrö: uŵaʼö khöu, ba döi Yesu Keriso, hetaʼö khönia. Ba iʼanemaʼö iheta ia. [2]

19 Ba me laʼila sokhö yaʼia, no aheta mbörö wangaluira andrö, ba laraʼu ndra Faulo Sila, ladöni ba kade ba zalaŵa. [3]

20 Ba laʼohe khö gumandru, lamane: Lafakuyu khöda mbanua niha andre, ba no niha Yehuda ira; [4];

21 laʼombakhaʼö huku si lö tola tatema, si lö tola taʼoʼö, me Dawa Roma ita.

22 Ba maoso göi niha sato khöra; ba laheta khöra nukhara ira kumandru ba laŵaʼö, labözi. [5]

23 Ba me no laforege wamözi yaʼira, ba lakuru, laŵaʼö khö zanaro ba gurunga, ihaogö wanaro yaʼira.

24 Ba me no irongo goroisa andrö, ba ibeʼe ira ba gurunga tánö bakha, ikalo gahera. [6]

25 Ba mato talu mbongi, ba mangandrö Waulo, awö Zila, lasuno Lowalangi, ba lafondrondrongo khöra nikuru. [7]

26 Ba iʼozumagö so ndruru sabölöbölö, irege dumögödögö latalata gurunga. Ba iʼanemaʼö teboka mbawandruhö fefu, ba oiʼdozi aefa rate khöra.

27 Ba me tokea zanaro ba gurunga, me iʼila, no teboka mbawandruhö gurunga, ba isöbi wöda, ibunu ia enaʼö, iwai no moloi nikuru.

28 Ba muʼao Waulo, ebua linia, imane: Böi fakikoʼö, dozi sa so ndraʼaga ba daʼe!

29 Ba iŵaʼö wandru, isaŵa si bakha, fagohi, ituhi danö, föna ndra Faulo Sila, manizinizi,

30 ba ifasao ira baero, imane: He uwisa, Tua, fa usöndra wangorifi? [8]

31 Ba lamane: Amati khö Zoʼaya, Yesu, ba teʼorifi ndraʼugö, awö zoroiyomou fefu.

32 Ba laʼombakhaʼö khönia daroma li Zoʼaya ba ba si so ba nomonia fefu.

33 Ba ihalö ira, ba daʼö sibai, ba zi bongi, isasai khöra zesokho ba wamözi andrö, ba iʼanemaʼö tebayagö idanö ia, awö zoroiyomonia fefu.

34 Ba iʼohe ira yomo, ibeʼe göra, ba owuawua dödönia, me no samba omo manö ira mamati ba Lowalangi.

35 Ba me no moluo, ba lafatenge wazuri ira kumandru, lamane: Efaʼö niha andrö!

36 Ba iʼombakhaʼö sanaro ba gurunga lira andrö khö Waulo, imane: No lafatenge ira kumandru, enaʼö laʼefaʼö ami. Ba iadaʼe, ba miʼae baero, miʼofanö, yaʼohahau dödömi!

37 Ba imane khöra Faulo: No labözi ndraʼaga, ba zanehe niha, lö musekhegö, he ŵaʼae banua Roma ndraʼaga, ba no lakuru ndraʼaga, ba hadia, labiniʼö iadaʼe wamofanö yaʼaga? Böi sa! Ndramöi saʼae, yaʼira andrö, ba wangefaʼö yaʼaga.

38 Awena laʼombakhaʼö fazuri khö ndra kumandru niŵaʼöra andrö. Ba ataʼu ira, me larongo, wa banua Roma ira; ba möi ira, laʼoʼou,

39 laʼohe baero, laʼandrö khöra, laheta ira ba mbanuara.

40 Ba me no laröi gurunga, ba möi ira khö Lidia andrö; ba me laʼila dalifusö, ba lafarou dödöra, ba mofanö ira.



(Halöŵö Zinenge 16:16-40)

Famotokhi ba gahe[edit | edit source]

  1. (Sam. I. 28, 7)
  2. (Mar. 1, 34; 16, 17)
  3. (F. 15, 40)
  4. (F. 17, 6 b. t. Amos. 7, 10)
  5. (Kor. II. 11, 25. Tes. I. 2, 2)
  6. (F. 12, 4)
  7. (F. 5, 41)
  8. (F. 2, 37)


Faza 16: [[Wb/nia/../Iʼohe Dimoteo Faulo./|../Iʼohe Dimoteo Faulo./]] (1-8) | [[Wb/nia/../Isaŵa Makedonia./|../Isaŵa Makedonia./]] (9-13) | [[Wb/nia/../Foloʼö Lidia andrö./|../Foloʼö Lidia andrö./]] (14-15) | [[Wb/nia/../Foloʼö zanaro ba gurunga andrö./|../Foloʼö zanaro ba gurunga andrö./]] (16-40)


Fabaliŵa lala[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö