Wp/vmf/Wälâbischâle
 wälâbischâle, dii määrdsôôl haasd wälâbischâlâ, is â bindl fon äschdlâ, hegâhoolds, danâweedl un eenlichâm glôôdsajch aus dinâm hoolds.
Wälâbischâlâ mechd mr majschdens als ôôfajârhoolds, eenlich wiâ schbächdalâ. Dâdsuâ nimd mr iwrichs dsajch aus hoolds mid glôônâm durchmäsâr, hagd des ôôhajdlich ghurds ds'reechd, bindâds dsamâ, sedsds ufânânder un lesd's lang gnuâch hogâ, dasâs aa drugâ un där wärd. Wichdich is diâ greâs, so â bhägle sod neemlich nôôche ins âufâlâuch nâjbasâ. Dsum bindâ nimd mâr majschdens was langs un dins fon dem dsajch sälwâr, den ân schdriig ghefsch doch ned dsum fârbrenâ. Wemmr dan âjbrend, lâjchd mr dsum fajârmachâ ds'undârschd â fârgrumblds dsajdungsbabiir, druf â wälâbischâle, un dôô druf dan diâ eerschdâ hooldsbolâ.
Des wälâbischâlâ-machâ is majschdens â gschäfd fôr dâ grôâsfadr odâr d'grôâsmuâdr, wal diâ ofd nime diâ grafd hen dsum hooldshagâ odâr se besâr ned an d'seechâ nâusodâ, alsâ machâ se sich mim ôôfajârhoolds nidslich.