Wp/sdh/کوردستان

کوردستان یا وڵات کوردەیل ناوچەێگ ئستراتژیک له دڵ جوغرافییای خوەرهەڵات ناوینه. ئمرووژه ئی ناوچه له ناو وڵاتەیل فره گرێنگێگ چۊ ئیران، تورکییه، ئەراق و سوورییه جی گرتیه. له سەردەم وه هاز بوون تورکەمەنەیل سەلجوقی(511 کووچی مانگی) و پادشا بوون سوڵتان سەنجەر کوردستان ئەڕاێ یەکم کەڕەت وەێ ناوه له ناوچەێ ئەیاڵەت جبال(کۊەستان) له ئیران دامزریا. له سال ۱۵۱۴ زائینی کوردستان له ناوەین ئيران و عسمانی دابەش بۊ. دۊاێ چەند سەده فەرانسه و بریتانییا دجاره سنوورەیل سییاسی کوردستان عسمانی وه سه بەش کردن. ئی مەڵوەنه نزیک وه ۱۹۰۰۰۰ مایل چوارک ڕۊبەر دیرد و وه فرم ژێر له ناو وڵاتەیل جییا دابەش کریاس: تورکییه (۴۳ لەسەد)، ئیران (۳۱ لەسەد)، ئەراق (۱۸ لەسەد)، سوورییه (۶ لەسەد)، یەکیەتی شەورەوی وەرین (۲ لەسەد)