Wp/syl/ꠀꠟꠣ ꠜꠣꠔ
ꠀꠟꠣ ꠜꠣꠔ ꠛꠣ ꠀꠔꠚ ꠍꠣꠃꠟꠞ ꠜꠣꠔ ꠅꠁꠟꠧ ꠉꠤꠀ ꠜꠣꠔꠞ ꠄꠈꠐꠣ ꠎꠣꠔ ꠎꠦꠉꠥ ꠇꠤꠍꠥꠐꠣ ꠟꠣꠐꠣꠟꠣꠐꠣ ꠀꠞ ꠝꠎꠣꠖꠣꠞ ⁕ ꠁ ꠜꠣꠔ ꠜꠤꠄꠔꠘꠣꠝ, ꠚꠤꠟꠤꠙꠣꠁꠘ, ꠌꠤꠘ, ꠇꠥꠞꠤꠀ, ꠎꠣꠙꠣꠘꠡꠢ ꠚꠥꠛꠧꠞ ꠅ ꠖꠇ꠆ꠇꠤꠘ-ꠚꠥꠛ ꠄꠡꠤꠀꠞ ꠙ꠆ꠞꠣꠄ ꠡꠛ ꠖꠦꠡꠣꠁꠘ꠆ꠔꠞ ꠝꠣꠘꠡꠦ ꠈꠣꠄ ⁕ ꠖꠥꠁ ꠇꠤꠍꠤꠝꠧꠞ ꠍꠣꠃꠟ ꠛꠋꠉꠧꠞ ꠝꠣꠏꠦ ꠍꠣꠟꠥ ꠀꠍꠦ- ꠃꠘꠣ ꠛꠣ ꠡꠤꠖ꠆ꠖ ꠀꠞ ꠀꠟꠣ ꠛꠣ ꠀꠔꠚ ꠍꠣꠃꠟ ⁕ ꠔꠄ ꠛꠦꠡꠤꠞꠜꠣꠉ ꠛꠣꠋꠟꠣꠖꠦꠡꠤꠘ꠆ꠔꠦ ꠃꠘꠣ ꠜꠣꠔ ꠈꠣꠘꠤꠔ ꠅꠛ꠆ꠛꠍ꠆ꠔ, ꠎꠦꠈꠣꠘꠧ ꠈꠣꠟꠤ ꠍꠤꠐꠣꠉꠣꠋꠉꠤꠀ ꠀꠞ ꠍꠤꠟꠐꠤ ꠞꠘ꠆ꠗꠘꠡꠂꠟꠤꠔ ꠀꠔꠚ ꠍꠣꠃꠟꠧꠞ ꠜꠣꠔ ꠡꠛꠍꠣꠁꠔꠦ ꠚꠍꠘ꠆ꠖꠞ ⁕ ꠛꠣꠋꠟꠣꠖꠦꠡꠤ ꠞꠘ꠆ꠗꠘꠡꠂꠟꠤꠔ ꠚꠃꠡ ꠚꠣꠞ꠆ꠛꠘꠧ ꠝꠥꠟꠔ ꠀꠔꠛ ꠛꠣ ꠊꠦꠞꠣꠘꠣꠟꠣ ꠍꠣꠃꠟ ꠚꠤꠑꠣ−ꠙꠣꠄꠡꠧ ꠛꠦꠛꠀꠞ ꠅꠄ ꠛꠦꠡꠤ ⁕ ꠀꠟꠣ ꠍꠣꠃꠟ ꠚꠥꠟꠣꠅ-ꠛꠤꠞꠣꠘꠤ ꠞꠣꠘ꠆ꠗꠣꠔꠧ ꠛꠦꠛꠀꠞ ꠈꠞꠣ ꠎꠣꠄ ⁕ ꠀꠞꠎꠣꠔꠤ ꠍꠣꠃꠟꠞ ꠔꠘꠦ ꠈꠝ ꠞꠣꠡꠣꠄꠘꠤꠇ ꠚꠖꠣꠞ꠆ꠕ ꠝꠤꠡꠣꠁꠟ ꠀꠟꠣ ꠍꠣꠃꠟꠞ ꠜꠣꠔ ꠃꠘꠣ ꠍꠣꠃꠟꠞ ꠜꠣꠔ ꠔꠣꠇꠤ ꠚꠥꠡ꠆ꠐꠤꠉꠥꠘꠦ ꠛꠃꠔ ꠛꠦꠡꠤ ꠃꠚꠈꠣꠞꠤ ⁕ ꠀꠟꠣ ꠜꠣꠔ ꠍꠤꠟꠐꠤꠘ꠆ꠔꠞ ꠝꠥꠟ ꠈꠣꠘꠤ ⁕