Wp/trp/Smai kwtal

Smai Kwtal wngkha Khristanrokni kwthar bwchap. Khristanrok poito khlaio je Smai Kwtal Phola Kwthar bai twiduljagwi swijakmase.

Chengmung

Smai Kwtalno jora-jorao Kerong Kwtal hwnwibo hwnjago. Omo Grik kok bai teibo kwkwrwkkhe bujiwi mankuganw tamoni hwnkhe Grik kokbaise swijak kwchamkuk manjakmani. Abonose ulrogo Letin koktei Inglish kok hai Iurupni kokbai swnamjago. Smai Kwtalni bwchaprok wngkha kwbangma swinairokbai bisi 45 A.D. ni yagulo tei bisi 140 A.D.ni swkang swijakmanise. O Smai Kwtalno naikhe khristanrokni yaphang-buchuk tei bohrokni poitoni bokhri hwnwi mano.

Smai Kwtalni bwchaprok

Swmai Kwtalo juda-juda kainwichisni bwchaprok tongbaio. Aborokno chwng botwi haikhe khagwi mano:

• Hamthoma wngyakhe Kothoma Kaham, Jisu samung tanglangmani kokno twiwi bwchap kaibrwi.
• Samung, bokhe wngkha Jisuni sagrirok samung tanglangmarokno swijakmani.
• Koktunrok, swkangkuk swijakmani kainwichisa koktunrok je poito khlainairokno bwkha bacharwna bagwi kwbangma swinairokbai swihorjakmani.
• Phunukmung, bokhe Phola Kwthar thinangno phunukhormani kokrokno twiwi swijakmani bwchap.

Bwchaprokni Mung

Smai Kwtalni bisingo bwchap kaithamchitham tongbaio. Bwchaprok wngbaikha:

1. Mathai
2. Mark
3. Luk
4. Johon
5. Samung
6. Rum
7. I Korinth
8. II Korinth
9. Galatia
10. Epis
11. Philipia
12. Kolosai
13. I Thessaloniki
14. II Thessaloniki
15. I Timothi
16. II Timothi
17. Tit
18. Philemon
19. Hibru
20. Jakob
21. I Pitor
22. II Pitor
23. I Johon
24. II Johon
25. III Johon
26. Juda
27. Phunukmung

Thahng di

• Swkang laih (Main page)