Wp/tzm/Tasnaddadt

Tasnaddadt tga-tt teẓlayt izerrwen tumanin (phénomènes) s tesmuni n isefka, azraw-nnsen, tasleḍt-nnsen, assefru n tyafutin d ugenses-nnsent afad ad ttyikizent ɣur umata. Tga s yat tikkelt tussna teg taɣarast teg yat tegrumma n tetiqniyin. G tmaziɣt, iqqan-d ad nsemzirey ger yirem tasiḍent (zun nenna, tisiḍan ɣef tyafutin n kuṛunavirus) d tesnaddadt nna igan tussna. G tefṛansist da ttinin statistique i tmezwarut inin Statistique i tiss snat.

Tga tesnaddadt ɣur itsen yan yiger seg tusnakt, teg ɣur wiyyaḍ (lumaṛ inguluṣaksunen) yat teẓlayt iẓlin illan beṛṛa i tusnakt, g tgira-a ar tettumu imikk s imikk g uyenna mi nettini wasa tussna n isefka (s tneglizt: Data science). Tla tesnaddadt yan wudem imeẓri d yan wudem amellil (pratique). Iskutty wudem-nnes imeẓri ɣef teẓri n tseqqar, issileɣ aked tmeggarut-a tussniwin n l'aléatoire. Tasnaddadt tamellilt, nettat, da tettusemras ɛalayen g yigran-akkw n umussu anefgan: atwal, l'management, tademsa, tasnudert, tasenselkimt, atg. Da tssemras tesnaddadt kra n ilugan d kra n tɣarasin g tesmuni n isefka, bar ad ttusefrun isefka-a s yat tɣarast inmen, aya da ittawes bahra g uɣtas (décision). Tga twuri n umesnaddad assemhel n wallalen isnaddaden, ya g taɣult tunbizt ya g taɣult tusligt, d ussemres-nnsent g kra n yiger n tmuzayt (expertise) s wudem amatay.

Asala n tguri

Tney tguri tasnaddadt s wusliɣ tasen- nna nessemras i yismawen n tussniwin (s tefṛansist : - logie), d tguri addad.

Amezruy n tesnaddadt

Gerolano Cardano, seg imessersal imezwura n tusnakt n tseqqar