Wp/sjd/Анимэ

Анимэ (яп. アニメ, рӯшас аниме) лӣ японскэ анимация. Япониясьт са̄ннҍ «анимэ» коадчетҍ пугк анимация, ама кӯдтъя э̄ллмантэсьт ныдтҍ коадчетҍ лышэ Японьясьт лыһкма анимация.

Мудта лэнӭнҍ лыһкма мультфильмэнҍ роа̄тткнэгэсьт, ке̄йт пукэ авьтмуссе поа̄рьнэ гуэйкэ лыгкэтҍ, е̄нас анимэдтӭ лыһкъювв шаннҍтъе я е̄нноллмэе гуэйкэ, те̄мэтҍ сыйй пугк э̄ллмантэсьт популярнэ лӣ. Анимэ надта персонашшэ я фо̄нэ кырьйхэм ноа̄ленҍ роа̄тткъювв. Со̄нн лӯшшьтлувв гу телевизьённэ серьял я фӣльм. Тоа̄ййв анимэ моа̄ййнас тӯййшуввма ле̄в японскэ комиксэ альн, ке̄йт коадчетҍ ма̄нганҍ, вай графическэ новэлэ альн.

Анимэсьт моа̄ййнас вуэйев мэ̄нн-ля̄ннч ве̄рьт персонашшэ баяс моа̄йнсэ я югке-на̄лшэм поа̄ҋҋкэнҍ я поа̄ленҍ мэ̄ннэ; ныдтҍшэ анимэсьт лӣ е̄ннэ югке-на̄лшэм жа̄нрэдтӭ я стӣлле.