Wp/vmf/Steggalasfiisch
A Steggalasfiisch — odder a "Gwedlder", wäi ma in Frangng massdns sachd — is a an am Stob grillder Fiisch, a Schbezialidäd asm bayrischen Albenvurland un Ösdreich, däi vur allem in Bäiergärrdn un af Vollgsfesde särvierd wärrd. Miidn troggnedn Stoggfiisch hodd er nix zum dou. Dradidionell wärrd der Steggalasfiisch aus Renggn, Weißfiisch odder Braggsn zubereided, däi wou in örrdliche Seen odder Fliss gfanga worrn sin, heid a as Zuchdfiisch wäi Forelln, Saibling, Magrälln odder andre Seefiisch.
Zur Vurbereidung werrn däi ganzn, asgnummana Fiisch mit anner gräfdichn Marinadn as Öl, Gwörrze un Gnoblauch eigschdrichn un der Läng noch vom Maul her af zirrga 60 cm lange, endrindede Weidenzweich odder gwässerde Hulzstäb gschbießd. Zum Grilln werrn däi Stögg oft asu fesdgmachd, dass si däi Fiisch gopfunder schräch ieber odder neber der Hulzkullnglud befinden. Währnd der Goarzeid solldn däi Fiisch ab un zou miid der Marinadn oder Budder eibinsld werrn, damiid dass däi Haud schäi gnusbrich wärrd.
Seggalasfiisch wärrd asm Babier gessn, in des wou er nochn Grilln eigwiggld worrn is, odder af an Deller servierd. Als Beilooch issd ma zun Beischbill Brezn odder Weggla.
Im Netz
[edit | edit source]