Wp/tzm/Tifinaɣ

Tasadeft ɣer Kidal, tamdint tatergit n Mali, g tuẓẓumt du massif n Udrar n Ifuɣas. G tesga tazelmaḍt n iselli, tetyara Kidal s isekkilen n tfinaɣ.

Tafelwit n usmal akerḍutlay issmersen yat tunɣilt n tfinaɣ, g Tizi-Uzzu g Leqbayel (Dzayer).

Timlilit ɣef tfinaɣ g tizi n tinawt WikiArabia 2019 g Merrakec.

Tifinaɣ (s tfinaɣ, ⵜⵉⴼⵉⵏⴰⵖ neɣ ⵜⴼⵏⵗ) tga tirra nna ssemrasen imaziɣen g Tefriqt n ugafa g tirra n tutlayt-nnsen, tamaziɣt. Maca ibedda ussemres-nnes g tutlayin timaziɣin n ugafa, maca tekcad temnaḍt tutlayant tatergit (Tanezruft tadzayrit, n Mali, talibit d tnijirit) ar tizwiri n tasut tiss XX dat n wad ssidfen i tikkelt-yaḍen imeɣnasen imẓermaziɣrn n tkadimit tamaziɣt.

Ass-a, ismemmi Umerruk tfinaɣ ig-tt d asekkil n tmaziɣt, igan tutlayt tamaddudt n tmurt seg 2011 (tettusmatu tfinaɣ aha da tettuman g mani illan : timersal, tiswak, tirmisin, atilivisyun, ifarisen n usadur, isafaren, atg.).

Iga awed asekkil ittusemrasen ɣur imaziɣen n ugafa utrim alibi g tirra n tutlayt-nnsen.

Dzayer, nna issudeden tamaziɣt g 2016, tsul tḥiṛ ger tfinaɣ d usekkil alatini d usekkil aɛṛab.

Issen usekkil-a, ittusemman awed asekkil alibi, kigan n tnefliwin seg unetti-nnes ar ass-a. Dɣi, tella yat tunɣilt tamaynut, isem-nnes tifinaɣ tamaynut tekka-d nik tisenfal tizaykutin.