Wp/sjd/Японскэ кӣлл

Японскэ кӣлл (яп. 日本語, нихонго) лӣ япон о̄ллмэ е̄ннҍкӣлл я Япония ланнҍ кӣлл. Японскэ кӣлле са̄ррн е̄намп 130 млн о̄ллмэдтӭ. Со̄нн пе̄зант японскэ кӣлэ пӣррсэ эфтэсьт рюкю кӣлэгуэйм.

Японскэ кӣлл оанн ко̄лм кырьйхэм система: со̄нэсьт о̄ннъюввэв кӯһт алфавит – хирагана (яп. ひらがな) я катакана (яп. カタカナ), я ныдтҍшэ китайскэ кӣлэсьт ва̄ллтма ероглифф – канджи (яп. 漢字, рӯшас кандзи). Хирагана я катакана ле̄в фонэтическэ алфавит: сыйй вӯзьхэв, ко̄ххт са̄нҍ ло̄гкъюввэв. Канджи ле̄в китайскэ ероглиффэ японскэ на̄лль, я сыйй вӯзьхэв соа̄нӭ тӣһтмужэтҍ: ва̄лльтэ, "коа̄сс" японскэ кӣлэсьт лӣ нэко – тэнн са̄нҍ вуайй кырьйхэ гу ねこ (ね "нэ" + こ "ко") хирагананҍ лубэ гу 猫 канджи вӣкенҍ.