Talk:Wp/rif/Tamaziɣt
Hi Read3r, here is an example:
Tamaziɣt d awar n Imaziɣen di ccamal n wafrika. Imaziɣen jjan s wattas di Lmaɣrib d Dzayar d Libya. Maca ra di Tunis d Misra d Muritanya d Mali d Nnijer d Burkina Fasu. Di iḍa jjan kta zi 20 malyun n Imaziɣen di lεalam.
Tamaziɣt n usyiḍni[edit source]
Di ijj n rwaxt Tamaziɣt jja ɣa as attat n iwḍan i t-issawaren zi Tigzirin Tikanariyyin ar Misra taqrdint d zi lbaḥr al-abyad lmutawassit ar tummura zeffa ssaḥra tawaqrant am Niger d Mali.
Iwḍan i ɣa t-jja tasnit n usyiḍni tsaqsan ixf nsen ma iwḍan iqdimen n timmura nni ira ssawarn Tamaziɣt. Maca zemma wa ijji had i zemman ad yuc ca ar/ljawab d anaggaru. Minzi, Imaziɣen iqdimen niɣ rjdud nsen wa jjin bu ca rknanec/idlsen uran s Tmaziɣt. Nettnin jjin tira s Tifinaɣ d Talatint d zemma atiri ra s Tafiniqt, maca i wεa a ten-aggar nican niɣ a nessen min qqan.
Waxxa wa jji bu ca n ddalil x tmaziɣt n iwdhan nni iqdimen zi nnaḥiya n awar nsen, zemma anaf attas n ismawen i temcabahan ag ismawen n Imaziɣen n yida.
L-aṣel n Tmaziɣt[edit source]
Tamaziɣt d awar d afrik-asywi am Taεraft d Tamisrit Taqdint d awar n Ityupiyyen d Nubiyyen.
L-aṣel n awar afriqi-asyawi zemma ad yiri zi camal-carq n wafrika.
Tira n Tamaziɣt[edit source]
Tamaziɣt tura s Tifinaɣ d Tafiniqt d Talatint d Taεraft, x ḥasab rgnus i iεicen ag Imaziɣen. Imaziɣen udayen urin tamaziɣt nsen s tira tεibrit.
Tajrrumt n Tamaziɣt[edit source]
Wa nessin bu ca n rwaxt mirmi Tamaziɣt ra ɣa as ca ddur damaqran di tudat n Imaziɣen. Waxxa tagellidt n Numidia d htem s tira n Tamaziɣt (Tifinaɣ), wa jjin ca rknanec s Tamaziɣt. Numidia s ixf ines wa taddar ca attas, minzi daɣya staεmant Irumiyyen. Zeffar Numidia, usind Almuwaḥḥidin d wwind akid sen ddaεwa s Tmaziɣt di rwaxt n Lmahdi ibn Tumert. Maca waxxa amenni Tigellidin n Imaziɣen di islam tbannen Taεraft am awar n rḥkam nsen.
X manay a tajrrumt n Tmaziɣt wa taysi bu ca n l-ahammiya zi iwdan i t-issawaren. Maca waxxa am enni Tamaziɣt zemma a ɣa as tajrrumt ines waxxa wa tawwiḍ ca lmustawa yuεra.
Di usaggassen a ineggvura Tamaziɣt tabda tkassi ijj n l-ahammiya am di Lmaɣrib am di tmurt n Irummiyyen (Europa).