Wp/sjo/ᠴᠠᠪᠴᠠᠯ ᠰᡳᠪᡝ ᡯᡳᡷᡳᠰᡳᠶᠠᠨ

ᠴᠠᠪᠴᠠᠯ
ᠰᡳᠪᡝ
ᡯ᠋ᡞ᠌ᡲᡞ᠌ᠰᡞ᠌ᠶᠠᠨ
cabcal sibe dzijysiyan

ᠴᠠᠪᠴᠠᠯ ᠰᡞᠪᡝ ᡯᡞᡷᡞᠰᡞᠶᠠᠨ,ᡝᡞᠴᡞ ᠴᠠᠪᠴᠠᠯ ᠰᡞᠪᡝ ᠪᡝᠶᡝ ᡩᠠᠰᠠᡢᡤᠠ ᠰᡞᠶᠠᠨ ᠣᠴᡞ ᡪᡠᡢᡥᡡᠸᠠ ᠨᡞᠶᠠᠯᠮᠠ ᡞᠷᡤᡝᠨ ᡤᡠᡢᡥᡝᡬᠣ ᠰᡞᠨᡪᡞᠶᠠᡢ ᡠᡞᡤᡠᠷ ᡯᡞᡷᡞᠴᡞᡠᡞ ᡞᠯᡞ ᡥᠠᠰᠠᡣ ᡯᡞᡷᡞᡪᡝ ᡞ ᡥᠠᠷᠠᡢᡤᠠ ᡝᠮᡠ ᡯᡞᡷᡞᠰᡞᠶᠠᠨ。ᡤᡠᠪᠴᡞ ᡤᡠᠷᡠᠨ ᡝᠮᡠ ᡨᡝᡞᠯᡝ ᠰᡞᠪᡝ ᡠᡣᠰᡠᠷᠠ ᠪᡝ ᡨᡝᠨ ᠣᠪᡠᡥᠠ ᠣᠶᠣᡢᡤᠣ ᡯᡞᡷᡞᠰᡞᠶᠠᠨ。ᡨᠠᠯᡤᠠᠨ 4430 ᡦᡞᡢ ᡫᠠᡢ ᠮᡞᡢᡤᠠᠨ ᠮᡞᡨᡝᠷ/ᠮᡞᠶᡝᡨᡝᠷ,ᠨᡞᠶᠠᠯᠮᠠ ᠠᡢᡤᠠᠯᠠ 15.9 ᡨᡠᠮᡝᠨ。ᠰᡞᠪᡝ ᡠᡣᠰᡠᠷᠠ ᠣᠴᡞ ᠴᠠᠪᠴᠠᠯ ᠰᡞᠶᠠᠨ ᡞ ᠣᠶᠣᡢᡤᠣ ᡠᠪᡠ ᡠᡣᠰᡠᠷᠠ,ᡣᡝᠮᡠᠨᡞ ᡝᠨᠴᡠ ᠯᠠᠪᡩᡠ ᡤᡡᠸᠠ ᡠᡣᠰᡠᠷᠠ ᠪᡞ。 ᠰᡞᠪᡝ ᡠᡣᠰᡠᠷᠠ ᡧᡠ ᡨᡠᡣᡨᠠᠨ ᡩᡝᠷᡞᠪᡠᠨᡩᡝ ᡩᠠᠰᡞᠨᡤᠠᠨᠯᡞᡢ ᠸᠠᠷᡤᡞ ᠠᠯᡞᠨ ᠪᡝᡨᡥᡝ ᡩᡝ ᡪᠠᠯᠠᠨ ᡥᠠᠯᠠᠮᡝ ᠨᡠᡣᡨᡝᠮᡝ,ᠨᡞᠮᠠᡥᠠ ᡥᡝᠷᡝᠮᡝ ᠪᠠᠨᡪᡞᡥᠠᠪᡞ。16 ᠴᡞ ᡪᠠᠯᠠᠷᡞᠨ ᡩᡝ ᡪᠠᡣᡡᠨ ᡤᡡᠰᠠ ᠪᠠᠨᡪᡞᠪᡠᡥᠠ ᠠᠮᠠᠯᠠ,ᡨᡝᠷᡝᡞ ᡤᡝᠷᡝᠨᡠᠰᡠ ᡯᡠᡷᡞᡥᡝᠨ ᡥᠠᡨᠠᠨ ᡨᡠᡣᡨᠠᠨ ᡣᡡᠪᡠᠯᡞᡫᡞ,ᠠᠷᠠᠮᡨᡠᠴᡞᠪᡠᠷᡝ ᡨᠣᡣᡨᠣᡥᠣ ᡠᠰᡞᠨ ᡥᡝᡨᡥᡝ ᡪᡞᡢᡪᡞ ᠴᡞ ᡫᠣᠷᡤᠣᡧᠣᠮᡝ ᡩᠣᠰᡞᡣᠠ。18 ᠴᡞ ᡪᠠᠯᠠᠷᡞᠨ ᡩᡝ,ᠴᡞᠶᠠᠨᠯᡠᡢ/ᠠᠪᡣᠠᡞ ᠸᡝᡥᡞᠶᡝᡥᡝ ᡞ ᡫᠣᠷᡤᠣᠨᡩᡝ,ᠴᡞᡢ ᡬᡠᠷᡠᠨ ᡩᠠᠰᠠᠨ ᠶᠠᠮᡠᠨ ᡩᡝᠷᡤᡞ ᠠᠮᠠᠷᡤᡞ ᡠᡪᠠᠨ ᡪᡝᠴᡝᠨ ᠪᡝ ᠠᡣᡩᡠᠯᠠᠷᠠ ᡨᡠᠷᡤᡠᠨᡩᡝ,ᡝᠮᡠ ᡠᠪᡠ ᠰᡞᠪᡝ ᡠᡣᠰᡠᠷᠠ ᠪᡝ ᠰᡞᠨᡪᡞᠶᠠᡢ ᡩᡝ ᡤᡠᠷᡞᠪᡠᡥᡝ,ᡨᡝᠰᡝ ᡠᠯᡥᡞᠶᡝᠨᡞ ᠠᠮᠪᠠᠷᠠᠪᡠᡥᠠ。ᠰᡞᠨᡪᡞᠶᠠᡢ ᠴᠠᠪᠴᠠᠯ ᡩᡞᠴᡞᡠᡞ ᡞ ᠰᡞᠪᡝ ᡠᡣᠰᡠᠷᠠ,ᡝᠨᡝᡢᡤᡞ ᡞᠰᡞᡨᠠᠯᠠ ᠪᡝᠶᡝᡞ ᡤᡞᠰᡠᠨ ᡥᡝᠷᡤᡝᠨ (ᠰᡞᠪᡝ ᡥᡝᠷᡤᡝᠨ) ᡪᠠᡞ ᡪᡞᠷᠠᠮᡞᠨ ᡧᡠᠮᡞᠨ ᡞ ᡞᠯᠠᠪᠠᡥᠠ ᠠᠨ ᡨᠠᠴᡞᠨ ᡪᠠᡞ ᡨᠠᠴᡞᡥᡞᠶᠠᠨ (ᠰᠠᠮᠠᠨ,ᡫᡠᠴᡭᡞ) ᠪᡝ ᡤᡠᠯᡥᡠᠨ ᠮᡠᠶᠠᡥᡡᠨ ᡞ ᡣᠠᠷᠮᠠᡨᠠᠮᡝ ᡫᡝᠷᡞᡥᡝᠪᡞ。ᠰᡞᠪᡝ ᡠᡣᠰᡠᠷ ᡞ ᡠᠯᠠᠪᡠᠨ ᡨᠠᠴᡞᠨ ᡩᡝ ᠣᠶᠣᡢᡤᠣ ᠪᡠᡨᠠᠷᠠ ᡪᠠᡞ ᡠᠰᡞᠨ ᡥᡝᡨᡥᡝ ᠪᡝ ᡞᠴᡞᡥᡞᠶᠠᠮᠪᡞ。ᠰᡞᠪᡝ ᡤᡞᠰᡠᠨ ᠣᠴᡞ ᠮᠠᠨᡪᡠ ᡨᡠᡢᡤᡠᠰ ᡤᡞᠰᡠᠨ ᡫᡞᠰᡝᠨ,ᠮᠠᠨᡪᡠ ᡠᡣᠰᡠᠷᠠᡞ ᡤᡞᠰᡠᠨ ᡩᡝ ᡥᠠᠨᠴᡞ ᠯᠠᡨᡠᠮᠪᡞ。ᠰᡞᠪᡝ ᡠᡣᠰᡠᠷᠠᡞ ᠰᡞᠪᡝ ᡤᡞᠰᡠᠨ ᠪᡝ ᠪᠠᡞᡨᠠᠯᠠᠷᠠ ᡩᡝᠷᡞ ᡨᡠᠯᡤᡞᠶᡝᠨ,ᡣᡝᠮᡠᠨᡞ ᠨᡞᡣᠠᠨ ᡤᡞᠰᡠᠨ ᠪᡝ ᡪᠠᡞ ᡠᡞᡤᡠᠷ ᡤᡞᠰᡠᠨ ᡞ ᡪᡝᠷᡤᡞ ᠯᠠᠪᡩᡠ ᡥᠴᠠᡞᠨ ᡞ ᡤᡞᠰᡠᠨ ᠪᡝ ᡣᠠᠮᠴᡞᠮᡝ ᠪᠠᡞᡨᠠᠯᠠᠮᠪᡞ。ᠰᡞᠪᡝ ᡥᡝᠷᡤᡝᠨ ᠣᠴᡞ ᡞᠷᡤᡝᠨ ᡤᡠᠷᡠᠨ (ᠮᡞᠨᡬᠣ) 36 ᠴᡞ ᠠᠨᡞᠶᠠ (1947) ᠮᠠᠨᡪᡠ ᡥᡝᠷᡤᡝᠨ ᡞ ᡫᡠᠯᡝᡥᡝ ᡩᠠ ᡞ ᠪᠠ ᡨᡝᠨ ᠣᠪᡠᡫᡞ ᡥᠠᠯᠠᠮᡝ ᡣᡡᠪᡠᠯᡞᠪᡠᡥᠠᡢᡤᡝ,ᡝᠷᡝᠴᡞ ᡝᠨᡝᡢᡤᡞ ᡩᡝ ᡞᠰᡞᡨᠠᠯᠠ ᠰᠣᡢᡣᠣᠯᠣᠮᡝ ᠪᠠᡞᡨᠠᠯᠠᠪᡠᡥᠠᠪᡞ。
cabcal sibe dzijysiyan(nikan gisun: 察布查尔锡伯自治县, uigur gisun: چاپچال شىبە ئاپتونوم ناھىيىسى, hasak gisun: شاپشال سىبە اۆتونوميالى اۋدانى), eici cabcal sibe beye dasangga siyan oci junghūwa niyalma irgen gungheg'o sinjiyang uigur dzijycioi ili hasak dzijyjeo -i harangga emu dzijysiyan. gubci gurun emu teile sibe uksura be ten obuha oyonggo dzijysiyan. talgan 4430 ping fang minggan miter/miyeter, niyalma anggala 15.9 tumen. sibe uksura oci cabcal siyan -i oyonggo ubu uksura,kemni encu labdu gūwa uksura bi.
sibe uksura šu tuktan deribunde dasinganling wargi alin bethe de jalan halame nukteme,nimaha hereme banjimbi. 16 ci jalarin de jakūn gūsa banjibume amala,terei gerenusu dzujyhen hatan tuktan kūbulifi,arame tucibure toktoho usin hethe jingji ci forgošome dosika. 18 ci jalarin de,ciyanlung/abkai wehiyehe -i forgonde,cing gurun dasan yamun dergi amargi ujan jecen be akdulara turgunde,emu ubu sibe uksura be sinjiyang de guribuhe,tese ulhiyeni ambarabuha. sinjiyang cabcal dicioi -i sibe uksura,enenggi de isitala beyei gisun hergen (sibe hergen) jai jiramin šumin -i ilabaha an tacin jai tacihiyan (saman,fucihi) be gulhun muyahūn -i karmatame ferihebi. sibe uksura -i ulabun tacin de oyonggo butara jai usin hethe be icihiyambi. sibe gisun oci manju tunggus gisun fisen,manju uksurai gisun de hanci latumbi. sibe uksurai sibe gisun be baitalara deri tulgiyen,kemuni nikan gisun jai uigur gisun jergi labdu hacin gisun be kamcime baitalambi. sibe hergen oci irgen gurun (ming'o) 36 ci aniya (1947) manju hergen -i fulehe da -i ba ten obufi halame kūbulibuhangge,ereci enenggi de isitala songkolome baitalaha.

ᠪᠠ
ba

2020
ᠴᡞ
ᠠᠨᡞᠶᠠ
ᡩᡝ
ᡞᠰᡞᡨᠠᠯᠠ,
6
ᡪᡝᠨ,
6
ᡤᠠᡧᠠᠨ,
1
ᡠᡣᠰᡠᠷᠠ
ᡤᠠᡧᠠᠨ
ᠪᡞ。
2020 ci aniya de isitala,6 jen,6 gašan,1 uksura gašan bi.

• ᡪᡝᠨ
  jen
  • ᠴᠠᠪᠴᠠᠯ
    ᡪᡝᠨ
    cabcal jen
  • ᠠᡞᠰᡞᠨ
    ᡧᡝᠷᡞ
    ᡪᡝᠨ
    aisin šeri jen
  • ᠰᡠᠨᡪᠠᠴᡞ
    ᠨᡞᠷᡠ
    ᡪᡝᠨ
    sunjaci niru jen
  • ᠴᠣᡥᠣᠷ
    ᡪᡝᠨ
    cohor jen
  • ᡪᠠᡥᡡᠰᡨᠠᡞ
    ᡪᡝᠨ
    jahūstai jen
  • ᠠᠮᠪᠠ
    ᠪᠣᠷᠣ
    ᡪᡝᠨ
    amba boro jen
• ᡤᠠᡧᠠᠨ
  gašan
  • ᡩᡠᡞᠴᡞ
    ᠨᡞᠷᡠ
    ᡤᠠᡧᠠᠨ
    duici niru gašan
  • ᠨᠠᡩᠠᠴᡞ
    ᠨᡞᠷᡠ
    ᡤᠠᡧᠠᠨ
    nadaci niru gašan
  • ᡪᠠᡣᡡᠴᡞ
    ᠨᡞᠷᡠ
    ᡤᠠᡧᠠᠨ
    jakūci niru gašan
  • ᡣᠠᠨ
    ᡤᠠᡧᠠᠨ
    kan gašan
  • ᡤᠣᡥᡡᠮᠴᡞ
    ᡤᠠᡧᠠᠨ
    gohūmci gašan
  • ᡥᠠᡞᠨᡠᡣ
    ᡤᠠᡧᠠᠨ
    hainuk gašan
• ᡠᡣᠰᡠᠷᠠ
  ᡤᠠᡧᠠᠨ
  uksura gašan
  • ᠮᡞᡞᠯᡞᠶᠠᡢ
    ᠴᡞᡠᠸᠠᠨ
    ᡥᡡᡞ
    ᠨᡞᠶᠠᠯᠮᠠ
    ᡤᠠᡧᠠᠨ
    miliyang ciowan hūi niyalma gašan

ᠰᡠᡩᡠᠷᡞ (suduri)

ᡞᠯᡞ ᠪᡞᠷᠠᡞ ᡝᠮᡠ ᡤᡞᠷᡞᠨ ᡩᡝ ᡩᠠᠴᡞ,ᠰᠠᡞ ᡪᡠᡢ,ᠶᠣᡷᡞ,ᡠᠰᡠᠨ,ᡰᡝᡠ ᡰᠠᠨ,ᠶᠣᠪᠠᠨ,ᠸᠠᠷᡤᡞ ᡨᡠᠴᡞᠶᠣ,ᠴᡞᡩᠠᠨ ,ᡨᡠᠴᡞᡧᡞ,ᠮᠣᡢᡤᠣ,ᡪᡠᠨᡤᠠᠷ ᡪᡝᠷᡤᡞ ᠨᡠᡣᡨᡝᠷᡝ ᡠᡣᠰᡠᠷᠠ ᠠᡞᠮᠠᠨ ᡣᠠᡩᠠᠯᠠᠮᡝ ᡪᠠᡫᠠᡨᠠᡥᠠᠪᡞ。 ᡠᡥᡝ ᠰᡠᠴᡠᡢᡤᠠ ᠨᡝᠨᡝᠮᡝ ᡞ 3 ᠴᡞ ᡪᠠᠯᠠᠷᡞᠨ ᡞ ᠣᡢᡤᠣᠯᠣ,ᠰᠠᡞ ᡪᡠᡢ ᠨᡞᠶᠠᠯᠮᠠ ᠴᠠᠪᠴᠠᠯ ᡩᡝ ᠠᡩᡠᠨ ᠠᡩᡠᠯᠠᡥᠠ ᠪᡞᡥᡝ,ᠶᠣᡷᡞ ᠨᡞᠶᠠᠯᠮᠠ ᠠᠮᠠᠯᠠ ᡩᡝᠷᡤᡞ ᠪᠠᠷᡠ ᡤᡠᠷᡞᠨᡪᡞᡥᡝᡢᡤᡝ。ᡠᠰᡠᠨ ᠨᡞᠶᠠᠯᠮᠠ ᠨᡝᡞ ᡫᠣᠨ᠋ᡞ ᡬᠠᠨᠰᡠ ᡤᠣᠯᠣᡞ ᠪᠠᠴᡞ ᡤᡠᠷᡞᠨᡪᡞᡫᡞ,ᠴᠠᠪᠴᠠᠯ ᠪᡝ ᠨᡠᡣᡨᡝᠷᡝ ᠪᠠ ᠣᠪᡠᡥᠠ。702 ᠴᡞ ᠠᠨᡞᠶᠠ,ᡨᠠᡢ ᡤᡠᠷᡠᠨ ᡩᠠᠰᠠᠨ ᠶᠠᠮᡠᠨ ᠨᡝᡞ ᠴᠠᠪᠴᠠᠯ ᠪᡝ ᠪᠠᡣᡨᠠᠮᠪᡠᡥᠠ “ᠪᡝᡞ ᡨᡞᡢ ᡩᡠᡥᡡ ᠶᠠᠮᡠᠨ”（北庭都护府） ᠪᡝ ᡞᠯᡞᠪᡠᡥᠠ。13 ᠴᡞ ᡪᠠᠯᠠᠷᡞᠨ ᠴᡞᡢᡤᡞᠰ ᡥᠠᠨ ᡞ ᡪᠠᠴᡞᠨ ᡪᡠᡞ ᠴᠠᡥᡝᡨᠠᡞ ᡥᠠᠨ ᡤᡠᠷᡠᠨ ᠪᡝ ᡞᠯᡞᠪᡠᡫᡞ,ᠨᡝᡞ ᡥᠣᠷᡤᠣᠰ ᡩᡝ ᡨᡝᡞᠰᡠᠯᡝᡥᡝ ᠪᠠᡩᡝ ᠠᠯᠮᠠᠯᡞ ᡤᡝᠪᡠᡢᡤᡝ ᡥᠣᡨᠣᠨ ᠠᠷᠠᡫᡞ ᡥᡝᠴᡝᠨ ᠣᠪᡠᡥᠠ。ᡨᡝᠷᡝᡞ ᠠᠮᠠᠯᠠ,ᡷᡠᡢᡤᠠᠷ ᡞ ᡣᠠᡩᠠᠯᠠᠰᡞ ᠰᠠ ᠴᠠᠪᠴᠠᠯ ᠪᡝ ᡣᠠᡩᠠᠯᠠᡥᠠ ᠪᡞᡥᡝ。
ᠴᡞᡢ ᡤᡠᠷᡠᠨ 1762 ᠴᡞ ᠠᠨᡞᠶᠠ ᡞᠯᡞ ᡪᡝᠷᡤᡞ ᠪᠠᡩᡝ ᡯᡠᡢᡨᡠᡢ ᡪᡞᠶᠠᡢᡪᡞᠶᡡᠨ ᡞᠯᡞᠪᡠᡥᠠ ᠠᠮᠠᠯᠠ,ᠰᡞᠪᡝ ᡠᡣᠰᡠᠷᠠ ᡥᠠᡫᠠᠨ ᠴᠣᡠᡥᠠ ᠪᡠᡫᡞ ᠠᡢᡤᠠᠯᠠ ᡞᠯᡞ ᠪᠠᡩᡝ ᡤᡠᠷᡞᠨᡪᡞᠮᡝ ᡞᠯᡞ ᠪᠠᡩᡝ ᡞᠰᡞᠨᡪᡞᠷᡝᡢᡤᡝ 4030 ᠨᡞᠶᠠᠯᠮᠠ ᠠᡢᡤᠠᠯᠠ。
1764 ᠴᡞ ᠠᠨᡞᠶᠠ,ᡩᡝᠷᡤᡞ ᠠᠮᠠᠷᡤᡞ ᠪᡝ ᠰᡝᠷᡝᠮᡧᡝᠷᡝ ᡪᠠᡞ ᠰᡠᡣᠰᠠᠯᠠᠷᠠ ᡪᠠᠯᡞᠨ,ᠴᡞᡢ ᡤᡠᠷᡠᠨ ᡞ ᡩᠠᠰᠠᠨ ᠶᠠᠮᡠᠨ ᠸᠠᠷᡤᡞ ᠠᠮᠠᠷᡤᡞ ᠮᡠᡣᡩᡝᠨ ᡞ ᡪᡝᠷᡤᡞ ᠪᠠᠴᡞ ᡝᠮᡠ ᡠᠪᡠ ᠰᡞᠪᡝ ᡠᡣᠰᡠᠷᠠ ᠪᡝ ᠨᡝᡞ ᠴᠠᠪᠴᠠᠯ ᡞ ᠪᠠᡩᡝ ᡤᡠᠷᡞᠪᡠᡥᡝᠪᡞ。ᠰᡞᠪᡝ ᡠᡣᠰᡠᠷᠠ ᡩᡠᠯᡞᠮᠪᠠᡞ ᡤᡠᠷᡠᠨ ᡞ ᡩᡝᠷᡤᡞ ᠠᠮᠠᠷᡤᡞ ᡠᡪᠠᠨ ᡪᡝᠴᡝᠨ ᠪᡝ ᡣᠠᠷᠮᠠᡨᠠᠷᠠ ᡩᡝ ᠠᠮᠪᡠᠯᠠ ᠠᠯᡞᠪᡠᠨ ᡨᡠᠴᡞᡣᡝᠪᡞ。

ili birai emu girin de daci, sai jung, yojy, usun, žeo žan, yoban, wargi tuciyo, cidan, tuciši, monggo, jungar -i jergi nuktere uksura aiman kadalame jafatahabi.
uhe sucungga neneme -i 3 ci jalarin -i onggolo, sain jung niyalma cabcal de adun adulaha bihe, yojy niyalma amala dergi baru gurinjihengge. usun niyalma nei fonni g'ansu goloi baci gurinjifi, cabcal de nuktere ba obuha. 702 ci aniya, tang gurun dasan yamun nei cabcal be baktambuha "bei ting duhū yamun" (北庭都护府) be ilibuha. 13 ci jalarin cinggis han -i jacin jui cahetai han gurun be ilibufi, nei horgos de teisulehe bade almali gebungge hoton arafi hecen obuha. terei amala, jungar -i kadalasi sa cabcal be kadalaha bihe.
cing gurun 1762 ci aniya ili wargi bade dzungtung jiyanggiyūn ilibuha amala, sibe uksura hafan cooha bufi anggala ili bade gurinjime ili bade isinjirengge 4030 niyalma anggala.
1764 ci aniya, dergi amargi be seremšere jai suksalara jalin, cing gurun -i dasan yamun wargi amargi mukden -i jergi baci emu ubu sibe uksura be nei cabcal -i bade guribuhebi. sibe uksura dulimbai gurun -i dergi amargi ujan jecen be karmatara de ambula alibun tucikebi.

ᠨ᠋ᠠᡨᠠᠴᡞᠨ

——ᠣᠷᠣᠨ ᠣᠴᡞ ᠰᡞᠨᡪᡞᠶᠠᡢ ᠠᠮᠠᠷᡤᡞᡞ ᡨᡞᠶᠠᡧᠠᠨ ᠠᠯᡞᠨ ᡞ ᡤᠠᠷᡤᠠᠨ ᠰᡠᡩᠠᠯᠠ ᠠᠮᠠᠷᡤᡞ ᡩᡝ, ᡞᠯᡞ ᠪᡞᠷᠠᡞ ᡪᡠᠯᡝᠷᡤᡞ ᠪᡞᠷᠠᡞ ᡤᠣᠯᠣ ᡞ ᡠᠯᠠᡢᡤᠠ ᠪᠠᡩᡝ ᠪᡞ。ᡪᡠᠯᡝᠷᡤᡞ ᡝᠷᡤᡞ ᡪᠣᡠᠰᡠ ᠰᡞᠶᠠᠨ,ᡨᡝᡣᡝᠰ ᠰᡞᠶᠠᠨ ᡝᠮᡤᡞ ᠰᡞᠷᠠᠨᡩᡠᡥᠠᠪᡞ。ᠸᠠᠷᡤᡞ ᡝᠷᡤᡞ ᡤᡠᡢᠯᡞᡠ ᠰᡞᠶᠠᠨ ᡩᡝ ᠠᡩᠠᡥᠠᠪᡞ。ᠠᠮᠠᠷᡤᡞ ᡩᡝ ᡞᠯᡞ ᠪᡞᠷᠠ ᡤᡞᠶᠠᠯᠠᠪᡠᡥᠠ。
ᡯᡞᡷᡞᡪᡠᡠ ᡤᠣᠯᠣ ᡞ ᡥᠣᡨᠣᠨ ᡞᠨᡞᡢ ᡪᠠᡞ ᡞᠨᡞᡢ ᠰᡞᠶᠠᠨ,ᡥᠣᠴᡝᡢ ᠰᡞᠶᠠᠨ ᡝᠮᡤᡞ ᡞᠰᡥᡠᠨᡩᡝ ᡣᠠᠷᠠᡧᠠᠮᠪᡞ。ᡩᡝᠷᡤᡞ ᡥᠠᠰᠠᡣᡝ ᡝᠰᡨᠠᠨ ᡝᠮᡤᡞ ᡪᡝᠴᡝᠨ ᠠᡩᠠᡥᠠ,ᡪᡝᠴᡝᠨ ᡩᠣᠷᡤᡞ ᡩᡝ ᡠᡪᡠᡞ ᡪᡝᠷᡤᡞ ᡣᡠᡠ ᠠᠨ - ᡩᡠ ᠯᠠ ᡨᠠ ᡣᡠᡠ ᠠᠨ ᠪᡞ。ᠰᡞᠶᠠᠨ ᡥᠣᡨᠣᠨ ᡞᠨᡞᡢ ᡥᠣᡨᠣᠨ ᡩᡝᠷᡞ 17 ᡤᡠᡢᠯᡞ ᡤᡞᠶᠠᠯᠠᠪᡠᠮᠪᡞ。ᠪᠠᠨᠠ ᡞ ᠠᠷᠪᡠᠨ ᡪᡠᠯᡝᠷᡤᡞ ᡩᡝᠨ ᠠᠮᠠᠨᠷᡤᡞ ᡫᠠᡢᡣᠠᠯᠠ。
——ᠴᠠᠪᠴᠠᠯ ᠣᠴᡞ ᠣᠯᡥᠣᠨ ᠪᠠ  ᡞ ᡫᡝᡨᡝᠨ ᠠᠮᠠᠷᡤᡞ ᠪᡠᠯᡠᡣᠠᠨ ᡤᡞᠷᡞᠨ ᡪᠠᡞ ᡥᡞᠶᠠ ᠣᠯᡥᠣᠨ ᠠᠪᡣᠠᡞ ᠰᡠᡣᡩᡠᠨ。ᠠᠨᡞᠶᠠ ᠪᡠᠯᡠᡣᠠᠨ ᠰᡠᡣᡩᡠᠨ 7,9 ᡧᡝᡧᡞ ᡣᡝᠮᡠᠨ,ᡤᡠᡠᡪᡞ ᠠᠨᡞᠶᠠ ᡨᡠᠰᠠ ᠪᠠᡥᠠᠮᡝ ᡝᠯᡩᡝᠨ ᡫᠣᡧᠣᠪᡠᠷᡝ ᡝᠷᡞᠨ 2846 ᡝᠷᡞᠨ ᡩᡝ ᡞᠰᡞᠨᠠᡥᠠ。
——ᡤᡝᠴᡝᠨ ᠠᡣᡡ ᠪᡞᠯᡤᠠᠨ 177 ᡞᠨᡝᡢᡤᡞ,ᠠᠨᡞᠶᠠᡞ ᠨᡝᡞᡤᡝᠨ ᠠᡤᠠ ᠮᡠᡣᡝ 222 ᡥᠣᡠᠮᡞ ᠪᡞᠷᡝᠪᡠᠮᠪᡞ。

ᠰᡞᡢᡪᡝᡢ
ᡣᡡᠸᠠᠷᠠᠯᠠᠮᠪᡞ

——ᠴᠠᠪᠴᠠᠯ ᠰᡞᠪᡝ ᡯ᠋ᡞ᠌ᡲᡞ᠌ᠰᡞ᠌ᠶᠠᠨ ᡞ ᡫᡝᡪᡝᠷᡤᡞ ᡩᡝ 6 ᡪᡝᠨ 6 ᠰᡞᠶᠠᡢ ᡝᠮᡠ ᡠᡣᠰᡠᠷᠠᡞ ᠰᡞᠶᠠᡢ ᠪᡝ ᡣᠠᡩᠠᠷᠠᠮᠪᡞ。
——ᠴᠠᠪᠴᠠᠯ ᡪᡝᠨ,ᠠᡞᠰᡞᠨ ᡧᡝᠷᡞ ᡪᡝᠨ,ᠰᡠᠨᡪᠠᠴᡞ ᠨᡞᠣᠷᡠ ᡪᡝᠨ,ᠴᠣᡥᠣᠯ ᡪᡝᠨ,ᡪᡞᠶᠠᡥᡝᡨᠠᡞ ᡪᡝᠨ,ᠴᡞᡠᡢᠪᡠᠯᠠᡣᡝ ᡪᡝᠨ,ᡩᡠᡞᠴᡞ ᠨᡞᡠᠷᡠ ᠰᡞᠶᠠᡢ,ᠨᠠᡩᠠᠴᡞ ᠨᡞᡠᠷᡠ ᠰᡞᠶᠠᡢ,ᡪᠠᡣᡡᠴᡞ ᠨᡞᡠᠷᡠ ᠰᡞᠶᠠᡢ,ᠮᡞᠯᡞᠶᠠᡢᠴᡞᡠᠸᠠᠨ ᡥᡡᡞᡯᡠ ᠰᡞᠶᠠᡢ,ᡣᠠᠨ ᠰᡞᠶᠠᡢ,ᡤᡡᡥᡡᡢᡪᡞ ᠰᡞᠶᠠᡢ,ᡥᠠᡞᠨᡠᡣᡝ ᠰᡞᠶᠠᡢ,ᠴᠠᠪᠴᠠᠯ ᠯᡞᠶᠠᡢᡫᠠᠨᠴᠠᡢ,ᡞᠯᡞ ᡪᡠᡠ ᠨᡝᠴᡞᠨ ᠠᠯᠠ ᠪᡠᠨᠠᠨ ᡣᡡᠸᠠᠷᠠᠨ,ᠠᠯᡞᠨ ᠪᠠᡞ ᠪᡠᠨᠠᠨ ᡣᡡᠸᠠᠷᠠᠨ ᡪᠠᡞ ᡩᡠ ᡨᠠ ᠯᠠ ᡣᠣᡠ ᠠᠨ。

ᡠᡣᠰᡠᠷᠠ

——ᡝᠷᡝ ᠪᠠᡩᡝ ᡨᡝᡥᡝ ᡠᡣᠰᡠᠷᠠ:ᠰᡞᠪᡝ,ᡠᡞᡤᡠᠷ,ᠨᡞᡣᠠᠨ,ᡥᡡᡞᡥᡡᡞ,ᠮᠣᡢᡤᠣ,ᡥᠠᠰᠠᡣᡝ,ᡪᡝᠷᡤᡞ 25 ᡠᡣᠰᡠᠷᠠ ᠪᡞ。
——ᠨᡞᠶᠠᠯᠮᠠ ᠠᡢᡤᠠᠯᠠ 19 ᡨᡠᠮᡝᠨ ᡩᡝᠷᡞ ᠯᠠᠪᡩᡠ。ᡨᡝᠷᡝᡞ ᡩᠣᠷᡤᡞ 10 ᡨᡠᠮᡝᠨ ᡩᡠᠯᡝᠷᡝ ᠨᡞᠶᠠᠯᠮᠠ ᠠᡢᡤᠠ ᠯᡞᠶᠣᡠ ᠨᡞᡢ ᡤᠣᠯᠣ,ᡥᡝᡞᠯᡠᡢᡪᡞᠶᠠᡢ ᡤᠣᠯᠣ,ᡪᡞᠯᡞᠨ ᡤᠣᠯᠣᠨ,ᡩᠣᠷᡤᡞ ᠮᠣᡢᡤᠣ ᡯᡞᡷᡞᠴᡞᡠᡞ ᡪᠠᡞ ᠪᡝᡞᡪᡞᡢ ᡥᠣᡨᠣᠨ ᡪᡝᠷᡤᡞ ᠪᠠᡩᡝ ᡩᡝᠨᡩᡝᠮᡝ ᡨᡝᡥᡝᠪᡞ。ᠰᡞᠨᡪᡞᠶᠠᡢ ᡩᡝ 4 ᡨᡠᠮᡝᠨ ᡩᡝᠷᡞ ᠯᠠᠪᡩᡠ ᠨᡞᠶᠠᠯᠠᠮ ᠠᡢᡤᠠᠯᠠ ᠪᡞ,2 ᡨᡠᠮᡝᠨ ᡩᡝᠷᡞ ᠯᠠᠪᡩᡠ ᠨᡞᠶᠠᠯᠮᠠ ᠠᡢᡤᠠᠯᠠ ᠴᠠᠪᠴᠠᠯ ᠰᡞᠪᡝ ᡯᡞᡷᡞᠰᡞᠶᠠᠨ ᡩᠣᠷᡤᡞ ᡩᡝ ᡞᠰᡞᠮᡝ ᡨᡝᡥᡝᠪᡞ。

---