Wp/xmm/Famili
- For "Famili" dalang Biologi, pigi lia Famili (biologi) dang
Famili tu satu grup manusia-manusia yang ada tinggal sama-sama, dorang barbage dong pe doi dan Makanan|makanan, dan baku sayang deng baku rawat lei. Famili pe anggota bisa karena dorang basudara (rupa kaka ade) ato taika tali hukum (rupa karena kaweng). Di banya tampa, orang-orang yang dari satu famili punya fam yang sama.
Famili tu masarakat, jadi samua yang ada dalang famili hari-hari tu lebe privat deng intim. Mar biasanya negara punya hukum yang ada baator masala famili, rupa kase larang kaweng deng sudara kandung ato ba-seks deng sudara, terutama tu ade-ade yang masih kacili.
Tipe Famili
[edit | edit source]Ada 3 tipe famili:
- Famili Inti, depe anggota tu ada orang tua deng satu anak ato lebe.
- Famili Satu Orang tua, depe anggota tu sama deng famili inti, mar cuma ada papa ato cuma ada mama jo.
- Famili Basar, depe anggota tu ada orang tua, anak, opa, oma, om, tanta, deng kamanakan. Mar nyanda samua di atas musti ada di sasa famili basar. Banya negara punya tradisi famili basar ada batinggal sama-sama, rupa di Cina deng di India.