Wp/sjd/Японскэ кӣлл

Японскэ кӣлл
日本語 (nihongo)
Канджи ероглиффэгуэйм кырьйха японскэ кӣл нэ̄мм
Ланҍ	Япония
Нарэд	японла
Са̄ррнэй	е̄намп 130 млн о̄л.
Кырьйхэмна̄лль	Эфтэсьт о̄ннъюввэй: канджи (китайскэ ероглифф) кана (хирагана я катакана)
Класслаһтҍмушш	--
Япон-рюкю кӣл Японскэ кӣлл
Кӣллко̄д
ISO 639-1	ja
ISO 639-2	jpn
ISO 639-3	jpn

Японскэ кӣлл (яп. 日本語, нихонго) лӣ япон о̄ллмэ е̄ннҍкӣлл я Япония ланнҍ кӣлл. Японскэ кӣлле са̄ррн е̄намп 130 млн о̄ллмэдтӭ. Со̄нн пе̄зант японскэ кӣлэ пӣррсэ эфтэсьт рюкю кӣлэгуэйм.

Кырьйхэмна̄лль

Шурьмусс хирагана тӣт а и у э о ∅ あ い う え お к か き く け こ с さ し す せ そ т た ち つ て と н な に ぬ ね の х は ひ ふ へ ほ м ま み む め も й や я ゆ ю よ ё р ら り る れ ろ в わ ゐ ゑ を ん (н) Шурьмусс лашшь тӣт я диакритика っ ゝ ゛ ゜ Японскэ кӣлэсьт о̄ннъюввэв ко̄ллм кырьйхэм система: со̄нэсьт ле̄в кӯһт слоговэ алфавит — хирагана (яп. ひらがな) я катакана (яп. カタカナ), я ныдтҍшэ китайскэ кӣлэсьт ва̄ллтма ероглифф — канджи (яп. 漢字, рӯшас кандзи). Хирагана я катакана ле̄в фонэтическэ алфавит: сыйй вуэзхэллэв, ко̄ххт са̄нҍ ло̄гкъюввэв. Канджи ле̄в китайскэ ероглиффэ японскэ на̄лль, я сыйй вуэзхэллэв соа̄нӭ тӣһтмужэтҍ: ва̄лльтэ, "коа̄сс" японскэ кӣлэсьт лӣ нэко — тэнн са̄нҍ вуайй кырьйхэ гу ねこ (ね "нэ" + こ "ко") хирагананҍ лубэ гу 猫 канджи вӣкенҍ. Коампнезэсьт слоговэ алфавитэнҍ лӣ 46 тӣһтэ. Хирагана Хирагана о̄ннъювв: грамматическэ частэце гуэйкэ (はва – субъект тӣһтэм частэһць, をо – объект тӣһтэм частэһць); соа̄нӭ гуэйкэ, ко̄йн канджи элля (こんにちはкон'ничива «тӣррв я̄лак/е̄лльбэдтӭ»); кырьйхэм я ло̄гкэм гуэйкэ о̄һпнуввъегуэйм, ке̄гк вя̄л канджи ев тӣдҍ. Хирагана тӣт шэ̄ннтма ле̄в китайскэ ероглиффэнҍ, ноа е̄ннгэдтӭ ке̄һпьса кырьйхэм гуэйкэ шэ̄ннҍтэнҍ: 幾 → きки 奈 → なна 美 → みми Тэччклэсьвуд система Японскэ кӣлэсьт лӣ ло̄ссесь тэччклэсьвуд система (яп. 敬語 кэйго «тэччклэсь кӣлл») , ко̄ннэсьт вуайй тэнн шэ юрртэ е̄ресь соа̄нӭгуэйм це̄ӆӆькэ, мӣ ко̄рръя лӣ са̄ррнэй эгенҍ, соцьяльнэ ста̄туссэнҍ, тӣдҍнэдтэм формалвудэнҍ я са̄ррнъе ка̄ннҍц ка̄ннцась алльтвудэнҍ; ле̄в ныдтҍшэ роа̄ткнэг кэскэсьт оалм я нызан са̄ррнэмноа̄ле. Вуэзхэллнэгк: кэ̄жьнэг аннҍтмушш 1) а̄рркъенне кэскэсьт коа̄нҍцэ я 2) сай мӣлльтэ паййла о̄ллмне: 1. 聞いていい？ Кӣтэ ии? Вуая кэ̄дже? 2. 聞かせていただけると嬉しいのですが。 Кикасэтэ-итадакэру то урэшӣ но дэс га. Мыннӭ зоа̄бэль чофта роа̄мм лӣһч, коале мунн кэ̄дже вуайче.