Wp/sdh/شیعە
شەھە، شیعە یا تەشەییوع دۊەمین بەش گەوراێ دین ئسلامە. شیعەیل لەسەر ئەی باوەڕن ک پێخەمبەر ئسلام محەممەد وەختی نزیکەو بۊ لە مردنی لە شوونێگ وە ناو غەدیر سەرکردایەتی ئسلام داسە عەلی کوڕ ئەبووتاڵب ک وەپێ ئۊشن ئیمام عەلی. شیعەیل هەم باوەر دێرن ک وەختی ئیمام عەلی مردەو، حەسەن کوڕ عەلی و دۊیاێ ئیانەیش حوسەین کوڕ عەلی، سەججاد کوڕ حوسەین، باقر کوڕ سەججاد، جەعفەر کوڕ سەججاد، مووسا کوڕ جەعفەر، ڕزا کوڕ مووسا، جەواد کوڕ ڕزا، ھادی کوڕ جەواد، حەسەن عەسکەری کوڕ ھادی، و دۊیاخر مەھدی کوڕ حەسەن عەسگەری بۊن وە سەرکردەێ ئسلام، ک شیعەیل وە ئەی ١٢ کەس ئیمام ئۊشن. ٨٥٪ لە گشت شیعەیل سەر وە مەزەو دوانزەئیمامین.
شیعە لە کوردستان
[edit | edit source]وتار سەرەکی: کوردەیل شیعە
لە کوردستان بەشێگ لە کوردەیل لە ناوچەیل باشوور وڵات لە پارێزگایل کرماشان، ئیلام، خانەقین، مەندەلی، باکووری لوڕستان، خوەرئاواێ پارێزگایل ھەمەدان و خوەرئاواێ پارێزگاێ کوردستان سەر وە ئسلام شیعەن ک ژماریان لە نێوان ٢/٥ تا ٣ ملیوون کەس ھەزیر کریەێد. ھەلەیوا کوردەیل پارێزگاێ خوراسان باکوور و بەشێگ لە کوردەیل تەرفەتۊن ناو پارێزگایل ئێران سەر وە شیعەن ک وە ژمار کردن ئەیانە جەماوەر کوردەیل شیعە وە نزیکەێ ٤ تا ٤/٥ ملیوون کەس ڕەسێدن.