Wp/vmf/Silbersee

From Wikimedia Incubator
< Wp‎ | vmfWp > vmf > Silbersee
Jump to navigation Jump to search


Der Adigl is in Nämbercherisch gschriim.


Der Silbersee im Siedossdn vo Nämberch is a Religd vo der NS-Digdadur un diend heid a Naherholungsgebied. Er is aus der bis heid grässdn Baugruum im Nämbercher Raum endschdandn, dera vom „Deidschn Stadion“, des wou däi Nadionolsozialisdn bland ham. Der Silbersee is schdarg doxisch belasded un ans von däi gifdichsdn un gfährlichsdn Gwässer in Bayan.

Däi Grundschdaalechung fiers gigandische „Deidsche Schdadion“ woar am 7. Juli 1937, däi Ferddichschdellung woar fier 1945 bland. Dorddn häddn däi nadionalsozialisdischn Kampfschbiele un alle künfdichn Olymbischn Summerschbiele schdaddfindn solln. Der vo Albert Speer blande hufeisnförmiche Bau miid riesiche Ausmaße wär 800 Meder lang, 450 Meder brad un ieber 100 Meder houch worn, hädd 405.000 Zouschauer gfassd (zum Vergleich: es Berliner Olymbiaschdadion hodd heid a Fassungsvermöng vo 74.000 Zouschauer) un wär das grässde Schbordschdadion af der Weld worn. Weecha´n Griechsbeginn is des Brojegd obber ned ieber däi Ausschachdung vo der Baugruum nauskumma. Weecha´n houchn Grundwasserschdand im Dudzndeichgebied is a Grundwasserrügghaldung bedriem worn, däi wou obber miid´n End vom Griech eigschdelld worn is. In der Folchezeid is däi riesiche Baugruum miid Grundwasser vullgloffn un es hodd si a hufeisnförmicher See billd.

In däi Nachgriechsjoahr bis 1962 hodd däi Schdadd Nämberch däi Baugruum, däi wou inzwischn a See worn is, als zendrale Bauschudddebonie gnudzd un an Haffn Griechsschudd, Hausmüll, Kampfschdoffe un griddische Indusdrieabfäll glaacherd, was zu anner houchn doxischn Belasdung gfiehrd hodd. Däi idylllische Schdimmung, wou heidzdooch am Silbersee herrschd, is drügerisch und es gülded v.a. weecha der houchn Schweflwasserschdoffbelasdung a schdriggds Badeverbod. Wer maand, dass er des ignoriern ko, mou sein Leichdsinn evenduell deier bezohln. Bis heid sin im bis zu 10 m däifn Silbersee mehr wäi 50 Menschn dersuffn.

Im Nedz[edit]