Wp/syl/ꠢꠤꠘ꠆ꠖꠥꠍ꠆ꠔꠣꠘ

ꠢꠤꠘ꠆ꠖꠥꠍ꠆ꠔꠣꠘ (ꠚꠣꠞꠍꠤ: هندستان , ꠀꠃꠀꠎ: Hind-us-tân) ꠅꠁꠟ ꠍꠤꠘ꠆ꠗꠥ ꠉꠣꠋꠉꠞ ꠙꠣꠠꠅ ꠉꠠꠤꠀ ꠃꠑꠣ ꠄꠇꠐꠣ ꠙꠥꠞꠣꠘ, ꠞꠥꠍꠝꠤ ꠀꠞ ꠈꠦꠝꠔꠣꠅꠟꠣ ꠝꠥꠟꠇ৷ ꠀꠁꠎꠇꠥꠞ ꠜꠣꠞꠔ, ꠙꠣꠇꠤꠍ꠆ꠔꠣꠘ, ꠛꠣꠋꠟꠣꠖꠦꠡ, ꠜꠥꠐꠣꠘ, ꠝꠣꠟꠖꠤꠙ, ꠝꠣꠄꠀꠘꠝꠣꠞ (ꠛꠥꠞ꠆ꠝꠣ), ꠍꠤꠟꠋꠇꠣ ꠀꠞ ꠕꠥꠞꠣ ꠎꠣꠉꠣ ꠀꠚꠉꠣꠘꠤꠍ꠆ꠔꠣꠘ, ꠘꠦꠙꠣꠟ, ꠝꠣꠟꠄꠡꠤꠀ ꠝꠤꠟꠣꠁꠀ ꠀꠍꠤꠟ ꠢꠤꠘ꠆ꠖꠥꠍ꠆ꠔꠣꠘ৷ ꠖꠥꠘꠤꠀꠞ ꠛꠢꠥꠔ ꠈꠣꠍ ꠃꠖ꠆ꠜꠣꠛꠘ, ꠉꠛꠦꠡꠘꠣ ꠇꠞꠣ ꠅꠁꠔ৷ ꠛꠢꠥꠔ ꠛꠁꠉ꠆ꠉꠣꠘꠤꠇ ꠀꠞ ꠉꠘꠤꠔꠤ ꠀꠛꠤꠡ꠆ꠇꠣꠞ ꠅꠁꠍꠦ ꠁꠘꠧ৷ ꠁꠔꠣ ꠛꠣꠖꠦꠅ ꠞꠥꠍꠝꠤ ꠀꠞ ꠡꠣꠢꠤꠔ꠆ꠔꠤꠇ ꠇꠣꠞꠘꠦꠅ ꠢꠤꠘ꠆ꠖꠥꠍ꠆ꠔꠣꠘ ꠘꠣꠝꠤ ꠀꠍꠤꠟ৷

Alvin J. Johnson'ꠞ ꠛꠤꠐꠤꠡ ꠞꠣꠎ ꠀꠝꠟꠞ ꠢꠤꠘ꠆ꠖꠥꠍ꠆ꠔꠣꠘ'ꠞ ꠘꠇꠡꠣ, 1864

ꠢꠤꠘ꠆ꠖꠥꠍ꠆ꠔꠣꠘ ꠡꠥꠝꠣꠞ

ꠢꠤꠘ꠆ꠖꠥꠍ꠆ꠔꠣꠘ ꠜꠣꠋꠉꠤꠀ ꠅꠘꠦ ꠘꠄꠈꠣꠘ ꠖꠦꠡ ꠅꠁꠍꠦ৷ ꠁ ꠢꠇꠟ ꠖꠦꠡꠣꠁꠘ ꠝꠤꠟꠤꠀ ꠢꠤꠘ꠆ꠖꠥꠍ꠆ꠔꠣꠘ'ꠞ-

ꠝꠥꠐ ꠝꠣꠘꠥ ꠡꠁꠋꠈꠣ ꠅꠁꠟ: 1.9 ꠛꠤꠟꠤꠅꠘ৷ 

ꠝꠣꠁꠘꠡꠦꠞ ꠎꠥꠛꠣꠘ: ꠀꠡꠣꠝꠤ, ꠛꠣꠋꠟꠣ, ꠢꠤꠘ꠆ꠖꠤ, ꠃꠞꠖꠥ, ꠙꠣꠘ꠆ꠎꠣꠛꠤ, ꠍꠤꠘ꠆ꠗꠤ, ꠉꠥꠎꠞꠣꠐꠤ, ꠇꠣꠡꠝꠦꠞꠤ, ꠝꠣꠞꠣꠑꠤ, ꠘꠦꠙꠣꠟꠤ, ꠃꠠꠤꠀ, ꠡꠋꠍ꠆ꠇꠤꠔ, ꠍꠤꠋꠢꠟꠣ, ꠔꠣꠝꠤꠟ, ꠔꠦꠟꠦꠉꠥ, ꠀꠋꠞꠦꠎꠤ, ꠀꠞꠛꠤ, ꠛꠞ꠆ꠝꠤ, ꠞꠥꠢꠤꠋꠉꠣ, ꠏꠋꠈꠣ, ꠗꠤꠛꠦꠢꠤ, ꠌꠣꠐꠉꠣꠁꠀ, ꠍꠤꠟꠐꠤ, ꠔꠤꠙꠥꠞꠤ, ꠏꠣꠠꠈꠘ꠆ꠒꠤ ꠀꠞꠧ ꠛꠢꠥꠔ...

ꠗꠞꠝ: ꠢꠤꠘ꠆ꠖꠥꠍꠔꠣꠘ ꠡꠘꠣꠔꠘ ꠗꠞꠝꠞ ꠝꠣꠘꠥ ꠛꠦꠡꠤ৷ ꠀꠞ ꠔꠣꠞ ꠛꠣꠖꠦ ꠁꠍꠟꠣꠝ ꠛꠠ, ꠔꠣꠞ ꠛꠣꠖꠦ ꠛꠥꠖ꠆ꠗ, ꠈꠤꠡ꠆ꠐꠣꠘ, ꠡꠤꠈ ꠀꠞ ꠎꠂꠘ ꠗꠞꠝꠞ ꠝꠣꠘꠥ ꠀꠍꠁꠘ ꠁ ꠅꠘꠌꠁꠟꠧ৷

ꠢꠤꠘ꠆ꠖꠥꠍ꠆ꠔꠣꠘ'ꠞ ꠞꠣꠎ

ꠢꠤꠘ꠆ꠖꠥꠍ꠆ꠔꠣꠘ ꠜꠣꠋꠉꠤꠀ ꠅꠘꠦ ꠘꠄꠈꠣꠘ ꠘꠄꠀ ꠖꠦꠡ ꠅꠁꠍꠦ৷ ꠔꠣꠞ ꠀꠉꠦ ꠢꠣꠞꠣ ꠖꠥꠘꠤꠀꠞ ꠝꠣꠟ-ꠗꠘ ꠀꠁꠔ ꠢꠤꠘꠖꠥꠍ꠆ꠔꠣꠘ৷ ꠢꠣꠞꠣ ꠖꠥꠘꠤꠀꠞ ꠛꠦꠛꠡꠣ-ꠔꠤꠎꠣꠞꠔꠞ ꠝꠥꠟ ꠍꠥꠞꠁ ꠀꠍꠤꠞ ꠢꠤꠘ꠆ꠖꠥꠍ꠆ꠔꠣꠘꠞ ꠀꠔꠅ! ꠀꠉꠦ ꠖꠥꠘꠤꠀꠁꠞ ꠝꠥꠟ ꠐꠦꠇꠣ ꠀꠁꠔ ꠇꠣꠚꠠꠞ ꠔꠣꠇꠤ৷ ꠁ ꠡꠝꠄ ꠔꠥꠞ꠆ꠇꠤ ꠅꠁꠘ꠆ꠌꠟ ꠇꠣꠚꠠ ꠛꠣꠘꠣꠁꠔ, ꠅꠔꠣꠞ ꠟꠣꠉꠤ ꠖꠥꠘꠤꠀꠞ ꠜꠣꠘ꠆ꠒꠣꠞ ꠀꠁꠔ ꠄꠞꠣꠞ ꠐꠣꠁ! ꠀꠞ ꠇꠣꠚꠠ ꠛꠣꠘꠣꠘꠤꠞ ꠚꠥꠔꠣ ꠍꠣꠙ꠆ꠟꠣꠁ ꠖꠤꠔ ꠢꠤꠘ꠆ꠖꠥꠍ꠆ꠔꠣꠘ৷ ꠅꠔꠣꠞ ꠟꠣꠉꠤ ꠢꠣꠞꠣ ꠖꠥꠘꠤꠀꠞ ꠢꠇꠟ ꠞꠣꠎꠣ-ꠛꠣꠖꠡꠣ-ꠍꠥꠟꠔꠣꠘ ꠅꠇꠟꠃ ꠌꠣꠁꠍꠁꠘ ꠢꠤꠘ꠆ꠖꠥꠍ꠆ꠔꠣꠘ ꠀꠔ ꠇꠞꠔꠣ৷ ꠁ ꠞꠥꠍꠝꠦ ꠏꠦ ꠞꠣꠎꠅꠇꠟꠦ ꠢꠤꠘ꠆ꠖꠥꠍ꠆ꠔꠣꠘꠅ ꠞꠣꠎ ꠇꠞꠍꠁꠘ ꠄꠞꠣ ꠅꠁꠟꠣ-