Wp/syl/ꠛꠣꠋꠟꠣ ꠜꠣꠡꠣ ꠀꠘ꠆ꠖꠥꠟꠘ

From Wikimedia Incubator
< Wp‎ | syl
Wp > syl > ꠛꠣꠋꠟꠣ ꠜꠣꠡꠣ ꠀꠘ꠆ꠖꠥꠟꠘ
ꠛꠣꠋꠟꠣ ꠜꠣꠡꠣ ꠀꠘ꠆ꠖꠥꠟꠘ
political movement
Nameꠛꠣꠋꠟꠣ ꠜꠣꠡꠣ ꠀꠘ꠆ꠖꠥꠟꠘ, বাংলা ভাষা আন্দোলন, بنگالی زبان کی تحریک, Bengali language movement ꠟꠦꠈ
CountryPakistan ꠟꠦꠈ
Located in the administrative territorial entityEast Pakistan ꠟꠦꠈ
Coordinate location23°43′59″N 90°23′28″E ꠟꠦꠈ
Map

ꠛꠣꠋꠟꠣ ꠜꠣꠡꠣ ꠀꠘ꠆ꠖꠥꠟꠘ /baŋla baʃa and̪ulɔn/ ꠀꠞꠘꠣꠄ ꠛꠣꠋꠉꠣꠟꠣ ꠜꠣꠡꠣ ꠀꠘ꠆ꠖꠥꠟꠘ /baŋala baʃa and̪ulɔn/ l9bV ꠔꠘꠦ l9☽d ꠚꠞ꠆ꠏꠘ꠆ꠔ ꠚꠥꠛꠞ ꠛꠣꠋꠟꠣꠔ (ꠅꠈꠘꠇꠥꠞ ꠛꠣꠋꠟꠣꠖꠦꠡ) ꠅꠃꠀ ꠄꠈꠐꠣ ꠡꠣꠋꠁꠍꠇ꠆ꠞꠤꠔꠤꠇ ꠀꠞ ꠞꠣꠎꠘꠂꠔꠤꠇ ꠀꠘ꠆ꠖꠥꠟꠘ ꠀꠍꠤꠟ ⁕ ꠝꠃꠟꠤꠇ ꠅꠗꠤꠇꠣꠞ ꠐꠤꠇꠣꠁꠀ ꠞꠣꠈꠣꠞꠖꠣꠄ ꠛꠣꠋꠟꠣ ꠏꠛꠣꠘꠞꠦ ꠟꠂꠀ ꠁ ꠀꠘ꠆ꠖꠥꠟꠘꠞ ꠟꠣꠉꠤ ꠢꠃꠡꠝꠄꠇꠥꠞ ꠚꠣꠇꠤꠍꠔꠣꠘꠞ ꠅꠁꠘ꠆ꠘꠔꠝ ꠞꠣꠡꠐꠜꠣꠡꠣ ꠈꠞꠣꠞ ꠟꠣꠉꠤ ꠉꠘꠖꠣꠛꠤ ꠔꠥꠟꠣ ꠅꠁꠍ꠆ꠟ ⁕ l9☽Γ ꠡꠣꠟꠞ Γl ꠚꠦꠛꠥꠀꠞꠤꠔ ꠁ ꠀꠘ꠆ꠖꠥꠟꠘ ꠀꠡꠟ ꠞꠥꠚ ꠘꠤꠟꠦꠅ ꠝꠥꠟꠔ ꠁꠇꠐꠣ ꠛꠃꠔ ꠀꠉꠦ ꠡꠥꠞꠥ ꠅꠁꠍ꠆ꠟ ꠨ ꠀꠞꠛꠣꠄ ꠁꠉꠥꠞ ꠚꠔꠤꠇ꠆ꠞꠤꠀ ꠀꠞ ꠚꠟ ꠀꠍ꠆ꠟ ꠡꠥꠖꠥꠞꠚꠡꠣꠞꠤ ⁕[1]

l9bV ꠡꠣꠟ ꠖꠥꠁꠎꠣꠔꠤ ꠔꠔ꠆ꠔꠞ ꠜꠤꠔ꠆ꠔꠤꠔꠦ ꠛꠤꠐꠤꠡ ꠜꠣꠞꠔ ꠜꠣꠋꠉꠤꠀ ꠖꠥꠁꠐꠣ ꠡꠣꠗꠤꠘ ꠖꠦꠡ ꠨ ꠚꠣꠇꠤꠍꠔꠣꠘ ꠅꠗꠤꠞꠣꠁꠎ꠆ꠎ ꠀꠞ ꠜꠣꠞꠔ ꠅꠗꠤꠞꠣꠁꠎ꠆ꠎꠞ ꠎꠘ꠆ꠝ ꠅꠄ ⁕ ꠚꠣꠇꠤꠍꠔꠣꠘꠞ ꠀꠍꠤꠟ ꠖꠥꠁꠐꠣ ꠅꠋꠡ: ꠚꠥꠛꠞ ꠛꠣꠋꠟꠣ (l9☽☽ ꠡꠣꠟ ꠘꠄꠀ ꠘꠣꠝ ꠅꠄ ꠚꠥꠛꠞ ꠚꠣꠇꠤꠍꠔꠣꠘ) ꠀꠞ ꠚꠌ꠆ꠌꠤꠝ ꠚꠣꠇꠤꠍꠔꠣꠘ ⁕ ꠙ꠆ꠞꠣꠄ ꠖꠥꠁ ꠀꠎꠣꠞ ꠇꠤꠟꠥꠝꠤꠐꠣꠞ ꠖꠥꠞꠂ ꠕꠣꠈꠣ ꠚꠣꠇꠤꠍꠔꠣꠘꠞ ꠖꠄꠅ ꠅꠋꠡꠞ ꠝꠣꠏꠦ ꠡꠋꠁꠍꠇ꠆ꠞꠤꠔꠤꠉꠔ ꠨ ꠜꠃꠉꠟꠤꠇ ꠀꠞ ꠝꠣꠔꠈꠕꠣꠞ ꠛꠃꠔ ꠛꠦꠡꠈꠝ ꠀꠍꠤꠟ ⁕ l9b8 ꠡꠣꠟ ꠚꠣꠇꠤꠍꠔꠣꠘ ꠅꠗꠤꠞꠣꠁꠎ꠆ꠎꠞ ꠡꠞꠈꠣꠞꠦ ꠈꠂꠍꠤꠟ ꠨ ꠃꠞ꠆ꠖꠥ ꠀꠞ ꠀꠋꠞꠦꠎꠤ ꠅꠁꠛ ꠚꠣꠇꠤꠍꠔꠣꠘꠞ ꠞꠣꠡꠐꠜꠣꠡꠣ ⁕ ꠁ ꠈꠕꠣ ꠢꠥꠘꠤꠀ ꠚꠥꠛꠞ ꠛꠣꠋꠟꠣꠔ ꠕꠣꠇꠣ ꠛꠣꠋꠟꠣꠝꠣꠔꠞꠣ ꠅꠈꠟ ꠏꠦ ꠛꠦꠏꠣꠞ ꠅꠁꠘ ꠀꠞ ꠔꠣꠞꠣꠞ ꠝꠣꠏꠦ ꠔꠤꠇ ꠢꠣꠝꠣꠁꠏꠣꠄ ⁕ ꠀꠈꠔꠣ ꠗꠞꠤ ꠨ ꠛꠦꠁꠘꠡꠣꠚꠤ ꠁ ꠈꠕꠣ ꠢꠥꠘꠤꠀ ꠚꠥꠛꠞ ꠛꠣꠋꠟꠣꠝꠣꠔꠞꠣ ꠝꠣꠘꠥꠡ ꠅꠈꠟꠦ ꠝꠣꠘꠤꠀ ꠔ ꠚꠣꠞꠍꠂꠘ ꠘꠣ ꠨ ꠄꠝꠘꠇꠤ ꠝꠣꠘꠡꠤꠇ ꠔꠂꠀꠞ ꠅ ꠀꠍꠟꠣ ꠘꠣ ⁕ ꠅꠔꠣꠞꠖꠣꠄ ꠨ ꠛꠣꠋꠟꠣ ꠏꠛꠣꠘꠞ ꠡꠝꠣꠘ ꠝꠞꠏꠣꠖꠣꠞ ꠖꠣꠛꠤꠄ ꠙꠥꠛꠞ ꠛꠣꠋꠟꠣꠔ ꠅ ꠀꠘ꠆ꠖꠥꠟꠘ ꠚꠐ ꠈꠞꠤ ꠍꠤꠔ꠆ꠞꠤ ꠏꠣꠄ ⁕[2]

l9☽Γ ꠡꠣꠟꠧꠞ Γl ꠚꠦꠛꠥꠀꠞꠤ (8 ꠚꠣꠟꠉꠥꠘ l৩☽8) ꠁ ꠀꠖꠦꠡ ꠘꠣ ꠝꠣꠘꠤꠀ ꠓꠣꠇꠣ ꠛꠤꠡꠡꠛꠤꠖ꠆ꠖꠣꠟꠄ ꠅꠞ ꠛꠃꠔ ꠍꠣꠔ꠆ꠞ ꠀꠞ ꠙ꠆ꠞꠉꠔꠤꠡꠤꠟ ꠔꠥꠞꠣ ꠞꠣꠎꠘꠂꠔꠤꠇ ꠇꠞꠝꠤ ꠅꠈꠟ ꠝꠤꠟꠤꠀ ꠛꠤꠇꠇꠥꠜ ꠝꠤꠍꠤꠟ ꠀꠞꠝ꠆ꠜ ꠇꠞꠍꠤꠟꠣ ⁕ ꠝꠤꠍꠤꠟ ꠏꠦꠁꠔ ꠓꠣꠇꠣ ꠝꠦꠒꠤꠇꠦꠟ ꠇꠟꠦꠎꠧꠞ ꠈꠣꠘ꠆ꠖꠣꠔ ꠀꠄ ꠨ ꠢꠃ ꠡꠝꠄ ꠙꠥꠟꠤꠡ lbb ꠗꠣꠞꠣ ꠘꠣ ꠝꠣꠘꠣꠞ ꠅꠎꠥꠀꠔ ꠖꠦꠈꠣꠁꠀ ꠔꠣꠞꠣꠞ ꠃꠙꠞꠦ ꠉꠥꠟ꠆ꠟꠤ ꠇꠞꠦ ⁕ ꠉꠥꠟ꠆ꠟꠤ ꠈꠣꠁꠀ ꠛꠣꠖꠣꠝꠔꠟꠤ ꠇꠝꠣꠞꠡꠤꠀꠟ ꠙ꠆ꠞꠦꠍꠧꠞ ꠝꠣꠟꠤꠇꠧꠞ ꠚꠥꠀ ꠞꠚꠤꠇ ꠨ ꠍꠣꠟꠣꠝ ꠨ ꠄꠝ ꠄ-ꠞ ꠍꠣꠔ꠆ꠞ ꠛꠞꠇꠔ ꠅ ꠀꠛ꠆ꠖꠥꠟ ꠎꠛ꠆ꠛꠣꠞ ꠡꠢ ꠛꠃꠔ ꠝꠣꠞꠣ ꠏꠣꠁꠘ ⁕ ꠀꠞꠧ lV ꠉꠥ ꠍꠣꠔ꠆ꠞ-ꠚꠥꠀꠁꠘ ꠀꠢꠔ ꠅꠁꠘ ⁕ ꠁ ꠊꠐꠘꠣꠄ ꠢꠣꠞꠤ ꠙꠥꠛꠧꠞ ꠛꠣꠋꠟꠣꠔ ꠘꠥ ꠀꠘ꠆ꠖꠥꠟꠘ ꠍꠤꠔ꠆ꠞꠤ ꠏꠣꠄ ⁕ Γl ꠚꠦꠛꠥꠀꠞꠤꠞ ꠍꠣꠔ꠆ꠞ ꠢꠔꠔꠣꠞ ꠙ꠆ꠞꠔꠤꠛꠣꠖꠦ ꠢꠣꠞꠣ ꠖꠦꠡꠧꠞ ꠝꠣꠘꠥꠡ ꠛꠤꠉꠞꠤ ꠏꠣꠄ ⁕ ΓΓ ꠀꠞ Γ৩ ꠚꠦꠛꠥꠀꠞꠤ ꠍꠣꠔ꠆ꠞ ꠨ ꠡ꠆ꠞꠝꠤꠇ ꠨ ꠡꠣꠁꠔꠔꠤꠇ ꠨ ꠛꠥꠖꠤꠎꠤꠛꠤ ꠨ ꠝꠣꠡꠐꠞ ꠀꠞ ꠡꠣꠣꠞꠘ ꠝꠣꠘꠥꠡ ꠅꠈꠟ ꠅꠞꠔꠣꠟ ꠙꠣꠟꠘ ꠇꠞꠦ ꠀꠞ ꠡꠜꠣ-ꠡꠥꠜꠣꠏꠣꠔ꠆ꠞꠣ ꠟꠂꠀ lbb ꠗꠣꠞꠣ ꠜꠋꠉ ꠇꠞꠦ ⁕ ΓΓ ꠚꠦꠛꠥꠀꠞꠤ ꠙꠥꠟꠤꠡꠧꠞ ꠉꠥꠟ꠆ꠟꠤ ꠈꠣꠁꠀ ꠝꠣꠞꠣ ꠏꠣꠁꠘ ꠡꠚꠤꠃꠞ ꠞꠢꠝꠣꠘ ꠡꠚꠤꠇ ꠨ ꠞꠤꠡꠇꠣꠞ ꠒꠣꠁꠜꠣꠞ ꠀꠃꠣꠟ ꠀꠞ ꠄꠇ ꠇꠤꠡꠥꠞ ꠚꠥꠀ ⁕ Γ৩ ꠚꠦꠛꠥꠀꠞꠤ ꠚꠥꠟꠛꠣꠠꠤꠀꠔꠧ ꠍꠣꠔ꠆ꠞ-ꠎꠘꠔꠣꠞ ꠝꠤꠍꠤꠟꠧ ꠙꠥꠟꠤꠡꠦ ꠅꠁꠔꠔꠣꠍꠣꠞ ꠇꠞꠦ ⁕ ꠁ ꠘꠤꠞꠟꠎ꠆ꠎ ꠨ ꠙꠣꠡꠛꠤꠇ ꠙꠥꠟꠤꠡꠧꠞ ꠢꠣꠝꠟꠣꠞ ꠙ꠆ꠞꠔꠤꠛꠣꠖꠦ ꠡꠋꠡꠖꠤꠅ ꠖꠟ ꠕꠘꠦ ꠝꠥꠍꠟꠤꠝ ꠟꠤꠉ ꠢꠃꠖꠤꠘꠧ ꠙꠖꠔꠦꠉ ꠇꠞꠦ ⁕ ꠜꠣꠡꠣ ꠀꠘ꠆ꠖꠥꠟꠘꠧꠞ ꠍꠤꠔꠤꠞꠦ ꠝꠘꠧ ꠞꠣꠈꠣꠞ ꠟꠣꠉꠤ ꠟꠉꠟꠉ ꠅꠃ ꠓꠣꠇꠣ ꠝꠦꠒꠤꠇꠦꠟ ꠇꠟꠦꠎ ꠢꠥꠍꠐꠦꠟꠧꠞ ꠡꠣꠝꠘꠦ ꠍꠣꠔ꠆ꠞꠁꠘꠔꠦ ꠝꠤꠟꠤ ꠡꠁꠖ ꠝꠤꠘꠣꠞ ꠛꠣꠘꠣꠄ ꠨ ꠏꠦꠈꠐꠣ Γb ꠚꠦꠛꠥꠀꠞꠤ ꠡꠚꠤꠃꠞ ꠞꠢꠝꠣꠘꠧꠞ ꠀꠛ꠆ꠛꠣꠄ ꠃꠖ꠆ꠛꠖꠘ ꠇꠞꠂꠘ ⁕ Γd ꠚꠦꠛꠥꠀꠞꠤ ꠡꠁꠖ ꠝꠤꠘꠣꠞꠧꠞ ꠀꠘꠥꠡꠑꠣꠘꠤꠇ ꠃꠖ꠆ꠛꠖꠘ ꠇꠞꠂꠘ ꠖꠂꠘꠤꠇ ꠀꠎꠣꠖ ꠙꠔ꠆ꠞꠤꠇꠣꠞ ꠡꠝ꠆ꠙꠣꠖꠇ ꠀꠛꠥꠟ ꠇꠣꠟꠣꠝ ꠡꠣꠝꠍꠥꠖ꠆ꠖꠤꠘ ⁕[3][4][5]

ꠌꠟꠔꠦ ꠕꠣꠇꠣ ꠁ ꠉꠘꠀꠘ꠆ꠖꠥꠟꠘꠧꠞ ꠖꠣꠄ ꠙꠣꠇꠤꠍꠔꠣꠘꠧꠞ ꠇꠦꠘꠖ꠆ꠞꠤꠅ ꠡꠞꠇꠣꠞ ꠘꠔꠤ ꠡꠤꠇꠣꠞ ꠇꠞꠣꠞꠔ ꠢꠦꠡ ꠙꠞꠏꠘ꠆ꠔ ꠛꠣꠁꠖꠖ ꠅꠄ ꠀꠞ l9☽b ꠡꠣꠟꠧꠞ Vꠝꠦ ꠙꠣꠇꠤꠍꠔꠣꠘꠧꠞ ꠉꠘꠙꠞꠤꠡꠧꠖ ꠛꠣꠋꠟꠣ ꠅꠁꠘ꠆ꠘꠔꠝ ꠞꠣꠡꠐ꠆ꠔꠣꠡꠣꠞ ꠢꠤꠡꠣꠛꠦ ꠉꠤꠢꠤꠔ ꠅꠄ ⁕ l9☽d ꠡꠣꠟꠧ ꠙꠣꠇꠤꠍꠔꠣꠘꠧꠞ ꠙꠄꠟꠣ ꠡꠋꠛꠤꠗꠣꠘ ꠛꠣꠞꠘꠤꠞ ꠡꠝꠄ Γl8 ꠟꠝ꠆ꠛꠞ ꠅꠘꠥꠌꠍꠦꠖꠧ ꠛꠣꠋꠟꠣ ꠀꠞ ꠃꠞꠖꠥꠞꠦ ꠙꠣꠇꠤꠍꠔꠣꠘꠧꠞ ꠞꠣꠡꠐ꠆ꠔꠣꠡꠣ ꠈꠃꠀ ꠅꠄ ⁕ l9Vl ꠡꠣꠟꠧ ꠛꠣꠋꠟꠣꠖꠦꠡ ꠡꠣꠗꠤꠘ ꠅꠁꠟꠦ ꠄꠇꠝꠣꠔ꠆ꠞ ꠞꠣꠡꠐ꠆ꠔꠣꠡꠣ ꠈꠣꠟꠤ ꠛꠣꠋꠟꠣꠞꠦ ꠇꠞꠣ ꠅꠄ ⁕ ꠢꠈꠟ꠆ꠛꠣꠄ ꠛꠣꠋꠟꠣ ꠜꠣꠡꠣꠞ ꠛꠦꠛꠀꠞ ꠘꠤꠡꠌꠤꠔ ꠇꠞꠣꠞ ꠟꠣꠉꠤ ꠛꠣꠋꠟꠣꠖꠦꠡ ꠡꠞꠇꠣꠞ l98V ꠡꠣꠟꠧ ꠛꠣꠋꠟꠣ ꠜꠣꠡꠣ ꠙ꠆ꠞꠌꠟꠘ ꠀꠁꠘ ꠎꠣꠞꠤ ꠇꠞꠍꠤꠟ ⁕ l999 ꠡꠣꠟꠧꠞ lV ꠚꠦꠛꠥꠀꠞꠤ ꠁꠃꠘꠦꠍꠇꠧ ꠛꠣꠋꠟꠣ ꠜꠣꠡꠣ ꠀꠘ꠆ꠖꠥꠟꠘ ꠨ ꠝꠣꠁꠘꠡꠧꠞ ꠎꠛꠣꠘ ꠀꠞ ꠇꠤꠡꠐꠤꠞ ꠅꠗꠤꠇꠣꠞꠞꠦ ꠡꠝꠝꠣꠘ ꠎꠣꠘꠣꠁꠀ Γl ꠚꠦꠛꠥꠀꠞꠤꠞꠦ ꠀꠘꠔꠞꠎꠣꠔꠤꠇ ꠝꠣꠁꠞꠜꠣꠡꠣ ꠊꠥꠡꠘꠣ ꠇꠞꠦ ⁕[6][7]

ꠃꠎꠎꠣꠙꠘ[edit | edit source]

l9☽৩ ꠡꠣꠟ ꠕꠣꠇꠤ ꠚꠞꠔꠦꠇ ꠛꠍꠞ Γl ꠚꠦꠛꠥꠀꠞꠤꠔ ꠝꠢꠣꠘ ꠜꠣꠡꠣ ꠀꠘ꠆ꠖꠥꠟꠘꠧꠞ ꠡꠁꠖ ꠅꠈꠟꠧꠞ ꠡꠤꠔꠤꠞꠦ ꠡꠝꠝꠣꠘ ꠇꠞꠤꠀ ꠔꠣꠞꠣꠞꠦ ꠏꠦ ꠍꠖꠖꠣ ꠎꠣꠘꠣꠘꠤ ꠅꠄ ⁕ ꠁꠖꠤꠘ ꠛꠤꠀꠘꠔꠥꠛꠣꠟꠣ ꠢꠈꠟꠎꠣꠔꠧꠞ ꠝꠣꠘꠥꠡ ꠅꠈꠟꠦ ꠙ꠆ꠞꠜꠣꠔꠚꠦꠞꠤꠔ ꠅꠋꠡ ꠘꠤꠀ ꠡꠁꠖ ꠝꠤꠘꠣꠞꠧ ꠉꠤꠀ ꠡꠖꠖꠣ ꠘꠤꠛꠦꠖꠘ ꠀꠞ ꠚꠥꠟ ꠖꠦꠁꠘ ⁕ l9Vl ꠡꠣꠟꠧ ꠛꠣꠋꠟꠣꠖꠦꠡ ꠅꠁꠛꠣꠞ ꠛꠣꠖ ꠕꠣꠇꠤ ꠁꠖꠤꠘꠞꠦ ꠇꠥꠘꠥꠛꠣꠟꠣ ꠎꠣꠔꠤꠅ ꠡꠥꠇ ꠖꠤꠛꠡ ꠨ ꠇꠥꠘꠥꠛꠣꠟꠣ ꠎꠣꠔꠤꠅ ꠡꠁꠖ ꠖꠤꠛꠡ ꠢꠤꠡꠣꠛꠦ ꠞꠣꠡꠐꠤꠅꠜꠣꠛꠦ ꠃꠎꠎꠣꠙꠘ ꠇꠞꠣ ꠅꠞ ⁕ Γ00l ꠡꠣꠟ ꠔꠘꠦ ꠁꠖꠤꠘꠐꠣ ꠃꠎꠎꠣꠙꠘ ꠇꠞꠣ ꠅꠞ ꠀꠘꠔꠞꠎꠣꠔꠤꠇ ꠝꠣꠁꠞꠜꠣꠡꠣ ꠖꠤꠛꠡ ꠢꠤꠡꠣꠛꠦ ⁕ ꠛꠣꠋꠟꠣꠖꠦꠡ ꠡꠞꠇꠣꠞꠦ ꠛꠣꠋꠟꠣ ꠜꠣꠡꠣ ꠀꠘ꠆ꠖꠥꠟꠘꠞꠦ ꠊꠤꠞꠤꠀ ꠛꠤꠡꠤꠡꠐ ꠝꠣꠘꠥꠡ ꠅꠈꠟꠞꠦ ꠄꠇꠥꠡꠦ ꠙꠖꠇ ꠖꠦꠁꠘ ⁕ ꠁ ꠖꠤꠘꠞ ꠊꠑꠘꠣꠞ ꠃꠙꠞꠦ ꠡꠝ꠆ꠝꠣꠘ ꠞꠣꠈꠤꠀ ꠅꠃ ꠘꠣꠝꠦ ꠘꠣꠝꠦ ꠘꠣꠝ ꠞꠣꠈꠣ ꠅꠁꠍꠦ ꠀꠘꠣꠡꠞꠇꠣꠞꠤ ꠐꠦꠟꠤꠜꠤꠡꠘ ꠌꠦꠘꠦꠟ ꠄꠇꠥꠡꠦ ꠐꠦꠟꠤꠜꠤꠡꠘ ꠅꠞ ⁕[8]

ꠟꠇ[edit source]

  1. Al Helal, Bashir (2012). "Language Movement". In Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh. Archived from the original on 7 March 2016.
  2. Jabeen, Mussarat; Chandio, Amir Ali; Qasim, Zarina (2010). "Language Controversy: Impacts on National Politics and Secession of East Pakistan". South Asian Studies: A Research Journal of South Asian Studies. 25 (1): 99–124.
  3. James, Michael (11 March 1952). "RED DANGER SEEN IN EAST PAKISTAN: Bengal Premier Foresees New Trouble, Though Recent Outbreaks Were Curbed". New York Times. ProQuest 112392067
  4. পূর্ব বাংলার ভাষা আন্দোলন ও তৎকালীন রাজনীতি, (East Bengal language movement and contemporary politics) Volume III, Badruddin Umar, 1972, page 316-317
  5. Al Helal, Bashir (2012). "Language Movement". In Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh. Archived from the original on 7 March 2016.
  6. Glassie, Henry and Mahmud, Feroz.2008.Living Traditions. Cultural Survey of Bangladesh Series-II. Asiatic Society of Bangladesh. Dhaka. International Mother Language Day.
  7. "International Mother Language Day – Background and Adoption of the Resolution". Government of Bangladesh. Archived from the original on 20 May 2007. Retrieved 21 June 2007.
  8. Chowdhury, Afsan (1999). "Move over BTV". Himal Magazine. Retrieved 25 September 2022.

ꠀꠞꠧ ꠖꠦꠈꠂꠘ[edit source]

ꠕꠥꠇꠣꠘꠤ[edit source]

This is an open test wiki of the Wikimedia Incubator. You can search for other projects in Sylheti language: Sylheti Wikipedia · Sylheti Wiktionary · Sylheti Wikibooks · Sylheti Wikinews · Sylheti Wikiquote · Sylheti Wikivoyage · Sylheti Wikisource · Sylheti Wikiversity