Wp/sjd/А̄рьсъёгк сыййт

Ке̄ссь е̄ллем сайй
А̄рьсъёгк сыййт
Варзинский погост
68°22′14″ т. кт. 38°22′56″ н. кк.
Воа̄ллтланнҍ	Рӯшше̄ммьне
Субъект	Мӯрман е̄ммьне
Раённ	Луя̄ввьр раённ
Нарэдт	нуҏҏьт сыйт са̄мь
Исторья я е̄ммьнете̄дт
Ка̄дтма лӣ	1968 ыгесьт

А̄рьсъёгк сыййт (рӯшас Варзино вай Варзинский погост) лӣ ка̄дтма са̄мь сыййт Ба̄ренц ме̄р рынтэсьт алльт А̄рьсъёг ня̄льмэсьт. А̄рьсъёгк ля̄йй Нуҏҏьт сыйт соа̄ме ке̄ссь е̄ллем сайенҍ. Югкеналшэм па̄ленҍ тамьпе ӣле 200 соа̄ме райя аххтан.

Исторья

А̄рьсъёгк сыййт лӣ 17. агесьт куллъей.

Советскэ па̄лесьт тамьпе ля̄йй «А̄рьсъёгк» колхосс лыһкма. Маӈӈьла 1930-нт ыге оа̄лкхэжэсьт А̄рьсъёгк сыййт шэнтэ е̄ллем сайенҍ, касьт пырр ыгь ӣллешь. 1963 ыгь райя со̄нн ля̄йй Са̄мь раёнэсьт, маӈӈа Луя̄ввьр раёнэсьт.

1968 ыг. А̄рьсъёгк сыййт я колхосс лӣйенҍ вэ̄ццкма, а я̄наш е̄ллейе вя̄ӆӆтэдтэнҍ Луя̄ввра.

Е̄ллей

Поштэ пугк сыйт е̄ллей лӣйенҍ са̄мь. А̄рьсъёгк сыйтэсьт ке̄сся ӣле:

• 1913 ыг. – 107 о̄ллмэдтӭ;
• 1938 ыг. – 90 о̄ллмэдтӭ;
• 1943 ыг. – 110 о̄ллмэдтӭ;
• 1964 ыг. – 132 о̄ллмэдтӭ;
• 1968 ыг. – 156 о̄ллмэдтӭ.

А̄рьсъёгэсьт шэ̄ннтма

А̄рьсъёгк сыйтэсьт лӣ са̄мь уһцэй я кырьйхэй Афанасьева Е̄льцэ Нӣна шэ̄ннтма.

Кыррьйтӯй

• Афанасьева Е̄. Н., Варзино... Мы помним тебя, малая родина!. — Мӯрман ланнҍ, 2020 ыгкь. — ISBN 978-5-907344-22-8.
• Варзина // Кольская энциклопедия. В 5 т. Т. 1. А — Д / Гл. ред. А. А. Киселёв. — СПб. : ИС ; Апатиты : КНЦ РАН, 2008. — 600 с. : ил., портр.
• Ушаков И. Ф. По старому Мурману // Города, районы, населенные пункты: подборка статей из периодических изданий, 1965-2002 гг. — Мурманск, 2022.
• Гуцол Н. Н., Виноградова С. Н., Саморукова А. Г. Переселенные группы кольских саамов. — Апатиты, 2007.

Ка̄йв

• ВАРЗИНО — Лексикон КС (кыдтма̄н 1. п. 2022, ко̄пья архивэсьт)