Wp/sli/Schniegruba

Schniegruba eim Winter

Schniegrubabaude, 1490 m ü. M.

De Schniegruba (deutsch Schneegruben, pulsch Śnieżne Kotły) - bilden a under strengem Schutz liegendes Reservat des Nationalparks Riesageberges. Dies sein zwee, noach der Eiszeit entstandene Gletscherkessel zwischa dem Hucha Rad und der Veilchenspitze. De Kleene Schniegrube liegt westlich und de Gruβe Schniegrube estlich – se sein vo eenem Felsenkamm getrennt. Der obere Rand der Gruβa Schniegrube liegt uff der Höhe vo 1490 m ü. d. M. De Grubasohle ies uff der Höhe vo ca. 1200 m gelega und wird durch eenen Moränenwall verschlossa. Ei der Gruβa Schniegrube gibt es 2 flache, kleene Schnieteiche mit kristallsauberem Wosser und es führt hier ooch der Gehängeweg entlang. Uff dem Gipfel befinda sich eenige Aussichtspunkte, de Teufelskanzel und eene TV – Sendestation. Dies ies ohne Zweefel eener der scheensta Plätze eim Riesageberge.