Jump to content

Wp/sel/Чинҗӓр

From Wikimedia Incubator
< Wp‎ | sel
Wp > sel > Чинҗӓр

Чинҗӓ́р (руж. юрты Чинжа́ровы, Чинджа́ровы) – уго́тэл чу́мэл эд Чу́җаӄӄэт (Чуссо́б кы́ӷэт) Варӷ кара́ӷэл айма́ӄӄэт А́ӄӄал нэ́вэрӷэт э̄я. Кыт та́дэл то́пӄэт а̄мда, ир Чинҗӓ́р кыге́т а́ӄӄэӷэт а̄мды. 1911-мҗэл по́тӄэт тэт квая́ ай 11 ӄуп э́дэӷэт э̄ӽа. Чинҗӓ́р ай Бальва́ӄӄэл эд э̄ӽаӷ шэд хал варӷ э́дэлаӷ Чу́җаӄӄэт[1]. Чинҗӓ́рэл чу́мэл эд ӱрре́җемба 20-мҗэл тонпо́т ха́лгэӷэт.

О́ськат эд[edit | edit source]

Ватт о́ӷолҗэма́дэутэ ле́чимбэл ма́даликат ӄӧнд (2012 пот)

Тэп 20-мҗэл тонпо́тӄэт му 19-мҗэл тонпо́т чи́бэӷэт О́ськат эд (руж. О́сипово) а̄ ӄунда́ӄӄэт э̄җемба. Чумэлӷу́ла ҷэ́нҷадэт, нача́т керҗа́л ӄу́ла варгэӽа́дэт. 20-мҗэл тонпо́т ха́лгэӷэт 1-2 чу́мэл чарҗе́ла варгэӽа́дэт, умби́ табла́т чарҗе́л ӄу́ла Ня́рэл ӄваҷо́ӷэт ай То́пӄоӷэт варга́дэт. Гу́глэл ка́ртала адэлҗэ́шпадэт, кой шэд О́ськат эд э̄я, о́ӄӄэр эд и́рэл Чинҗӓ́рт чат, о́ӄӄэр эд са́быльӽул тапче́лэл копто́ӷэт.

Ӄай ти̇ э̄я[edit | edit source]

На э́дэӷэт у́рнэл пылли́ Чуссо́б та́э э̄я, на́тӄо нача́т ватт Варӷ кара́утэ Тыды́л ӄваҷо́нд ме́мба, ҷа́җэмы́ла О́ськат э́дэӷэт пу́шпэгу келемна́дэт. Чумэлӷу́ла ҷэ́нҷадэт, ӄу́ла нача́т фаӈ варгэӽа́дэт 2000-мҗэл (шэд кӧнто́нэмҗэл) по́дэлат ҷанҗ. Ку́жат ти̇́ӽел пу́румбэл ма̄доп тӱ̄ амба́т, ӄу́ла та̄ӄ ӄвэ́нгэлле квэ́тэмбадэт. Ти̇ му́ндэл э́дэӷэт ши̇т ҷо́бор ко́чек оромба́, на́тӄо ӄу́ла ларэмба́дэт э́дэнд ӄӧ́шӄугу – ӄо́рӷла тӧ́квадэт ҷо́борҷэгу.

Ӄу́лат коч[edit | edit source]

Гума́шкалаӷэт – 4 ӄуп, са́быль – кой о́ӄӄэр.

Кольче́к[edit | edit source]

На э́дэӷэт че́лэмбэл чу́мэл надэ́к ӄадэмба́т ми́ӷэн э́җэп ба́сымба. На о́ӄӄэр-о́ӄӄэрэл чу́мэл эҗ, ӄай таб тӓну́т, най таб о́ӄӄэр-о́ӄӄэрэл ӄуп э̄я, ӄод на э́җэп тӓну́ӽыт.

  1. [1]