Wp/xmm/Manusia

Gambar satu par manusia: satu laki-laki (kiri) dan satu parampuang (kanan).

Manusia tu mahluk hidop yang maso dalang jenis Homo sapiens, yang depe arti 'orang bijak' dalang bahasa Latin. Manusia tu maso jenis primata dari golongan binatang manyusu. Simpanse, gorila, deng orangutan tu binatang-binatang yang paling dekat dong pe ciri-ciri deng manusia.

Manusia tu mahluk sosial, kong dorang biasa tinggal sama-sama supaya dorang bisa baku tolong dan baku jaga kong jadi satu masarakat. Dorang kase rawat dong pe anak-anak.

Lantaran manusia pe ontak pe kompleks dan lebe basar dari primata laeng, dorang bisa pake bahasa for beking pikiran dan kase tunjung prasaan. Manusia nyanda perlu pake tangan for jalang rupa primata laeng, dorang bisa badiri dan bajalang deng dua kaki. Lantaran dong pe tangan bebas dan dong pe ontak kompleks, dorang jadi dapa bikin dan pake alat-alat for beking gampang dong pe karja hari-hari.

Samua manusia pe asal dari Afrika kong dorang pigi kaluar dari sana dan datang tinggal di setiap benua. Pa taung 2022, ada lebe dari 8 miliar manusia ada tinggal di Bumi ini.