Wp/yua/Abalá

Abala, Yucatán

Ts’ono’ot ti’ hacienda Mucuyché, Yucatán

Abalá. Bey u k'aaba' le noj kaaj, jo'olbesik jump'éel méek'táankaaj bey xan u k'aaba' ichil u péetlu'umil Yucatán ichil u noj méek'táanlu'umil México, p'aatal tu chik'in-noojol u Noj méek'tankaajilo'ob Yukataan yéetel tu chik'in-noojol Acanceh. Tu k'iinilo'ob ma' k'uchuk sak wíiniko'ob wey tlu'umile', Abaláe' ti' yaan ka'ach ichil u méektankaajilo'ob Chak'an.

Bejla'e' ichil u méek'táanlu'umil Abaláe' yaan wáa jayp'éel ts'ono'oto'ob meyajta'an tu'ux ku béeytal u bin máak báab utia'al u máansik seten ooxolil wáa tak chen utia'al u bin máax u chan xíimbansubáaj utia'al u k'aj óoltik u noj méekt'aankaajil Yukataan.

Ichil u méektáankaajil Abala'e' ti' yaan u mejen kaajilo'ob: Cacao, Uayalceh, Mucuyché, Peba, Sihunchén yéetel Temozón.

Ku ya'ala'ale' u k'aaba'e' ti' ku taal ti' le t'aano'ob: Abal yéetel Ja'