Wp/wls/Talalogo
Ko te Talalogo ko he polokolama o te fale lātio mo televisio o 'Uvea mo Futuna 'Uluaki ki te tufaki o te 'u logo o te fenua mo te 'u logo mai tu'a pule'aga ki te kaiga o 'Uvea mo Futuna.
E ko he temi felave'i i te le'o o te lātio e fai tu'a lua i te 'aho fuli i te 'uhu mo te fetapa.
E minuta 10 ape tona loaloa. E fai te talalogo i te lea faka'uvea, i te lea fakafutuna pea i te lea fakafalani.
I te 'afi'afi fuli e fai te talalogo i te televisio i te lea fakafalani pea muli ki ai te talalogo i te lea faka'uvea pe fakafutuna. E minuta 15 ape tona loaloa pea e muli ki ai te fakahā o te agaaga tu'u o te aele.
E i ai te kaiga e fai talalogo mo pea mo 'ihi atu e fai kumi logo pe kae mole fai talalogo i te lātio pe i te televisio.
Kau gaue talalogo mo kumi logo
[edit | edit source]
Koeni te 'u higoa o te 'u fafine mo tagata fai talalogo mo kumi logo o 'Uvea mo Futuna. Ne'e ko te 'uluaki fafine fai talalogo o 'Uvea mo Futuna ko Lusia Kavakava i te ta'u 1979.
| Higoa | Gaue | Talalogo televisio (2023) |
|---|---|---|
| Kavakava, Lusia | Kua mālōlō | |
| Taufana, Soane | Kua mālōlō | |
| Manuopuava, Sosefo | Kua mavae mo tātou | |
| Munikiha'afata, Apitone | Kua mālōlō | |
| Laufilitoga, Malia | Kua mālōlō | |
| Halahigano, Alain | Kua mālōlō | |
| Vakalepu, Soane | Kei gaue | |
| Valugofulu, Mikaele | Kua mavae mo tātou | |
| Siuli, Malia | Kei gaue | I te lea faka'uvea |
| Tu'ugahala, Mikaela | Kei gaue | |
| Moeliku, Kilisitina | Kei gaue | I te lea fakafutuna |
| Moefana, Malia | Kei gaue | |
| Vakalepu, Ana | Kei gaue | I te lea faka'uvea mo te lea fakafalani |
| Kikanoi, Violetta | Kei gaue | |
| Vaivaikava, Telesia | Kei gaue | |
| Hoataau, Lagimaina | Kei gaue | |
| Leleivai, Nasalio | Kua mavae mo tātou | |
| Puakavase Jean-François | Kei gaue | |
| Vaitano'a, Leone | Kei gaue | |
| Iloai, Marie-Jo | Kei gaue | I te lea faka'uvea mo te lea fakafalani |
| Liufau, Lafaela | Kei gaue | I te lea faka'uvea mo te lea fakafalani |
| Maniulua, Malia Fatima | Kei gaue | |
| Hoatau, Sofia | Kei gaue | |
| Pagatele, Malia Fatima | Kei gaue | |
| Sione, Mélodie | Kei gaue | I te lea fakafalani |
| Vili, Seilala | Kei gaue | I te lea fakafalani |
| Moefana, Lotana | Kei gaue |
Hoki fai he tahi pāsina i te Wikimedia ki te Talanoa mo te Filifaiva.