Wp/vmf/Alddorf

Der Adigl is in Nämbercherisch gschriim.

Alddorf (offiziell: Altdorf bei Nürnberg) is a Schdadd im Landgreis Nämbercher Land in Middlfrangng. Däi Schdadd lichd zirrga 25 km siidösdlich vo Nämberch un hodd zirrga 15.000 Eiwohner.

Alddorf is 1129 zum erschdn Mol urgundli erwähnd worrn und woar als Sids vo der Houchscholl vo der Reichsschdadd Nämberch sugoar Uniwersidädsschdadd. Däi Alddorfer Uniwersidäd is 1575 als Agademie eigweihd und 1622 zur Uniwersidäd erhoom worrn.

Der beganndesde Schdudend woar Albrecht von Wallenstein. Däi Wallnschda-Fesdschbiele, däi wou seid 1894 alle drei Joar im Summer schdaddfindn, erinnern an Wallnschdaa un die Zeid vom Dreißgjährchn Griech. Mehr wäi 1.000 Alddorfer Bürger in hisdorische Gwänder schdelln im hisdorischn Schdaddgerrn ´s middlalderliche Lagerleem nach. Im Huuf vo der ehemolichn Uniwersidäd (Wichernhaus) werrn däi Deaderschdigg „Wallnschdaa“ vo Friedrich Schiller un „Wallnschdaa in Alddorf“ afgfierd.

Vo der ehemolichn Schdaddbefesdichung sin nu drei Dürrm, Deile vo der um 1400 erbauden Schdaddmauer und däi zwa imbosandn Schdadddore am Margdbladz erhaldn.

Im Nedz

http://www.altdorf.de