Wb/nia/Hagai/1
I. Fanegu niha Yehuda, me no abua gölöra ba wolau osali[edit | edit source]
1 Me no töra döfi razo Dario, me fasulöna ba mbaŵa si önö, ba so niŵa'ö Yehowa, nifa'ema Haga'i, sama'ele'ö, khö Zerubabeli, ono Zelatieli, kumandru ba mado Yuda ba khö Yosua, ono Yosadaki, ere sebua, imane:[1]
2 Da'ö niŵa'ö Yehowa ngahönö: Lamane niha andrö: Tenga na inötö wolau osali Yehowa andrö? 3 Ba so niwa'ö Yehowa, nifa'ema Haga'i sama'ele'ö, imane. 4 Ba hadia, ba no inötö khömi wangonahia omo, nihaogö bagolö, me no adudula nomo da'e?
5 Ba iya'e, ba imane Yehowa ngahönö: Mifaigi ba, he wisa ba khömi! 6 No ebolo nowimi, ba lö ebua ni'ohe yomo: manga-manga ami, ba lö irugi ba wa'abuso, mibadu-badu hadia ia, ba tebai abuso ami, monukha ami, ba ambö ba wa lö o'afu, ba si manga gazi, ba ba mbola satöla ibe'e gazinia.[2]
7 Da'ö niŵa'ö Yehowa ngahönö: Mifaigi-faigi, he wisa ba khömi andrö! 8 Mi'ae yaŵa ba hili, mihalö geu, ba milau gosali, ena'ö omasi ndra'o ba ena'ö ebua döigu! iŵa'ö Yehowa. 9 No ebua midöna-döna ba no ide-ide lua-lua; no mi'ohe yomo, ba no uwuwusi. Hana wa si manö? iŵa'ö Yehowa ngahönö; börö nomogu andrö, me no adudula, ba me ba nomonia idölö ia zamösana, ba khömi andrö. 10 Andrö wa lö ifalua khömi namo banua yaŵa, ba lö ifalua mbuania tanö.[3] 11 Ba no muhededo ba wa lö teu, no ufatörö ba danö ba ba hili, ba zinanö ba nowi ba ba nagu ba ba wanikha, ba ba mbua danö hadia ia, ba niha ba ba zaliŵa-liwa ba danö ba ba wangalui niha, fefu hadia ia.[4]
II. La'o'ö li zama'ele'ö satua, awö niha sato[edit | edit source]
12 Ba lafondrondrongo li Lowalangira Yehowa ira Serubabeli, ono Zelatieli, Yosua, ono Yosadaki, ere sebua, awö niha sato fefu, ba labe'e ba dödöra niŵa'ö Haga'i, sama'ele'ö, me no Lowalangira Yehowa zamatenge ya'ia, ba la'ata'ufi Yehowa niha sato.
13 Ba imane Haga'i, sinenge Yehowa andrö, ba niha sato — dali niŵa'ö Yehowa: "Utolo ami!" iŵa'ö Yehowa.
14 Ba ifarou Yehowa dödö Zerubabeli, ono Zelatieli, kumandru ba mado Yuda, ba tödö Yosua, ono Yosadaki, ere sebua, ba tödö niha sato fefu, ba so ira, ba labörötaigö halöŵö folau osali Lowalangira Yehowa ngahönö, 15 ba zi dua wulu a öfa, ba mbaŵa si önö, si no töra döfi razo Dario.
Famotokhi ba gahe[edit | edit source]
Fabaliŵa lala[edit source]
Olayama Hagai: 1 • 2
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö